ქალბატონებისთვის უძილობა დაუშვებელია



მეცნიერებმა აღმოაჩინეს კავშირი მეუღლეებს შორის კონფლიქტსა და ძილს შორის. თურმე, დიდი მნიშვნელობა ჰქონია, კამათის წინ რამდენად კარგად არის ქალბატონი გამოძინებული.

აღმოჩნდა, რომ გამოუძინებელი ქალბატონი თავს დაღლილად და დათრგუნვილად გრძნობს, ადვილად ღიზიანდება და ებმება კამათში.

მეცნიერები ათი დღის განმავლობაში აკვირდებოდნენ ექსპერიმენტში მონაწილეებს და სპეციალური ხელსაწყოს მეშვეობით აკონტროლებდნენ მათ ძილს. მოხალისეებს მეორე დღეს დღიურებში უნდა ჩაეწერათ, როგორ გრძნობდნენ თავს კარგი ძილის შემდეგ და როგორ ვითარდებოდა მათი ურთიერთობა პარტნიორთან.

ექსპერიმენტის შედეგებმა აჩვენა, რომ იმ ქალბატონებს, რომლებიც დიდხანს ვერ იძინებდნენ ან მშფოთვარე ძილი ჰქონდათ, მეორე დღეს ქმართან პრობლემები უჩნდებოდათ.

გამოუძინებელი ქალების კონფლიქტურობაზე მამაკაცებიც ჩიოდნენ, სხვათა შორის, მათთვის ძილს არავითარი მნიშვნელობა არა აქვს, ისედაც შეუძლიათ უმნიშვნელო წვრილმანებზე კამათი.

ცნობილია, ეს გრძნობა ცვლის ადამიანებს, ისინი სრულიად უჩვეულო მდგომარეობაში არიან. მხოლოდ ერთი აზრი აქვთ აკვიატებული, საყვარელ ადამიანზე ფიქრობენ - რა ხდება ადამიანის გონებაში ამ დროს?

ბიოლოგიური მოთხოვნილება თუ...

შეყვარებული ადამიანების ქცევა იმდენად უჩვეულო და საინტერესოა, რომ ნეირობიოლოგებმა ამ გრძნობით შეპყრობილი წყვილების ტვინის სკანირება გადაწყვიტეს. შერჩეული წყვილები კვლევის ამ ეტაპზე ჯერ კიდევ არ იყვნენ დარწმუნებული თავიანთი რჩეულის გრძნობებში.

ამერიკელი ნეიროფიზიოლოგები ირწმუნებიან, რომ ამ ეტაპზე ნებისმიერი ასაკის შეყვარებული ადამიანის ტვინში გასაოცარი მოვლენები ხდება - ეს ნამდვილი რომანტიკული სიყვარულია და სულაც არ არის იმ სახის, როგორიც ადრე ეგონათ. იგი ბიოლოგიური მოთხოვნილებაა და აბსოლუტურად განსხვავდება სექსუალური სურვილისგან.

წარმოიდგინეთ, ასეთ რომანტიკულ გრძნობაზე ტვინის ის ცენტრები აქტიურდება, რომლებიც შიმშილსა და წყურვილს აკონტროლებს და არა ის ცენტრები, რომლებიც ისეთ ემოციურ მდგომარეობასთანაა დაკავშირებული, როგორიც აღგზნება და ვნებაა.

ურთიერთობის გაღრმავებასთან ერთად რომანტიკულ სიყვარულთან დაკავშირებული ტვინის ნეირონული აქტივობა იცვლება. ნეირობიოლოგები ამბობენ, რომ ახლა უკვე ადვილი გასაგებია, რატომ იწვევს ეს გრძნობა ადამიანში განსხვავებულ ემოციებს - ეიფორიიდან დაწყებული მრისხანებით დამთავრებული.

"რომანტიკული სიყვარული ყოვლისმომცველია, - ამბობს ერთ-ერთი მეცნიერი, - ასეთ დროს ადამიანი თავს ვერ აკონტროლებს, ისე იქცევა, საკუთარ თავს ვერ ცნობს. როდესაც შეყვარებული მიატოვებს, თვითმკვლელობაზე, მის მოკვლაზე, შეყვარებულის დევნაზე იწყებს ფიქრს.

ეს ყველაფერი არც ისე ძნელი გასაგები იქნება, თუ გავიხსენებთ, რომ რომანტიკული სიყვარული ადამიანის სასიცოცხლო მნიშვნელოვან ცენტრებთან არის დაკავშირებული".

არარაციონალური ქცევა?

კიდევ ერთი გამოკვლევისას სტუდენტებს იმ ადამიანების ფოტოსურათს უჩვენებდნენ, რომლებიც რამდენიმე კვირის ან თვის წინ შეუყვარდათ და მათ ამ დროს ტომოგრამას უღებდნენ. აღიარებულია, რომ სიყვარულის დროს ადამიანს ყველაზე არარაციონალური ქცევა ახასიათებს.

ეს მხოლოდ სურვილის დაკმაყოფილება ან საჩუქრის მიღება არ არის.

ზოგიერთს, ვისაც ძლიერი და ვნებიანი სიყვარულის გრძნობა აქვს, ტვინის ის უბანი უაქტიურდება, რომელიც ვნებიან სიყვარულზე რეაგირებს. ადამიანი ვერც კი გრძნობს, რა ემართება მის ტვინს შეყვარებულის დანახვისას. შესაძლოა, მას ასი ადამიანის ფოტოსურათი აჩვენონ და მხოლოდ ერთზე დაუტრიალდეს თავის ტვინში ქარიშხალი.

აუტანელი განშორება
სიყვარული მარადიული გრძნობა არ არის. შეყვარებულები ერთმანეთს ხშირად შორდებიან. პოეზიაში ბევრია დაწერილი დაკარგულ სიყვარულზე და იგი ფსიქოლოგებსაც აქვთ შესწავლილი. როდესაც ადამიანს შეყვარებული მიატოვებს, მას სიყვარულის გრძნობა და ლტოლვა უძლიერდება.

ფიზიკური უკმარისობის შეგრძნება უჩნდება. "თითქოს შიგნით რაღაც მქონდა (არ ვიცი, რა დავარქვა) და უცებ ყველაფერი გამიქრა. მთლიანად სიცარიელის გრძნობამ შემიპყრო", - განაცხადა ერთმა გოგონამ, რომელიც ცოტა ხნის წინ დაშორდა შეყვარებულს.

ნეიროფიზიოლოგებს ეს არ უკვირთ და ამბობენ, რომ ასეც უნდა იყოს, სიყვარული ხომ განსაკუთრებული გრძნობაა და იგი სხვისი შეხედულებების, გატაცების, ხასიათის გათავისებასაც ნიშნავს. წარმოიდგინეთ, რა შეიძლება მოხდეს, როდესაც შეყვარებული ადამიანი ამ ყველაფერს კარგავს.

მას ისეთი შეგრძნება აქვს, თითქოს სხეულის რაღაც ნაწილი დაკარგა. ამაზე მისი ტვინის უბნები, რომლებიც ემოციაზეა პასუხისმგებელი, აქტიურად რეაგირებს.

გადის დრო და ქარიშხალი ცხრება. ტვინის ის უბნები, რომლებიც ვნებასა და სიყვარულთან ასოცირდება, მოსვენებულ მდგომარეობაში გადადის. ეს კი იმას ნიშნავს, რომ ადამიანი ახალი სიყვარულის მოლოდინშია და ეს უბნები გარკვეული ხნის შემდეგ კვლავ აღიგზნება.
































ტექსტის სანახავად გაიარეთ რეგისტრაცია.
Информация
Посетители, находящиеся в группе Гости, не могут оставлять комментарии к данной публикации.