რატომ შორდებიან წყვილები 14 თებერვალს



სტატისტიკურად 14 თებერვალი დაშორებების პიკია. მონაცემები მიიღეს ფეისბუქზე დაშორების შესახებ სტატუსების მონიტორინგით. წყვილების უმეტესობა ვალენტინობამდე 2 კვირით ადრე ან ორი კვირის შემდეგ შორდებიან. მაგრამ რატომ? აი, 3 გავრცელებული მიზეზი:




1. მოლოდინის ზეწოლა

რატომ შორდებიან წყვილები 14 თებერვალს


ვალენტინობა- დღესასწაულია, რომლის დროსაც წყვილები ერთმანეთს, სიყვარულის დასტურად, საჩუქრებს ჩუქნიან. თითოეულ ადამიანს საკუთარი მოლოდინი აქვს, თუ რისი მიღება სურთ მეორე ნახევრისგან: ვიღაც ელოდება ძვირადღირებულ საჩუქარს, ვიღაც-რომანტიულ ჟესტს; თუმცა ვალენტინობის მოლოდინი ქმნის არარეალურ წარმოდგენას, როგორი უნდა იყოს ურთიერთობა. განსაკუთრებით მაშინ, როცა წყვილისთვის ერთად პირველი 14 თებერვალია.

2. შედარება სხვა წყვილებთან

რატომ შორდებიან წყვილები 14 თებერვალს


სოციალური ქსელები იქცა იმ ადგილად, სადაც ადამიანები აზიარებენ ყველაფერს, რაც მათ თავს ხდება: რას ჭამენ, რას ჩუქნიან, სად მოგზაურობენ. და ჩვენც უნებლიედ ვადარებთ მათ საკუთარ თავებს. იმის მიუხედავად,(საიდუმლო სულაც არაა), რომ ზოგიერთი ადამიანი საკუთარი ცხოვრების გადაჭარბებულ და არარეალურ სურათს წარმოაჩენს . ისინი ხომ არ აზიარებენ კამათის, დაშორების, ტკივილის, წარუმატებლობის, ...რეალური ცხოვრების შესახებ.

და მაინც, როცა წყვილები ადარებენ საკუთარ ურთიერთობას იმას, რასაც ხედავენ ონლაინში, მათ შეიძლება თავი არასრულყოფილად იგრძნონ და მოითხოვონ ერთმანეთისგან იყვნენ ისეთები, როგორებიც ინსტაგრამ წყვილები არიან.

ეს ყველაფერი კიდევ ერთხელ ქმნის არარეალურ მოლოდინს, რომლის განხორციელებაც შეუძლებელია, რაც ანგრევს ურთიერთობას და მიჰყავს დაშორებისკენ.

3. ურთიერთობა ისედაც კრიზისშია

რატომ შორდებიან წყვილები 14 თებერვალს


თუ თქვენ ისედაც რთული პერიოდი გაქვთ, მაშინ 14 თებერვლის მოლოდინი და ზეწოლა მხოლოდ დაამძიმებს სიტუაციას. მაგალითად, ერთი პარტნიორი მეორისგან ელოდება საჩუქარს, მაგრამ ის უკვე აღარ თვლის ამის გაკეთებას საჭიროდ, ეს კი ბოლო წვეთი ხდება; ან ერთი პარტნიორი ცდილობს რომანტიული საღამოს დაგეგმვას, მეორე კი არ აფასებს მის მონდომებას, შედეგად- რომანტიული საღამო, გამოსამშვიდობებელ საღამოდ გადაიქცევა.

თაკო ცილიკიშვილი
































ტექსტის სანახავად გაიარეთ რეგისტრაცია.
Информация
Посетители, находящиеся в группе Гости, не могут оставлять комментарии к данной публикации.