სისხლის ჯგუფით ადამიანზე უფრო მეტი ინფორმაციის მიღება შეიძლება, ვიდრე თქვენ ფიქრობთ



ადამიანის სისხლის ჯგუფი განისაზღვრება შემადგენლობით – კონკრეტული ნახშირწყლები და ცილები ახდენენ სისხლის ჯგუფის ფორმირებას. სისხლის ჯგუფებად დაყოფა ჯერ კიდევ 1900 წელს მოხდა. არსებობს ოთხი ძირითადი სისხლის ჯგუფი. მათ შორის ყველაზე გავრცელებული მეორე სისხლის ჯგუფია. ნებისმიერმა ადამიანმა უნდა იცოდეს საკუთარი სისხლის ჯგუფი, რადგან ეს ძალიან მნიშვნელოვანია და, რაც მთავარია, აუცილებლობის შემთხვევაში ზუსტად უნდა იცოდე რომელი ჯგუფის სისხლი უნდა გადაისხა.

სწორედ ამიტომ მებრძოლებს უკეთებდნენ სპეციალურ სამაჯურებს, რომელზეც მათი სისხლის ჯგუფის ნომერია პლუსით და მინუსით, რაც რეზუსდადებით ან რეზუსუარყოფით ჯგუფს აღნიშნავდა.

პირველი ჯგუფის სისხლი – ყველაზე ძველი სისხლის ჯგუფია, რომელიც ნეანდერტალელების დროიდან მოდის. იმ პერიოდში ადამიანები ძირითადად ცხოველის ხორცით იკვებებოდნენ, სწორედ ამიტომ ცილით მდიდარი ხორცის დიეტა დღესაც კარგად მოქმედებს ამ სისხლის მქონე ადამიანების ჯანმრთელობაზე. ადამიანები პირველი ჯგუფის სისხლით ძლიერი ლიდერები და ხელმძღვანელებელი გამოდიან. ისინი მარტივად პოულობენ გამოსავალს ყველაზე მძიმე სიტუაციებიდანაც კი და ასევე პრობლემების მოგვარებაში ეხმარებიან სხვა ადამიანებს. მათ ყველაფერი იდეალურად ექნებოდათ, რომ არა საკითხებისადმი ზედაპირული დამოკიდებულება და უპასუხისმგებლობა. ეს ორი პრობლემაა, რომელზეც ღირს მუშაობა თუკი პირველი სისხლის ჯგუფის ადამიანებს ცხოვრებაში წარმატებების მიღწევა სურთ. რაც უფრო აქტიური ცხოვრებით არიან დაკავებულები, მით უფრო დიდხანს ცხოვრობენ. მამაკაცები პირველი ჯგუფის სისხლით საუკეთესო საყვარლები არიან, მათ სიამოვნებთ ქალების „დაპყრობა“ და არასოდეს ჩერდებიან მიღწეულ მიზანზე, მათ უფრო და უფრო მეტი მწვერვალის დაპყრობის სურვილი უჩნდებათ. რაც შეეხება პირველი ჯგუფის სისხლის მქონე ქალბატონებს, ისინი, როგორც წესი, ძალიან აქტიურები და ძალიან ეჭვიანები არიან.

მეორე ჯგუფის სისხლი – სისხლის ეს ჯგუფი გაჩნდა იმ პერიოში, როდესაც ადამიანები სოფლის მეურნეობით დაინტერესდნენ და დაიწყეს კვებითი რაციონის გაფართოება. სწორედ ამიტომ აღნიშნული სისხლის მქონე ადამიანები თავს საუკეთესოდ გრძნობენ თუ მათი კვებითი რაციონი მრავალფეროვანია. ამ ჯგუფის „პატრონები“ მარტივად ეგუებიან ნებისმიერ ცვლილებებს, პირობებს და აბსოლუტურად უკონფლიქტოები არიან. ასეთი ადამიანები ძალიან მარტივად პოულობენ საერთოს ნებისმიერ სულიერთან, ახერხებენ ნებისმიერ თემაზე საინტერესოდ საუბარს და მარტივად ითვისებენ უცხო ენებს. როგორც წესი, მეორე ჯგუფის სისხლის მქონე ადამიანების სუსტი წერტილი გული და მხედველობაა. ამ ჯგუფის მამაკაცები ერთგულები და მორცხვები არიან, ისინი, როგორც წესი, პატივს სცემენ საკუთარ პარტნიორებს. რაც შეეხება ქალბატონებს – ისინი იდელაური მეუღლეები არიან, რომლებსაც უყვართ საკუთარი შვილები და ოჯახი, ასევე ერგული და გამგები მეგობრები არიან.

მესამე ჯგუფის სისხლი – სისხლის ეს ჯგუფი გაჩნდა მაშინ, როდესაც დედამიწაზე ცივი პერიოდები დაიწყო. მაღალი ტემპერატურიდან დაბალზე გადასვლამ სისხლის შემადგენლობაზეც იმოქმედა და მუტაცია განიცადა. ამ ჯგუფის მქონე ადამიანები მოთმინების უნარით გამოირჩევიან და ისინი განსაკუთრებულად მეწვრილმანეები არიან. შეიძლება იყვნენ საუკეთესო ქირუგები ან ოქრომჭედლები. აქვთ უნარი კარგად აკეთონ ის საქმე, რომელიც არასოდეს უსწავლიათ. ჯანმრთელობის მხრივ მათი სუსტი წერტილი კუჭი და ინფექციური დაავადებები ხდება. სისხლის მესამე ჯგუფის მქონე მამაკაცები ხშირად იცვლიან პარტნიორებს, მანამ სანამ საკუთარ რჩეულს იპოვიან. რაც შეეხება ქალბატონებს ისინი განსაკუთრებული ექსტრავაგანტურობით გამოირჩევიან და ყველაფერზე საკუთარი მოსაზრების დაფიქსირება უყვართ.

მეოთხე სისხლის ჯგუფი – ეს ყველაზე იშვიათი და ახალი ჯგუფია. ის დაახლოებით ათასი წლის წინ ჩამოყალიბდა. მეოთხე სისხლის ჯგუფის მქონე ადამიანებს საუკეთესო იმუნიტეტი აქვთ, ყველაზე ახალ და ჯერ კიდევ შეუსწავლელ დაავადებებსაც კი მძაფრ წინააღმდეგობას უწევენ. თუმცა სუსტი წერტილებიც აქვთ: სმენის უნარი, კანის, სახსრების და ძვლების პრობლემები. ყველაზე ხშირად გამომგონებლებს და მკვლევარებს აქვთ მეოთხე ჯგუფის სისხლი. ამ ჯგუფის მამაკაცებმა შესანიშნავად იციან თუ როგორ უნდა მიიქციონ ყურადღება, ქალბატონები კი ძალიან სექსუალურები და მიმზიდველები არიან.

წყარო: primetimenews.ge
































ტექსტის სანახავად გაიარეთ რეგისტრაცია.
Информация
Посетители, находящиеся в группе Гости, не могут оставлять комментарии к данной публикации.