უზბეკი ბებიის საიდუმლო რჩევები უგემრიელესი ფლავის მოსამზადებლად



1. ვიწყებთ ხახვით. ვჭრით ნახევარწრეებად და ვწვავთ ზეთში, სანამ ოქროსფერი არ გახდება.

2. ვამატებთ წინასწარ მსხვილ ნაჭრებად დაჭრილ ძროხის ხორცს.

3. ხორცს და ხახვს ვამატებთ სტაფილოს. სტაფილო უნდა იყოს დაჭრილი მსხვილ ნაჭრებად. ვამატებთ მარილს და კარგად მოვშუშავთ.

4. ხახვს, ხორცს და სტაფილოს ვამატებთ ადუღებულ წყალს ისე, რომ ეს ინგრედიენტები რამდენიმე სანტიმეტრით დაფაროს. ამის შემდეგ ზირვაკს ზომიერ ცეცხლზე ვადუღებთ. (ზირვაკი არის ბულიონი, რომელიც ჩვენ ახლახანს დავამზადეთ). რაც მეტ ხანს ვადუღებთ, მით უფრო არომატული ფლავი გამოგვივა.

5. მთავარი კომპონენტის დროც მოვიდა. ბრინჯი სასურველია იყოს მაგარი ჯიშის. შეიძლება მოგრძო. კარგად გადაარჩიეთ, რომ რამე არ შეყვეს და გარეცხეთ.

6. სანამ ბრინჯს დაამატებთ, აუცილებლად გასინჯეთ ზირვაკი. მარილი უფრო მეტი უნდა ჰქონდეს ვიდრე ჩვეულებრივ წვნიანს. სჯობს მეტი იყოს მარილი, ბრინჯი მაინც შეიწოვს. წინააღმდეგ შემთხვევაში, დაიპრესება.

7. ვამატებთ ზირვაკს ბრინჯს და ვასხამთ ადუღებულ წყალს, რომელმაც ბრინჯი რამდენიმე სანტიმეტრით უნდა დაფაროს. ცეცხლს ცოტა მოუვუმატებთ და ველოდებით, სანამ ბრინჯი წყალს შეიწოვს.

8. შემდეგ ვაკეთებთ ხვრელებს ქვაბის ძირამდე, რომ ზირვაკი არ მიიწვას. მიაქციეთ ყურადღება ამ ხვრელებს და პერიოდულად კვლავ გააკეთეთ ხოლმე ხვრელი. როცა სითხე ხვრელებში კამკამს დაიწყებს, დროა დაუწიოთ ცეცხლს მინიმუმამდე და ქვაბს თავსახური დააფაროთ.

9. ვინიშნავთ 20 წუთს, ვრთავთ, ვურევთ და ვტოვებთ კიდევ 10 წუთი.

ფლავი მზადაა!

უზბეკი ბებიის საიდუმლო რჩევები უგემრიელესი ფლავის მოსამზადებლად


არსებობს რამდენიმე საიდუმლო, რაც გემრიელი უზბეკური ფლავის მომზადების დროს უნდა გახსოვდეთ:

1. არავითარ შემთხვევაში არ გახეხოთ სტაფილო. დაჭერით.

2. მარილი, პიმპილი, ან სხვა სუნელები ზირვაკის მზადების შუალედში უნდა დაამატოთ.

3. ბრინჯის ხარშვის დროს არავითარ შემთხვევაში არ მოურიოთ და თავსახური არ მოხადოთ.

4. თუ გამზადებულ ფლავს 30 წუთი გააჩერებთ, უფრო გემრიელი იქნება.

5. ბრინჯი რომ ხარშვას დაიწყებს, ჩააგდეთ ქვაბში 2 თავი კარგად გარეცხილი გაუფცქვნელი ნიორი.

postalioni.com
































ტექსტის სანახავად გაიარეთ რეგისტრაცია.
Информация
Посетители, находящиеся в группе Гости, не могут оставлять комментарии к данной публикации.