მხოლოდ ერთხელ

მხოლოდ ერთხელ

(mxolod ertxel)


მხოლოდ ერთხელ,
მხოლოდ წამით,
შემომხედე თვალებში
დიდი გრძნობით,
დიდი ვნებით,
გაიელვე წამებში,
თვალთა ხედვა დამიბნელე,
ბრმად ნაფეხურს მივყვები...
ჭკუას ვეღარ ვუბრძანე და
მე ჩემს გრძნობებს ავყევი..
სად წავიდე,
სად გეძებო,
შენ ხომ გაქრი წამებში...
ეხლა ვეღარ გპოულობ და
მე დაგეძებ ნატვრებში...
მხოლოდ ერთხელ,
მხოლოდ წამით,
შემომხედე....აგყევი...
გამაგიჟე,გადამრიე
და ცხოვრებას გაყევი...

ჯანსაღი ფერით

ჯანსაღი ფერით

(jansagi ferit)


ველური მზერით გიყვარს თამაში,
ჩემს წინ ამაყად, ნებივრად დგომა.
ძლივს დატეულხარ ვიწრო კაბაში
შენ, გაზაფხული და შემოდგომა.
ჯანსაღი ფერით, მდიდარი ტანით
მოხეთქილი ხარ, როგორც ჩანჩქერი,
ჩემს წასალეკად და გასატანად
და არსაიდან არ სჩანს საშველი.
შენა ხარ ჩემი თავდავიწყება
და მზიან გულზე დარდად მოწოლა,
ჩემი საცერა თვალებით გაგცრი
აგაბრიალებ ველურ კოცონად.
შემოგადნება სხეულზე კაბა,
როგორც გულაბ მსხალს სიმწიფით კანი
და ოცნებაში
თრთის ვარდის ქაფად
შენი ღვთიური რძისფერი ტანი.
მოდი,
იხუვლე,
ნაპირს გადმოდი,
თავდავიწყებას რახან მპირდები.
მე ცარიელი ვარ კალაპოტი
და ამომავსე შენი ზვირთებით.

მიყვარსო, მიყვარსო მიყვარსო!

მიყვარსო, მიყვარსო მიყვარსო!

(miyvarso, miyvarso, miyvarso)

ზოგჯერ სიგიჟე ისე მოგივლის
გინდა რომ მთელი ძალით იყვირო.
მიწას ჩასძახო. ზეცას ასძახო:
მიყვარსო. მიყვარსო. მიყვარსო!

გინდა ქვეყანა შემოიობინო
ყველას აუწყო. ყველას აცნობო.
გვერდში მდგომს ყურში მაგრად ჩასძახო.
მიყვარსო. მიყვარსო. მიყვარსო!

თოვლის ფიფქს ამცნო და წვიმას უთხრა.
ძირს დაიხარო. ჭიას ახარო.
ვარდი დასუნთქო.გული გაუხსნა:
მიყვარსო. მიყვარსო. მიყვარსო!

გული ვერ იტევს საზღვრებს გადაღმა
გადადის ძალა სიყვარულისო.
და მთელ ცხოვრებას შენი გზით აწერ:
მიყვარსო. მიყვარსო. მიყვარსო!

თუ სიყვარული გაგყვა მეგზურად
თუნდ ეს სიგიჟე გადაიტანო
ბედნიერი ხარ. თუ შეგეძლება
რომ კვლავ იყვირო მ ი ყ ვ ა რ ს ო!

არა ხარ ღირსი, რომ კვლავ მიყვარდე

არა ხარ ღირსი, რომ კვლავ მიყვარდე

(ara xar girsi, rom kvlav miyarde)


არა ხარ ღირსი, რომ კვლავ მიყვარდე
და ამას უკვე მოვთქვამ გოდებით.
მაინც მიყვარხარ და იცი რატომ?
შენ გამიღვიძე გულში გრძნობები.

შენით ვიგრძენი მე სიყვარული
და შენ მასწავლე ღრუბლებში ფრენა.
შენ მომანიჭე მე სიხარული
და ახლა უკვე ვერ დაგთმობ, ვერა.

თუნდ უკვე ჩემად ახარ ითვლები,
ჩემი გრძნობები ფეხ ქვეშ გატელე.
რაც უფრო შორს ხარ, მით უფრო გელი.
რამდენი ხამე თეთრად ვათენე...

ღამე უძინარს, კვლავ შენზე ფიქრში,
თეთრად მათოვდა თოვლის ფანტელი.
შენ კი ყოველთვის იყავ მშვიდი,
მე კი ამავ დროს - ღამენათევი.

შენ მშვიდი ძილით გეძინა როცა,
ბალიში მლაშე ცრემლებით ვნამე.
და გავიხსენე პირველი კოცნა,
კოცნა, რომელიც გულში დავმალე.

და ამდენი ხნის განმავლობაში,
ამის შესახებ არავინ იცოდა.
გულმა ვერ გასძლო მორტოობაში
და საიდუმლო გამხელა სცოდა.

მუსიკა

მუსიკა (Musika)

ყელს დაიჭრიან მკრთალი სიმები
და სულში ჩუმად აღმოცენდება
როგორც ბიბლიურ მცენარის ტოტი
და ფოთლებს ჩუმად ააშრიალებს.

მე გეფერები. ასე ძალიან
მომწყურადა ქარი და სინათლეში
იბადებიან ჩემი ფესვები,
როგორც წყვდიადის კალთაში მთვარე.

მე გეფერები. შეშლილ ტუჩების
ანარეკლივით ბრწყინავს ოთახი
და იბადება მტანჯველი სხივი
სადღაც, ჰაერის მეორე მხარეს.

ფიქრით შენთან ვარ

ფიქრით შენთან ვარ

(fiqrit shentan var)


ფიქრით შენთან ვარ, შენი სახე თვალთ მეხატება,
გარეთ ქარი ქრის, სევდიანად ღამე ილევა,
ისევ არ მძინავს, შენთან ყოფნა ისევ მინდება.

მინდა გაგათბო, მაგრამ ვიცი ჩემთან რომ არ ხარ,
მოვითმენ, რადგან სიყვარულის მწარე მონა ვარ,
ვიფიქრებ ისევ, ვიოცნებებ და ქარში ვივლი,
შემტკივა მაგრამ, სიყვარულით გავუძლებ ტკივილს.

ვიხეტიალებ ქართან ერთად სევდიან ღამეს,
ღამე ილევა სევდიანად დაითვლის წამებს,
მაგრამ უეცრად ჩემმა გულმა დაიწყო თრთოლა,
თითქოს ვიღაცამ ჩამჩურჩულა
"ის შენთან მოვა"

შენ ამბობდი თვალებიც ბერდებიან

შენ ამბობდი თვალებიც ბერდებიან

(shen ambobdi tvalebic berdebian)


შენ
ამბობდი
თვალებიც ბერდებიან,
და მუდამ ამაზე ვკამათობდით,
ჩვენ შორის სიშორის ის წლებია,
რომლებიც მინდა რომ არ მახსოვდეს.
ახლაღა ბრუნდები,
ვედრებიან
წამებს და საათებს ვგავარ ოდეს,
არ ამბობ
თვალებიც ბერდებიან,
გახსოვს, არ მჯეროდა არასოდეს.
მიყურებ,
გაცვეთილი მზერებია,
ნიღბიან ერთგულებას თამაშობენ,
ვიჯერებ
თვალებიც ბერდებიან,
როდესაც გულები ღალატობენ...

ქალს ვერ დახატავს უბრალო ფუნჯი!

ქალს ვერ დახატავს უბრალო ფუნჯი!

(qals ver daxatavs ubralo funji!)


ქალს ვერ დახატავს უბრალო ფუნჯი!,
და ვერ დახატავს ფერთა მორევი!
ქალის მხატვარი მხოლოდ ღმერთია!,
ღმერთია მხოლოდ მისი მომრევი!,
ქალი ვაჟკაცსაც კი აატირებს!,
ქალი ბუნების სილამაზეა!
ქალის მხურვალე ტუჩთა შეხება,
ღვთისგან ნაბოძი სასწაულია!

ჩემი სურვილი რომ ყოფილიყო

ჩემი სურვილი რომ ყოფილიყო

(chemi survili rom yofiliyo)


ჩემი სურვილი რომ ყოფილიყო,
ფეხს არ დავდგავდი ცოდვილ მიწაზე.
არ გავჩნდებოდი, არ ვიცხოვრებდი,
არ ვისუნთქებდი, დღეს ამ მიწაზე.

მაგრამ განგებამ, ასე ინება
და მე აქა ვარ, დღეს ამ მიწაზე,
უსიყვარულოდ და უიმედოდ,
დავეხეტები ცალი მიწაზე.

ღმერთო ძლიერო, შენ შეისმინე,
ჩემი ვედრება, დრეს ამ მიწაზე.
ნუ მიმატოვებ,უსიყვარულოდ
და უიმედოდ, ცალს ამ მიწაზე..

ვოცნებობ შენზე


ვოცნებობ შენზე

(vocnebob shenze)


ვოცნებობ შენზე! ამ ოცნებით დავფრინავ ცაში,
ანგელოზებთან შევუდგები გიჟურად როკვას,
ველური ჟინი ჟრუანტელს მავლებს ტანში...
სხვა არაფერი,მე სიყვარულის სიგიჟე მომკლავს!
პლატონი სტყუის, რუსთაველის, შექსპირის მიკვირს,
რადგან სიყვარულს მიწიერი მოჰპარეს ვნება;
მიწაზე ვდგავართ, მხოლოდ ფიქრით მივიწევთ ცისკენ.
გული მზეს ეტრფის ოცნებებში, გული თავნება.
მიაპობს გემი ბობოქარ ტალღებს, მივყვები მზის სხივს
და ალბატროსიც ფრთებგაშლილი მხარს მიბამს ციდან;
მე გაშლილ ზღვაზე სიყვარულის დაჭერას ვლამობ
და სიყვარულში თავისუფლება ვიპოვო მინდა.
თუმცა ზღვა ბორგავს, ხელს ჰკრავს კაცთა მოდგმას უბადრუკს,
ტკივილი მისი, ამბოხი სულის ახლა ჩემთვის...
ან წარღვნა გველის, ტალღა მეცხრე, ან გადაგვარჩენს
მხოლოდ სიკეთე, სიყვარული და რწმენა ღმერთის!


Âñ¸ íåîáõîäìîå äëÿ äâèæêà DLE