7 ნიშანი, რომ ის კარგი ქმარი იქნება



ყველა ქალის ცხოვრებაში დგება ისეთი მომენტი, როცა ის ფიქრობს – იქნება თუ არა ესა თუ ის მამაკაცი მზრუნველი ქმარი. ამის გარკვევა შეიძლება, თუ არ შეალამაზებთ მის ქცევებს და ფხიზლად შეაფასებთ მის თვისებებს.

როგორ გაარკვიოთ, რომ თქვენი მამაკაცი – სწორედ ის არის, ვინც ბედნიერ ქალად გაქცევთ? საკმარისია, გულწრფელი იყოთ საკუთარ თავთან და დაფიქრდეთ, ეხება თუ არა შემდეგი მტკიცებულებები თქვენს საყვარელ მამაკაცს.

1. ის პატივს სცემს ქალებს

არა მხოლოდ დედათქვენს და თავად თქვენ. ის არასოდეს მოიხსენიებს აუგად არც კოლეგებს, არც მეზობლებს, არც ყოფილ კლასელებს და რაც მთავარია, არც ყოფილ შეყვარებულებს. წინააღმდეგ შემთხვევაში, ადვილად შესაძლებელია, რომ პირველივე ჩხუბის შემდეგ თქვენც ცუდად მოგიხსენიოთ.

2. თქვენი დადანაშაულება

კარგი ქმარი არასოდეს დაგდებთ ბრალს. როგორც კი რაიმე პრობლემა იჩენს თავს, არასოდეს გაგრძნობინებთ თავს დამნაშავედ. მით უმეტეს, არ შეაფასებს უარყოფითად იმას, რასაც თქვენ აკეთებთ. არსებობენ ისეთი მამაკაცები, რომლებისთვისაც ყველაფერი ისე არ არის – ცუდად ამზადებთ, არ გამოირჩევით ჭკუით, არც სილამაზით, არც, როგორც საყვარელი უქნიხართ ღმერთს – მოსაწყენი ხართ საუბრისას. თუ თქვენი მეგობარი მამაკაცი თუნდაც მინიშნებით გაძლევთ იმის შეგრძნებას, რომ თქვენ მისი ღირსი არ ხართ, შეეგუეთ იმას, რომ ეს ის არ არის, ვინც თქვენ გჭირდებათ. თქვენთან ყველაფერი წესრიგშია, ეს მას აქვს პრობლემები.

მსგავს მამაკაცებს დაბალი თვითშეფასება აქვთ და ისინი მის ამაღლებას პარტნიორის დამცირებით ცდილობენ. ამიტომაც ასეთ ქმართან ვერასოდეს იქნებით ბედნიერი.

3. მისი დამოკიდებულება თქვენს მშობლებთან

ის არ არის ვალდებული, რომ უყვარდეს თქვენი მშობლები, მაგრამ პატივს უნდა სცემდეს – აუცილებლად. დააკვირდით, როგორ ასრულებს დედათქვენის თხოვნას, რამდენად ესმის მამათქვენის ინტერესები, როგორ ურთიერთობს მათთან. თუ დაინახეთ, რომ საერთოდ არ სურს მათთან ურთიერთობა, ყველანაირად გაურბის თქვენს მშობლებთან შეხვედრას და გამუდმებით მათ უარყოფით მხარეებზე გესაუბრებათ – ეს უკვე შემაშფოთებელი ნიშანია. მამაკაცს უნდა ესმოდეს, რომ მშობლები – თქვენი ოჯახია და რომ სწორედ მათ უნდა უმადლოდეს, რომ ასეთი ლამაზი, ჭკვიანი და საყვარელი ხართ.

4. ფულთან დამოკიდებულება

საშინელებაა ძუნწ მამაკაცთან ერთად ცხოვრება. დააკვირდით, როგორი დამოკიდებულება აქვს თქვენს საყვარელ მამაკაცს ფულთან, ხშირად გიკეთებთ თუ არა საჩუქრებს, უტოვებს თუ არა "ჩაის" ოფიციანტებს. ფულის ხარჯვისას ოქროს შუალედი უნდა ჰქონდეს ნაპოვნი და თუ ასეა, ის არასოდეს გაფლანგავს ტყუილად ფულს და არც საყვარელი ცოლისთვის ახალი ქურქის საყიდლად დაინანებს თანხებს.

5. ის პატივს სცემს თქვენს აზრს

"მე მამაკაცი ვარ და მაშასადამე, მართალი ვარ!" - ძლიერი სქესის ზოგიერთი წარმომადგენელი დაუსრულებლად გაიძახის ამას. ჩათვალეთ, რომ გაგიმართლათ, თუ თქვენი საყვარელი მამაკაცი ამ აზრზე არ არის. თუნდაც თქვენი აზრი ერთმანეთს არ ემთხვეოდეს, ის აუცილებლად ყურადღებით მოგისმენთ და თუ ის მართალი არ აღმოჩნდება, ამას აუცილებლად აღიარებს.

6. ყველა პრობლემის დროს თქვენს გვერდით არის

ეს აუცილებელი პუნქტია. მამაკაცი, რომელსაც მართლა სჭირდებით და მისთვის მნიშვნელოვანი ხართ, ყოველთვის თქვენს გვერდით იქნება. შეიძლება მას ძვირფასი რესტორნებისთვის ფული არ ჰყოფნის, მაგრამ იმისათვის, რომ მაგალითად, დედათქვენის ნივთები ერთი სახლიდან მეორეში გადაიტანოს, დროსა და ენერგიას არ დაიშურებს. ხელიდან არ გაუშვათ ის, ვისთვისაც თქვენი პრობლემები სულერთი არ არის და მათ უსიტყვოდ აგვარებს.

7. ყოფითი საკითხები

აუცილებლად მიაქციეთ ყურადღება, როგორ იქცევა ყოველდღიურ ცხოვრებაში. საქმე მხოლოდ იმაში არ არის, აქეთ-იქეთ ყრის თუ არა წინდებს, არამედ იმაში, როგორი დამოკიდებულება აქვს სახლის საქმეებთან. ხანდახან მაინც თუ რეცხავს ჭურჭელს, ამზადებს თუ არა საჭმელს. თუ არა, გაარკვიეთ რატომ – ეზარება, თუ უბრალოდ, არ ეხერხება



წყარო
































ტექსტის სანახავად გაიარეთ რეგისტრაცია.