დესეადო (არგენტინის მდინარე, სამხრეთ ამერიკა) - Deseado (argentinis mdinare, samxret amerika)

დესეადო (ესპ. Río Deseado) - მდინარე არგენტინაში, სანტა-კრუსის პროვინციაში. სათავეს იღებს ანდებში, მყინვარის დნობის შედეგად და ჩაედინება ატლანტის ოკეანეში. სიგრძე – 615 კმ. მისი სამხრეთ-აღმოსავლეთ დინების წყლები გამოიყენება ირიგაციისთვის.

კოლორადო (არგენტინის მდინარე, სამხრეთ ამერიკა) - Colorado (argentinis mdinare, samxret amerika)

კოლორადო (არგენტინა)

კოლორადო (ესპ. Río Colorado)
- მდინარე სამხრეთ არგენტინაში. სათავეს იღებს ანდების აღმოსავლეთ კალთებზე და ჩაედინება ატლანტის ოკეანეში. სიგრძე 1000 კმ, აუზის ფართობი 350 000 კმ².
კოლორადოზე გადის ადმინისტრაციული საზღვრები არგენტინის პროვინციებს - ნეუკენსა და მენდოსას, ასევე რიო-ნეგროსა და ლა-პამპას შორის.

მენდოსა (არგენტინის მდინარე, სამხრეთ ამერიკა) - Mendosa (argentinis mdinare, samxret amerika)

მენდოსა - მდინარე არგენტინაში, მენდოსის პროვინციაში. სათავეს იღბებს ანდებში, მწვერვალებს - აკონკაგუასა და ტუპანგატოს შორის. მდინარის ზემოწელი ზღვის დონიდან 2,600 მეტრზე მდებარეობს. ერთვის მდინარე სან-ხუანს, რომელიც თავის მხრივ დესაგუადეროს შენაკადია. მენდოსაზე აშენებულია წყალსაცავები და ჰიდროელექტროსადგური. სიგრძე 273 კმ.

ნეუკენი (არგენტინის მდინარე, სამხრეთ ამერიკა) - Niukeni (argentinis mdinare, samxret amerika)

ნეუკენი - მდინარე არგენტინის პატაგონიაში, ნეუკენის პროვინციაში. წარმოადგენს პროვინციის მეორე უმთავრეს მდინარეს ლიმაის შემდეგ. სათავეს იღებს ანდებში, ზღვის დონიდან 2,300 მეტრზე. მისი სიგრძე დაახლოებით 500 კმ-ია.
მსვლელობისას, მდინარის წყალს ერევა ვულკან კოპაუესა და დომუიოდან გადმოსული ნალექი, რაც მის სუფთა წყალს აბინძურებს.
ქალაქ ნეუკენთან ერწყმის მდინარე ლიმაის, რის შედეგადაც წარმოიქმნება მდინარე რიო-ნეგრო.

პინტურასი (არგენტინის მდინარე, სამხრეთ ამერიკა) - Pinturas (argentinis mdinare, samxret amerika)

პინტურასი, (ესპ. Río Pinturas) – მდინარე არგენტინის სამხრეთ ნაწილში პატაგონიაში. მიედინება პინტურასის ხეობაში. კუევა-დე-ლას-მანოსის გამოქვაბულთან.
1999 წელს გამოქვაბული შეიტანეს იუნესკოს მსოფლიო მემკვიდრეობის ძეგლების სიაში.

სალადო (არგენტინის მდინარე, სამხრეთ ამერიკა) - Salado (argentinis mdinare, samxret amerika)

სალადო (არგენტინა)

სალადო (ესპ. Río Salado მარილიანი მდინარე) – მდინარე არგენტინაში. მისი სიგრძეა 1,150 კმ. სათავეს იღებს ანდების აღმოსავლეთ კალთებზე, სალტას პროვინციაში და ერთვის მდინარე პარანას, სანტა-ფეს პროვინციაში. ერთადერთი მნიშვნელოვანი შენაკადია მდინარე ორკონესი.

სალადო (არგენტინის მდინარე, სამხრეთ ამერიკა) - Salado (argentinis mdinare, samxret amerika)

სალადო (ბუენოს-აირესი) - მდინარე არგენტინაში, ბუენოს-აირესის პროვინციის ჩრდილოეთ ნაწილში. ერთვის ატლანტის ოკეანეს, რიო-დე-ლა-პლატის ესტუარს, ბუენოს-აირესიდან 170 კმ-ით სამხრეთით.
მდინარის სიგრძეა 640 კმ, აუზის ფართობი კი 170,000 კმ², რაც ბუენოს-აირესის პროვინციის ფართობის ნახევარია.
ვინაიდან არგენტინაში არსებობს მეორე მნიშვნელოვანი მდინარეც სახელად სალადო, ამ მდინარეს ხშირად მოიხსენიებენ როგორც სალადო-დელ-სური.

სან-ხუანი (არგენტინის მდინარე, სამხრეთ ამერიკა) - Chubut (argentinis mdinare, samxret amerika)

სან-ხუანი — მდინარე სამხრეთ ამერიკის კონტინენტზე, არგენტინაში. სათავეს იღებს ანდებში და მიედინება არგენტინის ერთ-ერთ პროვინცია სან-ხუანის ტერიტორიაზე. ძირითადად იკვებება თოვლის ნადნობი წყლით და იყენებენ სოფლის მეურნეობაში, სარწყავად. მისი სიგრძე 500 კმ-ია.

ჩუბუტი (არგენტინის მდინარე, სამხრეთ ამერიკა) - Chubut (argentinis mdinare, samxret amerika)

ჩუბუტი (ესპ. Río Chubut) - მდინარე სამხრეთ არგენტინაში, პატაგონიის რეგიონში. სახელი მოდის ტეუელჩეს ხალხის სიტყვა chupat-დან, რაც გამჭვირვალეს ნიშნავს. ერთვის ატლანტის ოკეანეს.
მდინარე მიედინება ჩუბუტის პროვინციაში, მისი სიგრძე 800 კმ-ია. საკმაოდ წყალმარჩხია, პოპულარულია თევზაობა. აშენებულია სამტურბინიანი ჰიდროელექტროსადგური.

ბენი (ბოლივიის მდინარე, სამხრეთ ამერიკა) - Beni (boliviis mdinare, samxret amerika)

ბენი (ესპ. Río Beni) - მდინარე ბოლივიის ჩრდილოეთ ნაწილში. სიგრძე დაახლოებით 1500 კმ., აუზის ფართობი 850 ათ. კმ2. სათავე აქვს ანდების მთების განშტოებაზე, ქალაქ ლა-პასის სამხრეთ-აღმოსავლეთით. ზემო დინებაში ჭორომიანია, ქვემო დინებაში ქმნის მეანდრებს. წყალდიდობა დეკემბრიდან მაისამდე იცის. სანაოსნოა შესართავიდან 29 კილომეტრი - ქალაქ რურენაბაკედან ესპაერანსის ჩანჩქერამდე. ერთვის მდინარე მამორეს და ერთობლივად სათავეს უდებენ მდინარე მადეირას - ამაზონის უდიდეს მარჯვენა შენაკადს


Âñ¸ íåîáõîäìîå äëÿ äâèæêà DLE