მე თავისუფლად ვერ მიწერია ..



მე თავისუფლად ვერ მიწერია

(me tavisuflad ver miweria)


გთხოვთ დამიბრუნეთ ჩემი რითმები
მე სხვა სიტყვებით ვერ განმიცდია.
მე სიძულვილი აღარ მჭირდება,
კიდევ რა დავთმო რაც დამითმია.

სად დამიკარგეთ სული ამაყი
სად ჩამიკალით სიტყვა ალალი,
რატომ წაიღეთ ჩემი ვედრება
რატომ გათელეთ ღვთის სამართალი.

ყველა დაეძებს დღეს საკუთარ თავს
ეძებს მისთვის და ვერ უპოვნია.
მე კი ჩამიხშეს ბრმათა არმიამ
და თავისუფლად ვერ მიწერია.

შეხედეთ რითმებს ასეთ უბადრუკს
სულიერებით ზნედაცემულა,
და რიხიანად ვეღარ ვიძახი
“სიყვარულს მიეცთ თავისუფლება“

მძიმე რითმებით არ მინდა ვწერო
მსუბუქ ლექსებით რაც მიწერია
და ეს გრძნობები მართლაც რომ წრფელი
თქვენ სიძულვილით გაგიტენიათ.

როცა მე თქვენზე მეტად შევიგრძნობ
მე ჩემ რითმებს და სული ამაყობს
როცა ესწრაფვით სხვის დამცირებას
თავისუფლება ვეღარ ნავარდობს.

თქვენ არ ხართ ღირსი გალაკტიონის
ტყუილად წერდა თურმე ილიაც,
წყალში ჩაყრილა ის პოეზია
რაც არსებობდა და დაწერილა.


მინდა რომ ვიყო მე ბედნიერი
არვისთვის მინდა გრძნობები ვსახო,
მინდა რომ რითმა მე სხვებს მივუძღვნა
არაფერს ვითხოვ არაფერს ვამბობ.

ამ ქვეყანაზე მინდა სიკეთე
რომის პაპივით სულ ვიქადაგო
ნუ დაეცემით ადამიანნო
ამ სიტყვით მინდა ჩემს ხალხს მივმართო.

ღვარძლი და ბოღმა რა საჭიროა
თვით სიყვარული არის ციური
გულს ნუ უჯერით ის ნუ გკარნახობთ
სულით იწამეთ ყველამ ღვთიური.

ნუ დაბრმავდებით მხოლოდ გჯეროდეთ
რომ ქვეყანაზე სითბო გაქრება,
თუ არ ვისწავლით ერთად სიყვარულს
ჩვენი ოცნებაც ვეღარ ახდება.
































ტექსტის სანახავად გაიარეთ რეგისტრაცია.