კაცებო გაუფრთხილდით ქალებს...



კაცებო გაუფრთხილდით ქალებს...
და გული ფიანდაზად გაუშალეთ,
შუბლზე გაჩენილი ნაოჭები
ნაზი მოფერებით წაუშალეთ.

ქალს შვლის ნუკრივით გაუფრთხილდით
მადლი ხელის გულზე მოუყარეთ
ქალებს დაულოცეთ ქალობა და
ბაღის ყვავილივით მოუარეთ.

თორემ სხვა ძალაა ქალის ძალა,
ქალი ათას ფიქრად გადაგაქცევს
ქალი აგატირებს, ქალი დაგაჩოქებს,
წამოგაყენებს და ისევ კაცად გაქცევს.

ჰოდა გაუფრთხილდით ამ საუნჯეს
დარდის ნაოჭები წაუშალეთ,
გული სიყვარულით გაუთბეთ და
სული ფიანდაზად გაუშალეთ.
































ტექსტის სანახავად გაიარეთ რეგისტრაცია.
Информация
Посетители, находящиеся в группе Гости, не могут оставлять комментарии к данной публикации.