ყოვლისშემძლე კეფირი - მაგარი ფრჩხილები, მბზინავი თმა და ელასტიკური კანი



გარდა იმისა, რომ კეფირი სასარგებლოა ბავშვებისთვის და არაჩვეულებრივ დიეტურ საკვებადაც მიიჩნევა, ბრწყინვალე კოსმეტიკური საშუალებაც არის. თანაც ის ერთდროულად შეგვიძლია გამოვიყენოთ როგორც კანის, ასევე ფრჩხილებისა და თმის მოსავლელად. გამოსცადეთ შემოთავაზებული რეცეპტები და ამ რძემჟავა პროდუქტის სასიკეთო თვისებებში თავად დარწმუნდებით.

კანისთვის

ტანის მოსავლელად - თბილ კეფირში დაასველეთ უხეში ხელთათმანი და წრიული მოძრაობებით შეიზილეთ სხეულზე. ამგვარი მასაჟი უკეთ მოამარაგებს კანს ჟანგბადითა და აქტიური ნივთიერებებით.

თუ კეფირს წვრილ ზღვის მარილს შეურევთ, ტანის არაჩვეულებრივ სკრაბს მიიღებთ.

სახის კანის გასათეთრებლად 5 სუფრის კოვზ მწვანე ჩაის დაუმატეთ სამი სუფრის კოვზი კეფირი, კარგად აურიეთ, წაისვით სახეზე და 15 წუთის შემდეგ ჩამოიბანეთ. ასეთი ნიღაბი, როგორც აღვნიშნეთ, ათეთრებს და უფრო ელასტიკურს ხდის კანს.

ფრჩხილებისა და ხელებისთვის

თუ ხელებზე კანი გაგიუხეშდათ და ფრჩხილები გიშრევდებათ, შეგიძლიათ კეფირის აბაზანები გაიკეთოთ - ღრმა ჭურჭელში ჩაასხით კეფირი და ჩააწყვეთ ხელები 10 წუთით. თუ ამგვარ პროცედურას ყოველდღიურად ჩაიტარებთ, ერთი-ორი კვირის შემდეგ დადებით შედეგს მიიღებთ: ფრჩხილები გაგიმაგრდებათ, ხელის კანი კი თეთრი, გლუვი და ელასტიკური გახდება.

თმისთვის

კეფირი შეიცავს ისეთ ნივთიერებებს, რომლებიც არა მარტო კანს კვებავენ, არამედ ამაგრებენ თმის ძირებს და აუმჯობესებენ თმის სტრუქტურას.

თუ მშრალი თმა გაქვთ, შემდეგი ნიღაბი გამოგადგებათ: ერთი კვერცხის გულს შეურიეთ ერთი ჩაის კოვზი აბუსალათინის ზეთი, დაუმატეთ სამი სუფრის კოვზი კეფირი, ყველაფერი ეს კარგად აურიეთ, მიღებული მასა წაისვით თმაზე, დაიხურეთ აბაზანის ქუდი, ზემოდან შემოიხვიეთ პირსახოცი და ერთი საათის შემდეგ ჩამოიბანეთ. ასეთი ნიღბის გაკეთება რეკომენდებულია კვირაში ერთხელ.

ცხიმიანი თმისთვის - ერთი ჭიქა კეფირი გააცხელეთ, გაწურეთ მარლაში, მიღებულ სითხეს თანაბარი პროპორციით შეურიეთ ოროვანდის ნახარში – ერთ ჭიქა წყალზე ორი სუფრის კოვზი ნედლეული. მიღებული ნაზავი შეიზილეთ თმის ძირებში ყოველი დაბანის წინ, სამი კვირის განმავლობაში.

ნებისმიერი ტიპის თმისთვის: კეფირი თმის მთელ სიგრძეზე წაისვით. შეგიძლიათ, თმის ძირებში მასაჟისებური მოძრაობებით შეიზილეთ. მასაჟი სისხლის მიმოქცევას აუმჯობესებს. დაიხურეთ აბაზანის ქუდი და პირსახოცით დაითბუნეთ. 20 წუთის შემდეგ ჩამოიბანეთ ძმრიანი ან ლიმონის წვენით გაზავებული წყლით. ამ პროცედურის ჩატარება რეკომენდებულია კვირაში ერთი-ორჯერ. ის კვებავს თმის ძირებს და აუმჯობესებს თმის სტრუქტურას.

წყარო: etanews.ge
































ტექსტის სანახავად გაიარეთ რეგისტრაცია.
Информация
Посетители, находящиеся в группе Гости, не могут оставлять комментарии к данной публикации.