მაკიაჟი



თურმე ქალმა მაკიაჟი დაახლოებით ნახევარ საათში უნდა გაიკეთოს. თუმცა ზოგიერთ ქალს ამისთვის სულ რაღაც 10 წუთი სჭირდება. ასეთი ქალები მაკიაჟის გაკეთებას ყველგან წარმატებით ახერხებენ: სახლშიც, სამსახურშიც და საჭესთანაც კი… კარგი და გემოვნებიანი მაკიაჟი რამდენიმე ეტაპს მოიცავს. თუმცა ჩვენ ხშირად ამ ეტაპების დაცვა გვეზარება და შედეგად, სახეც გვიჭრელდება.

სრული მაკიაჟი


სანამ მაკიაჟის გაკეთებას დაიწყებ, წინასწარ უნდა მოამზადო როგორც სახის კანი, ასევე თვალები. თავიდან აუცილებელია დამცავი კრემის წასმა, შემდეგ კი – უკვე კანისთვის სპეციალურად შერჩეული ტონალური კრემი უნდა წაისვა. ტონალურის შემდგომი ეტაპი – კორექტორია, რომელიც პრობლემურ ადგილებს შეალამაზებს. მაკიაჟის ყველაზე მნიშვნელოვან ნაწილად თვალის ფანქარი, ჩრდილი, ტუში და ტუჩის საცხი ითვლება.

„თემატური მაკიაჟი“


თვითოეულ სიტიაცუას განსხვავებული ტიპის მაკიაჟი სჭირდება. მაგალითად, საღამოს წვეულებაზე, კონცერტზე ან რომანტიკულ ვახშამზე (განსაკუთრებით, თუ ეს ვახშამი სანთლის შუქზეა!) მკვეთრი მაკიაჟი და წითელი პომადა დაგჭირდება, ხოლო სამსახურში ან საქმიან შეხვედრაზე მიმავალი მსუბუქ მაკიაჟს უნდა დასჯერდე.

„გაფრთხილება“


1. არ შეიძლება ტუშით ან ტონალური კრემით დაძინება. ეს შენს სახის კანს ძალიან დააზარალებს. ამიტომ ძილის წინ, აუცილებლად გაიწმინდე სახე სპეციალური ლოსიონით და წაისვი დამატენიანებელი კრემი.

2. სახეზე ყველაფრის წასმა არ შეიძლება! არ არის გამორიცხული, რომ ამან სერიოზული ალერგია გამოიწვიოს, ამიტომ დიდი სიფრთხილით მოეკიდე კოსმეტიკის შერჩევას!

3. პირველ პაემანზე შეეცადე მსუბუქი მაკიაჟით მიხვიდე, რა იცი, იქნებ „იმასაც“ აწუხებს ალერგია?!

წყარო: janmrtelobainfo.ge
































ტექსტის სანახავად გაიარეთ რეგისტრაცია.
Информация
Посетители, находящиеся в группе Гости, не могут оставлять комментарии к данной публикации.