სასწაულმოქმედი გვირილა



გვირილა ხალხურ მედიცინაში ერთერთი ყველაზე გავრცელებული და პოპულარული საშუალებაა. სამკურნალო გვირილა ძლიერ დატოტვილი ერთწლოვანი ბალახია, იზრდება 35-40 სმ. ყვავილები, ერთეული სახით, გრძელ ყუნწზეა განლაგებული.

მცენარე მთლიანად სურნელოვანია, ყვავილობს მთელი ზაფხული, მასიურად კი ივნისში, ცალკეული ყვავილი გაშლილია 3 კვირის განმავლობაში. იზრდება ველად, ტყის მდელოზე, ქმნის დიდ ნაზარდებს. მისი მოშენება ხელოვნურადაც ხდება.

გვირილას კალათა ყვავილები უნდა შევაგროვოთ ისეთ დროს, რომ ენისებრი ყვავილები ჰორიზონტალურად იყოს გაშლილი, უფრო გვიან შეკრებილი ნედლეული უვარგისია და იფშვნება. ყვავილები უნდა გაშრეს ჰაერზე, ან 40-45 ცელიუს გრადუსზე. ინახება მხოლოდ მუყაოს და ხის ყუთებში, 2 წლის ვადით.

გვირილას აქვს ანთების, ალერგიის საწინააღმდეგო, სპაზმების დამამშვიდებელი, ოფლმდენი თვისებები. იხმარება დასალევად, ოყნის სახით და აბაზანებში. ინიშნება ფაღარათობის, მუცლის ბერვის საწინააღმდეგოდ, ყელში გამოსავლებად, ხახის ანთებითი დაავადების, ანგინის დროს.

გვირილას ნაყენის მოსამზადებლად, 1 სუფრის კოვზი გამშრალი, დანამცეცებული გვირილა გავაჩეროთ 1 ჩაის ჭიქა მდუღარე წყალში, გავწუროთ ბამბაში ან ქსოვილში და ვსვათ თბილ მდგომარეობაში.



წყარო: presa.ge
































ტექსტის სანახავად გაიარეთ რეგისტრაცია.