ვიტამინები - Vitaminebi



A-ვიტამინი ანტიმჟანგავია და კარგია მხედველობისთვის;
B1-აადვილებს მეტაბოლიზმს,კარგია ნერვებისა და კუნთებისთვის;
B2-აადვილებს ენერგეტიკულ ელემენტების ასიმილაციას,რომლებსაც საკვები შეიცავს.კარგია ლორწოვანი გარსისთვის;
B3-კარგია ლორწოვანი გარსისა და კანისთვის;
B5-ანტისტრესული და ენერგეტიკული ვიტამინია.ის ხელს უწყობს ანტისხეულების წარმოქმნას,გვიცავს ალერგიისა და მაღალი წნევისგან;
B6-კარგია ნერვებისთვის,ხელს უწყობს ჰემოგლობინის წარმოქმნას;
B8-შესანიშნავია კანის,თმისა და ნერვებისთვის,აწესრიგებს ლიპიდების მეტაბოლიზმს და აუმჯობესებს მადას;
B9-აწესრიგებს ნერვულ სისტემას;
B12-ხელს უწყობს ზრდას;
C-ანტიმჟანგავია,ასევე ანტისტრესული.აადვილებს რკინის შეთვისებას და შეხორცების პროცესს.სტიმულს აძლევს იმუნურ სისტემას და არეგულირებს ქოლესტერინს;
E-ანტიმჟანგავი ვიტამინია.კარგია სისხლისთვის,კუნთებისა და ნერვებისთვის.
K-კარგია ოსტეოქონდროზის პროფილაქტიკისთვის.



კომში შეიცავს კალციუმს, მაგნიუმს, კალიუმს, ვიტამინ C-ს, ვაშლისა და ლიმონის მჟავებს, მდიდარია პექტინით, რომელიც დადებითად მოქმედებს კუჭ-ნაწლავის ტრაქტზე;

საჭმლის მონელების სისტემის მოშლის დროს მიირთვით კომში. ის ანტისეპტიკური, შარდმდენი და სისხლდენის შემაჩერებელი საშუალებაა. კალიუმის დიდი რაოდენობის გამო, სასარგებლოა გულ-სისხლძარღვთა სისტემის დაავადებისა და ჰიპერტონიის დროს. მისი მიღება კარგია ასევე, ასთმის დროს, ამაგრებს გულის კუნთს, დადებითად მოქმედებს ღვიძლისა და კუჭის მუშაობაზე.

ვაშლის ან მისი წვენის რეგულარული მიღება იცავს თავის ტვინის უჯრედებს დაზიანებისგან. მოხუცებულობის დროს კარგია დაქვეითებული მეხსიერების აღსადგენად, რადგან ის დადებითად მოქმედებს თავის ტვინზე.

მოცხარი მდიდარია ჯანმრთელობისთვის საჭირო B, C, D, E, K და PP ვიტამინებით. შეიცავს ბიოლოგიურად აქტიურ 600-მდე ნივთიერებას. ამის გამო ის ააქტიურებს სისხლის წარმოქმნას, გამოდევნის ორგანიზმიდან მარილებს, კარგია ავიტამინოზისა და გულ-სისხლძარღვთა დაავადებების სამკურნალოდ. შავი მოცხარი არეგულირებს წნევას, ხელს უშლის სახსრების ანთებასა და ალერგიას. წითელი მოცხარი კი კლავს წყურვილს, ორგანიზმიდან გამოდევნის ტოქსინებსა და წიდებს.

***
ხმა – ჩალასავით მშრალი, ტუჩები – დამსკდარი, კანი – აქერცლილი, სახის ფერი – უფერული, გამომეტყველება – ნაღვლიანი. ასეთია ადამიანის ჩვეულებრივი პორტრეტი გაზაფხულზე ვიტამინების ნაკლებობის პერიოდში. თუ ეს სურათი სარკეში თქვენს გამოსახულებას ჰგავს, მაშასადამე საჭიროა მენიუში ცვლილებები შეიტანოთ და ვიტამინური პროდუქტებით გაამდიდროთ.

მწვანე სალათა. მასში უხვადაა ასკორბინის მჟავა (ს ვიტამინი) და ი ჯგუფის ვიტამინები. გარდა ამისა, სალათა ბოსტნეულს შორის უ ვიტამინის (ცნობილი ანტიმჟანგავი, რომელიც ნაოჭების გაჩენას აბრკოლებს, კანს გლუვს ხდის, თმას – ხშირს, სისხლძარღვებს – მაგარს) შემცველობით ჩემპიონია. მასში ასევე საკმარისადაა მაგნიუმი (რაც ფრჩხილებისა და თმის ჯანმრთელობისათვის აუცილებელია), იოდი და ფოსფორი (რომელიც მოხუცებულობაშიც კი სიბერის მარაზმისგან იცავს).

კომბოსტო ს ვიტამინის მთავარი წყაროა. დღეში 100 გრამი კომბოსტო ამ ვიტამინზე ორგანიზმის დღიურ მოთხოვნას სრულად აკმაყოფილებს.

ლიმონი ს ვიტამინის ერთ–ერთი საუკეთესო შემნახველია. ლიმონის რბილობი მდიდარია პექტინით, რომელსაც ორგანიზმიდან ტოქსინები და შლაკები გამოაქვს, გულ–სისხლძარღვთა და ონკოლოგიური დაავადებებისგან იცავს, ხოლო კანში არსებული ბიოფლავონოიდები წვრილ კაპილარებს ტონუსში ამყოფებს.

ბარდა. კონსერვირებული მწვანე ბარდა იმავე რაოდენობის ვიტამინების ნაკრებს შეიცავს, რასაც ქორფა. თუ გსურთ, ყოველთვის ახალგაზრდა და ენერგიით სავსე იყოთ, უპირატესობა ბარდას მიანიჭეთ. ბარდის ცილა შემადგენლობით ხორცის ცილასთან ახლოსაა. შეიცავს ამინმჟავებს, რაც ახალი უჯრედების ასაგებად აუცილებელია.

მჟაუნა. მას ხშირად “გაზაფხულის მეფეს” უწოდებენ. ავიტამინოზთან ბრძოლაში ის ორგანიზმის ერთ–ერთი მთავარი მოკავშირეა, ხოლო სასარგებლო ნივთიერებების შემცველობით მწვანე ბოსტნეულს მნიშვნელოვნად აღემატება. მჟაუნა მდიდარია ი ჯგუფის ვიტამინებით. მის ფოთლებში უხვადაა ვიტამინი ფ (მხედველობის სიმახვილეს ეხმარება), რკინა (სისხლის შემადგენლობას და კანის ფერს აუმჯობესებს), ფთორი (სასარგებლოა კბილებისთვის), კალიუმი (სისხლძარღვების კედლებსა და გულის კუნთს ამაგრებს), მაგნიუმი (პასუხისმგებელია ნერვული სისტემის კარგ მუშაობაზე).

ბოლოკი. მასში ბევრი ასკორბინის მჟავაა. რაც უფრო წითელია ძირხვენი, ს ვიტამინი მით უფრო მეტია. ბოლოკი ასევე მდიდარია ი ჯგუფის ვიტამინებით, კალიუმით, რკინით, ფიტონციდებით (ნატურალური ანტიმჟანგავები). სხვათა შორის, ბოლოკის ფოთლები არანაკლებ ვიტამინებსა და მიკროელემენტებს შეიცავს, ვიდრე ძირხვენი. ფოთლები სალათებს დაუმატეთ.

კეფირი. კეფირის მთავარი ღირსება ისაა, რომ ეს პროდუქტი შესანიშნავი წყაროა კალციუმისა და ფოსფორის, რომელთა გარეშე კარიესის მსხვერპლი ვიქნებოდით და ძვლების მოტეხილობით მუდამ დავიტანჯებოდით. გარდა ამისა, კალციუმი და ფოსფორი თავის ტვინის უჯრედების აგებაში მონაწილეობს, ნერვული სისტემის ნორმალურ მუშაობას ხელს უწყობს და ნივთიერებათა ცვლას აუმჯობესებს.

პომიდორი. მისი მთავარი ღირსება ნივთიერება ლიკოპენია, რომელიც ორგანიზმს გარემოს უარყოფითი ზემოქმედებისა და ონკოლოგიური დაავადებებისგან იცავს. სამკურნალო ლიკოპენის რაოდენობა ხარშვის დროს ერთი მესამედით იზრდება.

***
ლიმონის წვენზე დაფუძნებული დიეტის ადეპტებად უკვე იქცნენ პენელოპა კრუზი, შარლიზ ტერონი და მადონა.

მთავარი პრინციპი ძალიან მარტივია: ყოველ დილით რამდენიმე ჭიქა ლიმონისწვნიანი თბილი წყალი უნდა დალიო. ერთ ჭიქა წყალს დასჭირდება 2 სუფრის კოვზი ლიმონის წვენი.

ექსპერტები ამ ხერხის ეფექტურობას ადასტურებენ. საიდუმლო იმაშია, რომ პატარა მჟავე ლიმონი საჭმლის მომნელებელ ტრაქტზე კეთილისმყოფლად მოქმედებს.

ლიმონის მჟავა კარგი სტიმულატორი გახდება საჭმლის მომნელებელი სისტემისთვის მთელი დღის განმავლობაში, ხოლო წყალი ზედმეტ ნივთიერებებს გამოიტანს.

გარდა ამისა, ლიმონის წვენი კუჭში მჟავიანობას ზრდის და ამით კალცის ათვისებას ეხმარება. კალცი კი, თავის მხრივ, უჯრედებში ცხიმს ჩაანაცვლებს.

ამგვარად, ფიზიკურ ვარჯიშთან და ჯანსაღ რაციონთან ერთად დილით მირთმეული ლიმონის წვენი უფრო დააჩქარებს ზედმეტი კილოგრამების მოშორებას.

იმასაც ამბობენ, რომ თუკი ლიმონის კანსაც შეჭამს ადამიანი, ეს 4 საათით დაახშობს შიმშილის გრძნობას. პეკტინს, რომელიც ლიმონის კანშია, ქსოვილური სტრუქტურა აქვს, კუჭში სქელ გელად გარდაიქმნება და ნაწლავის კედლებს ეკრობა და ცოტა ხნით ატყუებს ორგანიზმს.

რაც ყველაზე მთავარია! ლიმონის წვენი არაჩვეულებრივად მდიდარია С ვიტამინით, ამიტომ შემოდგომასა და ზამთარში უბრალოდ აუცილებელია იმუნიტეტის ასამაღლებლად.
































ტექსტის სანახავად გაიარეთ რეგისტრაცია.