ლამაზი ფეხები მამაკაცის შთაგონების წყაროა - მითები ქალის ფეხებზე



ოდითგანვე მამაკაცების აღტაცებას ქალის ლამაზი ფეხები იწვევდა. გასაკვირი არ არის, რომ ამას უამრავი ლეგენდა თუ მითი მიეძღვნა. ერთად გავარკვიოთ ტყუილ-მართალი:

1. ფეხებისა და სხეულის სიგრძის თანაფარდობა ქალებში უფრო დაცულია, ვიდრე მამაკაცებში.

ეს სიმართლეა!

საშუალოდ, მამაკაცებში ეს პროპორცია შეადგენს 1:1, მაშინ, როცა ქალებში 6:5 და მეტიც შეიძლება იყოს. ასეთ სხვაობაში "ბრალი მიუძღვის" ევოლუციას.

2. რაც უფრო გრძელი ფეხები აქვს ქალს, მით უფრო რომანტიკული და სექსუალურია.

ეს სიცრუეა!

მიუხედავად იმისა, რომ მოდელის გარეგნობის მქონე გოგონების თაყვანისმცემლებს ძალიან უნდათ ამის დაჯერება, იმედები გაუცრუვდებათ, რადგან რომანტიკულობა და სექსუალურობა არანაირად არ არის დამოკიდებული ფეხის სიგრძეზე.

3. მამაკაცი, პირველ რიგში, ქალის მკერდს აქცევს ყურადღებას და მხოლოდ ამის შემდეგ - ფეხებს.

ეს სიცრუეა!

იშვიათი გამონაკლისის გარდა, მამაკაცის ყურადღების "ღირსი", პირველ რიგში, სწორედ ფეხები ხდება; შემდეგ მოდის მკერდი, წელი, სახე და ასე შემდეგ... რიგითობა მხოლოდ იმ შემთხვევაში დაირღვევა, თუ ქალი ბუნებამ განსაკუთრებული სილამაზით დააჯილდოვა.

4. ლამაზი ფეხები მამაკაცის შთაგონების ძირითადი წყაროა.

ეს სიმართლეა!

მაგალითად, მე-19 საუკუნეში ბავარიის მეფე ლუდვიგ პირველმა, რომელიც ქალების სილამაზის დიდ მეხოტბედ ითვლებოდა, თავისი შეყვარებულის, ლოლა მონტესის ტერფის გამოქანდაკებაც კი ბრძანა მარმარილოსგან.

მსოფლიოში აღიარებული რეჟისორი კვენტინ ტარანტინო კი ფირებს არ იშურებს ლამაზი ფეხების გადასაღებად.

5. მაღალი ქუსლი ვიზუალურად აგრძელებს ფეხს.

ეს სიმართლეა!

თუმცა მუდმივად მაღალქუსლიანი ფეხსაცმლის ჩაცმა არ არის მიზანშეწონილი, რადგან ამან შეიძლება მრავალი პრობლემა გაგიჩინოთ (კოჟრები, ფეხის თითების დეფორმაცია, ვენების ვარიკოზული გაგანიერება და სხვ.). ამიტომ მონაცვლეობით ატარეთ დაბალ და მაღალქუსლიანი ფეხსაცმელი.

თათია ბეჟიტაშვილი

ჟურნალი "... და ქალი"

































ტექსტის სანახავად გაიარეთ რეგისტრაცია.