შამფურზე შემწვარი ინდაურის საცივი (ცივი კერძები)



შამფურზე შემწვარი ინდაურის საცივი - ცივი კერძები

(shampurze shemcvari indauris sacivi - civi kerdzebi)


საჭირო ინგრედიენტები:

ინდაური
ნიგოზი - 3 ჩაის ჭიქა
ქინძი - 2 ძირი
ნიორი - 1-2 კბილი
ხახვი - 3-4 თავი
წიწაკა, მარილი, მიხაკი, დარიჩინი, ქინძის თესლი, ძმარი, ყვითელი ყვავილი გემოვნებით

მომზადების წესი:

გასუფთავებული, გარეცხილი მთლიანი ინდაური ნახევრად მოვხარშოთ, მოვაყაროთ მარილი, წამოვაგოთ შამფურზე, დავამაგროთ კანაფით და ჩვეულებრივი წესით შევწვათ ნელ ცეცხლზე, შამფურის ტრიალით.

ნიგოზს დავუმატოთ გამხმარი ქინძის თესლი, ყვითელი ყვავილი, ნიორი, დავნაყოთ და გამოვხადოთ ზეთი.
ცალკე დავნაყოთ ქინძი, წიწაკა, მარილი, ავურიოთ შიგ დანაყილი ნიგოზი, გავხსნათ ბულიონში, ჩავასხათ სუფთა ქვაბში, დავუმატოთ საკეპ მანქანაში გატარებული ხახვი, მიხაკი, დარიჩინი და ვადუღოთ ხუთი წუთი.

შემდეგ ჩავაწყოთ შიგ დაჭრილი, შამფურზე შემწვარი ინდაური, ვადუღოთ 10 წუთი, დავუმატოთ ძმარი და ხუთი წუთი დუღილის შემდეგ გადმოვდგათ ცეცხლიდან, შევაგრილოთ, გადმოვიღოთ ლანგარზე და სუფრაზე მიტანის წინ მოვასხათ ნიგვზიდან გამოხდილი ზეთი.

გემრიელად მიირთვით!

































ტექსტის სანახავად გაიარეთ რეგისტრაცია.