რა შეგიძლიათ მიირთვათ 6 საათის შემდეგ, თუ წონაში დაკლება გსურთ?



ბევრი ჩვენგანი იტანჯება კითხვით – ჭამოს თუ არა საღამოს 6 საათის შემდეგ? მიუხედავად იმისა, რომ ბევრჯერ მყარად გადაგვიწყვეტია, აღარ მივირთვათ დღის ამ მონაკვეთში, ხშირად მაინც ვერ ვუძლებთ ცდუნებას, რომ არ წავიცმუცნოთ მაინც საღამოს. მაშ, რა ვქნათ, თუ არ შეგვიძლია მშიერი დაძინება?

დიეტოლოგები ერთ აზრზე თანხმდებითნ, რომ 18.00 საათის შემდეგ შიმშილი მავნებელია, რადგან ორგანიზმი 12 საათზე მეტხანს რჩება საკვების გარეშე. ამიტომაც საუკეთესო გამოსავალია – დაძინებამდე 3 საათით ადრე მივირთვათ რაიმე მსუბუქი.

მაშ ასე, რა შეგვიძლია ვჭამოთ გვიან ვახშამზე? ეს გახლავთ ყველანაირი ბოსტნეული (პომიდორი, კიტრი, სტაფილო, ტკბილი წიწაკა, ჭარხალი, ნიახური) და ხილი (ციტრუსი, ვაშლი, მსხალი, ბროწეული, ბანანი). ჩამოთვლილთაგან საუკეთესოა – ვაშლი, ციტრუსი და ნიახური.

ნიახური – საერთოდაც სულ სხვა თემაა. ეს საოცარი ბოსტნეულია მათთვის, ვისაც გახდომა სურს, მის გადასამუშავებლად ხომ იმაზე მეტი ენერგიაა საჭირო, ვიდრე მის მიღებასთან ერთად ხვდება ორგანიზმში.

ასევე დაძინებამდე 3 საათით ადრე შეგიძლიათ მიირთვათ მოხარშული ან ორთქლზე მომზადებული თევზი, კეფირი, უცხიმო ხაჭო. თუ მაინც ვერ დანაყრდით, შეგიძლიათ თავს უფლება მისცეთ, ჭამოთ მოხარშული ქათმის ნაჭერი.

მაგრამ გახსოვდეთ, რაც უნდა მიირთვათ ამ დროს, არ უნდა აღემატებოდეს დადგენილ ნორმას: 1 ვაშლი, 1 ჭიქა კეფირი ან 1 ნაჭერი თევზი. დღის ამ მონაკვეთში ზედმეტად დანაყრება არავითარ შემთხვევაში არ შეიძლება!

წყარო
































ტექსტის სანახავად გაიარეთ რეგისტრაცია.
Информация
Посетители, находящиеся в группе Гости, не могут оставлять комментарии к данной публикации.