ხელის ჩამორთმევა - xelis chamortmeva

ხელის ჩამორთმევას ფარული მნიშვნელობაც აქვს. როგორც წესი, მამაკაცები ქალებზე ხშირად ესალმებიან ერთმანეთს ხელის ჩამორთმევით. ამიტომ ნამდვილად იციან, რომ ხელი ყველა ადამიანს სხვადასხვანაირი აქვს, ზოგს – თბილი, ცხელიც კი, ზოგს – ცივი და ტენიანი. ამ სხვაობით თურმე ადამიანის ტემპერამენტის გარკვევა შეიძლება. თუმცა უნდა გვახსოვდეს, რომ არ არსებობს ერთი მკვეთრად გამოხატული ტემპერამენტი, ადამიანში შეიძლება ქოლერიკის, სანგვინიკის, მელანქოლიკისა და ფლეგმატიკის თვისებები შერწყმული იყოს. მაშ ასე:

1. ცხელი და მშრალი ხელები ახასიათებთ სანგვინიკებს. ან შესაძლოა, თქვენი ნაცნობი ამაღლებულ, გულითად ხასიათზეა. ასეთი ადამიანები მოძრავნი და გულღიები არიან, საუბრის დროს ენერგიული ჟესტიკულაცია ახასიათებთ.

2. ცხელი და ტენიანი ხელები ქოლერიკებისთვისაა დამახასიათებელი. შესაძლოა, თქვენი ნაცნობი აღგზნებული ან გაღიზიანებულია. ასეთი ადამიანები მძაფრად რეაგირებენ საუბრის დეტალებზე, გაუწონასწორებელნი არიან, შეუძლიათ მკვეთრად ახარხარდნენ და მერე უცებ ანერვიულდნენ.

3. ცივი და მშრალი ხელები ფლეგმატიკების დამახასიათებელია. როგორც წესი, საუბრისას ფლეგმატიკი ყოველ სიტყვას წონის, ლაპარაკობს ნელა, თითქოს ძალდატანებით. ძალიან ძნელია მისი მოთმინებიდან გამოყვანა, მუდამ აღუშფოთებელი და გაწონასწორებულია. შესაძლოა, ასეთი ადამიანი კლასიკური ფლეგმატიკი არც არის, უბრალოდ, მოცემულ მომენტში თქვენ მის ინტერესს იწვევთ.

4. ცივი და ტენიანი ხელები მელანქოლიკებს აქვთ ხოლმე. შესაძლოა, საუბარში ასეთ ადამიანს ადვილად ატკინოთ გული, და ის კიდევ დიდხანს იდარდებს ამაზე. მისი რამეზე დაყოლიება ძალიან ძნელია, ყველანაირად ეცდება უარის თქმას; მოიმიზეზებს, რომ მაინც არაფერი გამოუვა. ასევე შესაძლებელია, რომ ადამიანი, რომელსაც მიესალმეთ, დღეს რაღაცამ გაანერვიულა, ან დათრგუნულია.

მეხის დარტყმა - mexis dartyma

მეხის დარტყმის შედეგად გაცილებით მეტი ადამიანია დაღუპული, ვიდრე წყალდიდობის, მიწისძვრის და ვულკანის შედეგად. პ.ს. მამაკაცებს 6-ჯერ მეტი შანსი აქვთ დაეცეს მეხი, ვიდრე ქალებს.

ყველაზე სახიფათო პროფესია - yvelaze saxifato profesia

მსოფლიოში ყველაზე სახიფათო პროფესია ლიდერობაა. მარტო მე-20 საუკუნეში ძალადობის მსხვერპლი შეიქმნა სხვადასხვა ქვეყნის 550 მეფე,პრეზიდენტი და პრემიერმინისტრი.

ბუა ანსხვავებს ლურჯ ფერს - bu ansxvavebs lurj fers

ფრინველებში ერთ-ერთი ბუა, რომელიც ანსხვავებს ლურჯ ფერს.

მშობლიურ ენაზე - mshobliur enaze

იმისათვის, რომ მშობლიურ ენაზე წეროს უშეცდომოდ ინგლისელს სჭირდება 8 წელი, ესპანელს – 3, იაპონელს კი 18-20 წელი. იმისათვის, რომ დაწეროს რაიმე სახელი იაპონელმა, სწორად უნდა გამოსახოს 160 იეროგლიფი.

ღამურები - gamurebi

ღამურებს შეუძლიათ ცურვა. მათი მოძრაობა წააგავს ბრასის სტილს.

საუდის არაბეთში - saudis arabetshi

საუდის არაბეთში ავტომანქანის მართვის მოწმობის მიღების მსურველმა, საკმარისია მანქანა გაატაროს სწორ გზაზე 100 მეტრის მანძილზე და უკანა სვლით დაბრუნდეს უკან.

ყველაზე მეტი დასვენების დღეები - yvelaze meti dasvenebis dgeebi

ყველაზე მეტი დასვენების დღეები შაბათ-კვირის ჩაუთვლელად არის ქალაქ ტანჟერში (მაროკო), სადაც დაწესებულებები არ მუშაობენ წელიწადში 31 დღეს.

კურდღლების მოშენებით დაწყებული ბიზნესი - kurdglebis moshenebit dawyebuli bizznesi

Diesel-ის ისტორია 1955 წელს დაიწყო, როდესაც იტალიის ჩრდილო-აღმოსავლეთში, ფერმერის ოჯახში დაიბადა ბრენდის მომავალი დამაარსებელი რენცო როსსო.

ბიზნესის მართვის ტალანტი როსსომ 10 წლის ასაკში გამოამჟღავნა, როდესაც კურდღლების მოშენება და გაყიდვა დაიწყო. სულ მალე როსსოს საკუთარი შემოსავალი ჰქონდა, რამაც დააფიქრა იმაზე, რომ შეეძლო უფრო დიდი პიროვნება გამხდარიყო, ვიდრე უბრალო მუშა.
15 წლის ასაკში რენცომ შეიტყო მოდის შემსწავლელი პირველი იტალიური სკოლის გახსნის შესახებ. მას არ უყვარდა სწავლა და გადაწყვიტა, რომ არ გაუჭირდებოდა ამ სკოლის დამთავრება, რადგან ეს მსგავსი პროფილის პირველი სკოლა იყო. მიუხედავად ამისა, სწავლის პერიოდში როსსოს გაუჩნდა ინტერესი საქმის მიმართ, ხოლო 20 წლის ასაკში ტანსაცმლის დიზაინით დაკავდა. როსსო მუშაობდა ადრიანო გოლდშმიტის ტექსტილის მწარმოებელ კომპანია მოლტექსში. მან გოლდშმიტს შესთავაზა ბიზნეს-გეგმა, რომელიც ითვალისწინებდა წარმოების გაფართოებას და ხარჯების შემცირებას. მოლტექსის ისტორიაში ეს უმნიშვნელოვანესი მომენტი იყო. ცოტა ხნის შემდეგ კი რენცომ კომპანია დატოვა, რათა საკუთარი საქმე წამოეწყო.
1978წ. რენცო როსსომ ადრიანო გოლდშმიტთან ერთად კომპანია Genious Group დაარსა, რომლის 40% რენცოს ერგო. Genious Group-მა მრავალი წარმატებული ბრენდი შექმნა: Katherine Hamnett, Goldie, Martin Guy და რაღა თქმა უნდა Diesel. სახელწოდება Diesel-ზე ორი მიზეზის გამო შეჩერდა არჩევანი: ერთის მხრივ, 70-იანი წლიბის შუა ხანებში ევროპაში შექმნილი ნავთობკრიზისიდან გამოსავალს ამავე სახელწოდების საწვავში ხედავდნენ და თავად სიტყვა იქცა ავანგარდად; მეორეს მხრივ კი სიტყვა დიზელი ასე თუ ისე ერთნაირად ჟღერდა სხვადასხვა ენებზე და ეს სრულიად შეესაბამებოდა რენცო როსსოს ბრენდის კონცეფციას – შეექმნა ბრენდ-ლიდერი, რომელიც არ იქნებოდა შეზრუდული გეოგრაფიული საზღვრებით.
1979წ. Diesel ბრენდის პირველი სრულფასოვანი კოლექცია გამოვიდა, ხოლო 1985წ. დაიწყო Diesel-ის ტანსაცმლის იტალიის ფარგლებს გარეთ ექსპორტი. 1985წ. რენცო როსსომ ადრიანო გოლდშმიტის და Genious Group-ის სხვა პარტნიორების წილი გამოისყიდა.
ასე, ადამიანი, რომლის თქმითაც არასოდეს არ ატარებს ჰალსტუხს და არასდროს არაა ბედნიერი, გახდა Diesel-ის სრულუფლებიანი მესაკუთრე.

გამოთქმა ”თავს შემოგევლე” - gamotqma " tavs shemogevle "

ეს გამოთქმა შემორჩენილია ძველი დროიდან.. ადრე ავადმყოფისათვის თავზე რომელიმე ცხოველის შემოვლება სცოდნიათ. თითქოს ამით სნეულება თავზე შემოვლებულ ცხოველს გადაეცემოდა და ავადმყოფი განიკურნებოდა. შემდეგ ამ ცხოველს მსხვერპლად სწირავდნენ _ კლავდნენ, უფრო ადრე კი ადამიანის მსხვერპლად შეწირვაც სცოდნიათ.
ამრიგად, გამოთქმა „თავს შემოგევლები¨, ნიშნავს: მსხვერპლად შეგეწირები, თავს გავწირავ შენთვის, მზად ვარ შენი ყოველგვარი გასაჭირი და ავადმყოფობა ვიტვირთო.


Âñ¸ íåîáõîäìîå äëÿ äâèæêà DLE