საკეისრო კვეთა






დანიელმა მედიკოსებმა შეისწავლეს 34 ათას მშობიარობასთან დაკავშირებული მასალები და მივიდნენ დასკვნამდე, რომ გეგმიური საკეისრო კვეთის შედეგად დაბადებულ ბავშვებში სასუნთქი გზების დაავადების განვითარების რისკი ოთხჯერ მატულობს.

მეცნიერების თქმით, რესპირატორული დაავადებების განვითარების რისკი საგრძნობლად მცირდება იმ ბავშვებში, რომლებიც დაბადებულნი არიან ბუნებრივი გზით ან საგანგებო მდგომარეობით განპირობებული საკეისრო კვეთით.

მედიკოსებმა გამოიკვლიეს, რომ, თუ დაგეგმილი საკეისრო კვეთის გადატანა მოხდება 39-ე კვირაზე, შესაძლებელია გართულებების რისკი საგრძნობლად შემცირდეს, მაშინ როდესაც, 37-ე კვირაზე წარმოებული ოპერაცია ზრდის რისკს დაახლოებით ოთხჯერ.

ექიმები ჯერჯერობით ვერ ხსნიან აღნიშნულ ფენომენს, თუმცა ვარაუდობენ, რომ მშობიარობასთან დაკავშირებული ძალისხმევა და ჰორმონალური ცვლილებები აუცილებელია ახალშობილის ფილტვების განვითარებისთვის.

უკანაკნელ პერიოდში სულ უფრო მეტი ქალი აკეთებს არჩევანს გეგმიური საკეისრო კვეთის სასარგებლოდ სამედიცინო ჩვენების არარსებობის პირობებშიც კი. აღსანიშნავია, რომ ადრე მეცნიერების მიერ დამტკიცებული იყო, რომ საკეისრო კვეთის დროს მშობიარეთა სიკვდილიანობის მაჩვენებელი ოთხჯერ მეტია, ვიდრე ბუნებრივად მშობიარობის დროს.
































ტექსტის სანახავად გაიარეთ რეგისტრაცია.
Информация
Посетители, находящиеся в группе Гости, не могут оставлять комментарии к данной публикации.