კანის მოვლა ზაფხულში



როგორ დავიცვათ კანი:

1. გამოიყენეთ მზისგან დამცავი საშუალებები, რომლის SPF (მზისგან დამცავი ფაქტორი) არის 30 ან უფრო მეტი. რაც უფრო მაღალია SPF (მზისგან დამცავი ფაქტორი), მით უფრო კარგად იცავს ის თქვენს კანს. ყურადღებით წაიკითხეთ და დაიცავით მზისგან დამცავი საშუალებების გამოყენების წესი.

2. ატარეთ გრძელმკლავებიანი ტანსაცმელი. უმჯობესია ეს იყოს ნატურალური ქსოვილის, რათა კანმა უკეთ ისუნთქოს.

3. მოერიდეთ მზის სხივებს დილის 10 საათიდან საღამოს 4 საათამდე. ამ დროს ულტრაიისფერი სხივების რაოდენობა ყველაზე მაღალია. გაითვალისწინეთ, რომ მზის სხივები წყალშიც აღწევს და ღრუბლიან დღეშიც არის.

4. ატარეთ მზის სათვალე - ულტრაიისფერი სხივები აზიანებენ თვალებს და დროთა განმავლობაში აუარესებენ მხედველობას. კარგი სათვალე უნდა იცავდეს ორივე - UVA და UVB სხივებისაგან.

5. მოარიდეთ მზის სხივებს ბავშვები. ბავშვობაში მზის დამწვრობა ზრდის კიბოს განვითარების რისკს მოზრდილებში. მზის დამცავი საცხების გამოყენება დასაშვებია 6 თვის ასაკიდან. თუ მზეზე გაგყავთ ბავშვი, აუცილებლად დააფარეთ ქუდი.

6. პერიოდულად დაითვალიერეთ კანი - სასურველია თვეში ერთხელ. კანზე საეჭვო წარმონაქმნი ჩნდება არა მხოლოდ ღია მზისგან დაუცველ, არამედ ტანსაცმლით დაფარულ ადგილებზეც. ასე, რომ დაათვალიერეთ კანი მთლიანად, სხეულის წინა და უკანა მხარე. უმჯობესია სარკეში თქვენს სხეულს მთელ სიგრძეზე ხედავდეთ. საეჭვო წარმონაქმნის აღმოჩენის შემთხვევაში მიმართეთ ექიმს.

წყარო: life.mediamall.ge
































ტექსტის სანახავად გაიარეთ რეგისტრაცია.
Информация
Посетители, находящиеся в группе Гости, не могут оставлять комментарии к данной публикации.