რა არის აუტიზმი და რა სიმპტომები ახლავს მას



რა არის აუტიზმი?


აუტიზმი არის გონებრივი არეულობა, რომელიც ზღუდავს ადამიანის შესაძლებლობას სხვა ადამიანებთან კონტაქტისა და ურთიერთკავშირის. აუტიზმით დაავადებული ბავშვები იქმნიან საკუთარ სამყაროს, აქვთ უჩვეულო თვისებები და შესაძლებლობები. დადგენილია, რომ ყოველი 88 ბავშვიდან ერთი ამ სინდრომითაა დაავადებული.

აუტიზმის ნიშნები


სანამ ბავშვი სამი წლის გახდება, დაკვირვებებით შეიძლება აღმოჩნდეს აუტიზმის ნიშნები. ზოგ შემთხვევაში ბავშვები ჩვეულებრივ ვითარდებიან 18-24 თვემდე, შემდეგ კი აჩერებენ განვითარებას ან კარგავენ უკვე შეძენილ უნარ-ჩვევებს. აუტიზმის დამახასიათებელი ნიშნებია:

* გამეორებადი მოძრაობები (ქანაობა ან ერთ ადგილზე ტრიალი)
* თვალის კონტაქტის და ფიზიკური შეხების თავიდან აცილება
* ლაპარაკის დაგვიანება
* მოულოდნელი გაბრაზება მცირე ცვლილებებისას

(თუმცა ეს სიმპტომები ჩვეულებრივ ბავშვებსაც შეიძლება ახასიათებდეს)

რა არის აუტიზმი და რა სიმპტომები ახლავს მას


აუტიზმის ადრეული ნიშნები (ერთ წლამდე)

* დედის დაძახილის უგულებელყოფა
* საკუთარი სახელის გაგონებაზე რეაქციის არ ქონა
* თვალის კონტაქტის არიდება
* სიცილის და სიხარულის არ გამოხატვა

აუტიზმის ნიშნები 2 წლამდე ბავშვებში

ამ დროს სიმპტომები უფრო შესამჩნევია. სანამ სხვა ბავშვები თავიანთ პირველ სიტყვებს ამბობენ და უთითებენ სასურველ საგნებზე, აუტიზმით დაავადებულები მსგავსი მოქმედებისგან შორს არიან. სიმპტომები შეიძლება იყოს შემდეგი:

* 16 თვემდე არ ამბობენ სიტყვებს
* 18 თვემდე არ თამაშობენ ჩვეულ თამაშებს
* 2 წლამდე არ ამბობენ ორ სიტყვიან ფრაზებს
* უინტერესობა მშობლების მითითებებზე

აუტიზმს ასევე ფიზიკური სიმტომებიც შეიძლება ახლდეს: უძილობა, კუჭ-ნაწლავის პრობლემები, კერძოდ, ყაბზობა. ასეთ ბავშვებს დაქვეითებული აქვთ კუნთების ფუნქცია – არ დარბიან და არ ცოცავენ.

აუტიზმი გავლენას ახდენს ტვინის ნაწილზე, რომელიც აკონტროლებს ემოციებს, კომუნიკაციას და სხეულის მოძრაობებს. ბავშვები ხშირად არ მოწმდებიან ამ სინდრომზე სკოლაში შესვლის ასაკამდე, თუმცა აუცილებელია აუტიზმის გამოკვლევები ჩატარდეს 18 და 24 თვეზე.

გამოკვლევები ტარდება მეტყველებაზე:
ექიმი ამოწმებს ბავშვის რეაქციებს, მის ხმაზე, სიცილზე და სხვა მოქმედებებზე. ასევე აუცილებელია ჩატარდეს სმენის ტესტიც. როგორც წესი აუტისი ბავშვები ლაპარაკობენ სიმღერით ან რობოტის ხმებით.

რა არის აუტიზმი და რა სიმპტომები ახლავს მას


მკურნალობა


პროგრამები, რომლებიც სხვადასხვა ქცევის თერაპიებს მოიცავს ფართოდაა გამოყენებული აუტისტი ბავშვების დასახმარებლად. ეს პროგრამები ეხმარებათ მათ ფიზიკურად განვითარებასა და კომუნიკაბელურობაში. როგორც წესი, სამკურნალო აბები არ არსებობს ამ დაავადებისთვის, მაგრამ ექიმები ხშირად უნიშნავენ ასეთ პაციენტებს ანტიფსიქოტურ აბებს, რომლებიც ამშვიდებს მათ და ამცირებს აგრესიას.

წყარო: active.ge
































ტექსტის სანახავად გაიარეთ რეგისტრაცია.
Информация
Посетители, находящиеся в группе Гости, не могут оставлять комментарии к данной публикации.