რომელი დაავადების რისკს ამცირებს სტაფილო



ორგანიზმში მოხვედრილი ბეტა-კაროტინი A ვიტამინად გარდაიქმნება, რომელიც ახალგაზრდა ქალის ორგანიზმისათვის მეტად საჭიროა. ეს უძლიერესი ანტიმჟანგავი ორგანიზმს დაბერებისა და გადაღლისგან იცავს.

სტაფილო აუცილებელია ორსული ქალებისთვის, რათა ძლიერი და ჯანსაღი შთამომავლობა გააჩინონ. ასევე საჭიროა მათთვის, ვისაც კანის სიმშრალე, მტვრევადი ფრჩხილები და თმა აქვს.

სტაფილო ასუფთავებს სისხლს და მის მიმოქცევას აუმჯობესებს. ამით გულსისხლძარღვთა და ონკოლოგიური დაავადებების რისკს ამცირებს.

ექიმების რეკომენდაციით, სტაფილო ყოველდღიურად უნდა მიირთვათ, ან უზმოზე დალიოთ მისი წვენი.

სტაფილო განსაკუთრებით სასარგებლოა ახლომხედველობის, კონიუნქტივის, ბლეფარიტისა და თვალების სწრაფად დაღლის დროს.

ამერიკელი მეცნიერების გამოკვლევებით გაირკვა, რომ ეს ბოსტნეული შეიცავს კიბოს საწინააღმდეგო ნივთიერებას- ფალკარინოლს, რომელიც კიბოს უჯრედების განვითარებას ერთი მესამედით ამცირებს.

სტაფილოს ახალგამოწურულ წვენს სამკურნალო, გამაახალგაზრდავებელი და მატონიზირებელი მოქმედება აქვს.

ღრძილების გასამაგრებლად მეტად სასარგებლოა სტაფილოს ღრღნა. ხოლო სტომატიტის დროს საჭიროა სტაფილოს წვენის პირში გამოვლება.

ასევე რეკომენდებულია ამ ბოსტნეულის გამოყენება ცისტიტის, შეკრულობის, ბუასილის და შარდკენჭოვანი დაავადებების დროს.

სტაფილო ჩართულია დიეტაში, რომელიც მოწოდებულია კუჭისა და ნაწლავების მუშაობის სტიმულაციისათვის, ორგანიზმიდან ტოქსიკური ნივთიერებების გამოსადევნად, სისხლში ქოლესტერინის დონისა და გულის კუნთის ინფარქტის შესამცირებლად.

უმი სტაფილოს გამოყენება რეკომენდებული არ არის წვრილი ნაწლავების ანთების, კუჭის წყლულისა და გასტრიტის გამწვავების პერიოდში.


galanews.ge
































ტექსტის სანახავად გაიარეთ რეგისტრაცია.
Информация
Посетители, находящиеся в группе Гости, не могут оставлять комментарии к данной публикации.