მეცნიერება - Mecniereba



ბევრი ადამიანისთვის ცნობილია, მეორე მსოფლიო ომის დროს გერმანიას წამყვანი ადგილი ეჭირა მსოფლიოში ატომურ კვლევებში. სწორედ გერმანელებმა ოტო განმა და ფრიც შტრაუსმანმა 1938 წელს მსოფლიოში პირველებმა აღმოაჩინეს ურანის ბირთვის დაშლის შესაძლებლობა. მაშინ მთელ დანარჩენ მსოფლიოს ატომური ფიზიკის ეს დარგი უპერსპექტივოდ მიაჩნდა. არსებობს ეჭვი, რომ სახელგანთქმული ფიზიკოსის, 1922 წლის ნობელის პრემიის ლაურეატ ნილს ბორის, გაქცევა დანიიდან შვეიცარიაში გერმანული გესტაპოს მიერ ბრწყინვალედ ორგანიზებული ოპერაცია იყო, რომლის მიზანს მოკავშირეთა დეზინფორმირება წარმოადგენდა. იმ დროს ბორის შეხედულებები მნიშვნელოვნად განსხვავდებოდა ნივთიერებების დაშლის რეალური ფიზიკისგან. მაგრამ ბორის ავტორიტეტმა მოკავშირენი არასწორ გზაზე დააყენა და მათ ამ დარგში კვლევები ძალიან შეამცირეს. 

* * * 
გერმანელებმა პირველ ბირთვულ ბომბს "ლოკი" უწოდეს. ეს ბომბი მათ 1944 წლის 3 მარტს ბელორუსეთის სამხრეთ ნაწილში, გომელის მახლობლად გამოსცადეს. 

ასაფეთქებელი მოწყობილობა მიყრუებულ, მივარდნილ, დაჭაობებულ ღრმულში მოათავსეს. შორიახლოს იდგა რამდენიმე ავტომობილი, ცხოველი, ასევე ქოხი პოლიტპატიმრებით. გარდა ამისა, ესესელმა მესანგრეებმა სხვადასხვა სისქის კედლების მქონე რამდენიმე რკინაბეტონის ნაგებობა აღმართეს. მომავალი აფეთქების ეპიცენტრის გარშემო რამდენიმე ტანკი განალაგეს, მათ შორის, უახლესი "პანტერები" და "ვეფხვები". გამოცდის ადგილზე ჩავიდნენ ატომური ბომბის შემქმნელი ფიზიკოსები, "ანანერბეს" ხელმძღვანელობა და თავად სს–ს რეიხსფიურერიც კი. 

ბომბი ბერლინის დროით დილის 11 საათზე ააფეთქეს. 

ნანახმა ყველა იქ მყოფზე უდიდესი შთაბეჭდილება მოახდინა, მათ შორის, ფიზიკოსებზეც, რომელთათვისაც, წესით, ცნობილი უნდა ყოფილიყო მათ მიერ შექმნილი ბომბის ეფექტურობა. რა თქმა უნდა, არც ესესელები და არც მეცნიერები აფეთქების ადგილას არ შესულან, იქ საჯარიმო ნაწილების ჯარისკაცები გააგზავნეს, რომელთაც განთავისუფლებას შეპირდნენ. მას შემდეგ, რაც ისინი უკან დაბრუნდნენ გადაღებული ფოტოსურათებით და სინჯებით და დაწვრილებით აღწერეს მათ მიერ ნანახი, ისინი სასწრაფოდ დახვრიტეს და იქვე, საერთო საფლავში ჩამარხეს. 


* * * 
ამ ფაქტის ერთ–ერთ მტკიცებულებას წარმოადგენს ის, რომ 1986 წელს ჩერნობილის ატომური ელექტროსადგურის ავარიის შემდეგ, მეცნიერებმა, რომლებიც გომელის შემოგარენში რადიაციული ფონის გაზომვით იყვნენ დაკავებულები, უცნაური ანომალია აღმოაჩინეს: ახალი გამოსხივების გარდა, აღმოჩენილ იქნა ძველი, ბირთვული აფეთქების კვალი, რომელიც 40–იანი წლების დასაწყისში განხორციელდა. მაშინ ამ ფაქტის მიჩქმალვა სცადეს. 

გავრცელებული ინფორმაციის თანახმად, 1945 წლის დასაწყისში გერმანული ატომური ბომბები საგანგებო დანიშნულების 244–ე ბატალიონმა მიიღო. პირველი ატომური ბომბი 1944 წლის დეკემბერში დამზადდა, ერთ–ერთი 10–დან. 2–2 ბომბი 1945 წლის იანვარსა და თებერვალში დაამზადეს, მარტში 4, ხოლო აპრილში – მხოლოდ 1. 

მაგრამ იმ მომენტისთვის გერმანიას აღარ ჰქონდა ამ ბომბების ჩამოყრის საშუალება. გერმანელებს აღარ ჰქონდათ ბრძოლისუნარიანი თვითმფრინავები, რომლებიც ამ მრისხანე იარაღის გამოყენებას შეძლებდნენ, ხოლო მოკავშირეთა ავიაციის ტოტალური უპირატესობის გათვალისწინებით, გერმანელებს ასეთი თვითმფრინავი რომც ჰყოლოდათ, მას დაუყოვნებლივ ჩამოაგდებდნენ. 
ყველა ბომბი რურში ინახებოდა. 
მაშინ გერმანიის ხელისუფლება დიპლომატიურ ვაჭრობაში ჩაერთო. დასაწყისისთვის 1945 წლის 18 მარტს გერმანელებმა ერთ–ერთი ატომური ბომბი ამერიკული საზღვაო ბადრაგის წინააღმდეგ გამოიყენეს. მოგვიანებით აშშ–მა ამ ბადრაგის შესახებ, რომელიც 30–ზე მეტი სატვირთო და სამხედრო ხომალდისგან შედგებოდა, თითქმის მთელი ინფორმაცია გაანადგურა. თუმცა ეჭვები დარჩა. მსუბუქი საესკორტო ავიამზიდი "სექვოია" ბადრაგის შემადგენლობაში შედიოდა. ეს ავიამზიდი ფლოტის შემადგენლობაში 1944 წლის ნოემბერში შევიდა, 1945 წლის 18 მარტს კი გერმანული წყალქვეშა ნავის შეტევის შედეგად დაიღუპა, მაგრამ იგივე ცნობის მიხედვით, კიდევ 40–მდე ხომალდი დაიღუპა. ძნელი წარმოსადგენია, რომ ერთმა გერმანულმა წყალქვეშა ნავმა, რომელიც სულ 6 ტორპედით იყო აღჭურვილი, ამდენი ხომალდის ჩაძირვა მოახერხა. ასევე შემონახულია ინფორმაცია იმის თაობაზე, რომ 1945 წლის 12 მარტს გავიდა ზღვაში ბადრაგი და გაუჩინარდა. ამ საქმის კვლევაში ნამდვილ აღმოჩენად იქცა ამერიკელი მეზღვაურის მოგონება, რომელსაც სრულად გთავაზობთ. 

* * * 
"1945 წლის მარტში ჩვენ სასწრაფოდ გაგვაგზავნეს ატლანტიკის ოკეანის საკმაოდ შორეულ რაიონში. ეს იყო ე.წ. "სათადარიგო მარშრუტი". როდესაც ბადრაგს გადაადგილებას ხელს უშლიდა მძლავრი ქარიშხალი ან გერმანული წყალქვეშა ნავების დიდი შენაერთები, ისინი სწორედ ამ შემოვლითი გზით გადაადგილდებოდნენ. ისე მივიჩქაროდით, თითქოს ხანძარი უნდა ჩაგვექრო, მივქროდით მაქსიმალური სიჩქარით, ისე, რომ ყურადღებას არ ვაქცევდით საწვავის ხარჯვას. ყველა, ვინც კი გემზე იმყოფებოდა, იმაზე ფიქრით იმტვრევდა თავს, თუ რა გველოდა, რა გვაიძულებდა, თავპირის მტვრევით გვეცურა? პასუხი ორი დღის შემდეგ მივიღეთ. საღამოს ოკეანეში ორ ათეულამდე ხომალდი იდგა დრეიფზე. უფრო სწორად, არა ხომალდები, არამედ მათი დანახშირებული ნარჩენები. მათ უმეტესობას ბოლი ასდიოდა. 

ჩვენ გემბანზე ვიდექით და გაოგნებული ვუცქერდით ამ სანახაობას. არასოდეს არცერთ ჩვენგანს ამის მსგავსი არაფერი ენახა. თითქოს უზარმაზარმა ხანძარმა რომელიღაც ბადრაგი "მფრინავ ჰოლანდიელებად" აქცია, საშინელ, უსიცოცხლო ხომალდებად. თუმცა ამაზე მსჯელობა დიდხანს არ დაგვცალდა: შენაერთის მეთაურმა ამ საშინელი ნარჩენების ჩაძირვის ბრძანება გასცა. ჩვენ ეს ბრძანებდა შევასრულეთ. 

თუმცა ამ დროს მოულოდნელი რამ მოხდა. ერთ–ერთი დანახშირებული გემბანიდან, რომელიც სხვებზე ნაკლებად იყო დაზიანებული, სასიგნალო მაშხალა გაუშვეს. მეორეზე ადამიანის ფიგურა გამოჩნდა, რომელიც ხელის დაქნევას ცდილობდა. იგი მეტად უცნაურად გამოიყურებოდა, იმდენად უცნაურად, რომ არავის უცდია მისი დურბინდით შეთვალიერება. ამ ყოველივეს მიუხედავად, ჩვენმა ადმირალმა ყველას ჩაძირვის ბრძანება გასცა. ყველაფერი სამ საათში დასრულდა. ჩვენ ვცდილობდით, არ გვეფიქრა იმაზე, თუ რაში იყო საქმე და დარჩა თუ არა ვინმე ცოცხალი. შემდეგში ჩვენ ამ უცნაურ მოვლენაზე რაიმე ახსნა–განმარტება არ მიგვიღია". 

* * * 
ახალი იარაღის ასეთი ეფექტური დემონსტრაციის შემდეგ გერმანელებმა ამერიკელებს ვაჭრობა შესთავაზეს: დარჩენილი ატომური ბომბები გერმანიის ხელისუფლების მეთაურების, მათ შორის ჰიტლერის, გაქცევის სანაცვლოდ. 
ინტერნეტში უამრავი სტატიაა იმის თაობაზე, რომ ჰიტლერმა ბერლინიდან ალყას თავი დააღწია. ახლახანს კი აჩვენეს ფილმი, რომელშიც მოთხრობილია, რომ ამერიკელმა მეცნიერებმა შეძლეს მოსკოვში ლუბიანკაზე შენახული ჰიტლერის თავის ქალიდან ქსოვილების აღება. დნმ–ს ანალიზმა აჩვენა, რომ ის ქალის თავის ქალაა. 
ოგორც ვარაუდობენ, ხიროსიმაში და ნაგასაკში ჩამოგდებული ბომბთაგან ორი იმ გერმანული ატომური ბომბებიდანაა, რომლებიც აშშ–ს ხელში აღმოჩნდა. თუ ეს ინფორმაცია სიმართლეს შეეფერება, მაშინ სრულიად გასაგებია, რომ აშშ–მაც და საბჭოთა კავშირმაც იგი გაასაიდუმლოვეს.
რომანოვების ოჯახის დაცემამდე და დახვრეტამდე რამდენიმე წლით ადრე მათი მფარველი თედორეს ღვთისმშობლის ხატიდან ღვთისმშობლის გამოსახულება გაქრა…
































ტექსტის სანახავად გაიარეთ რეგისტრაცია.