მამაკაცის სისხლის ჯგუფი და ხასიათი



დაკვირვებული ადამინისთვის აუცილებელი არ არის ახალი ნაცნობის ამოსაცნობად წლებზე გაწერილი ურთიერთობა. ამა თუ იმ თვისებაზე ბევრი რამ მიგვითითებს. ზოგმა მეცნიერმა სისხლის ჯგუფის ხასიათთან კავშირიც დაადგინა. თანაც კვლევები მხოლოდ თვისებებს კი არა, იმასაც გვიჩვენებენ, რომელი დაავადებისკენ არის უფრო მეტად მიდრეკილი ადამიანი. ჩვენი ცნობისმოყვარეობის გათვალისწინებით, მამაკაცების ხასიათის სისხლის ჯგუფთან კავშირზე შევჩერდებით და ძალიან მოკლედ მიმოვიხილავთ, რას ფიქობენ ამ მხრივ მეცნიერები.

I ჯგუფის სისხლი – როგორც წესი, მიზანსწრაფული და ამბიციური პიროვნებები, ბუნებით ლიდერები არიან. გამოირჩევიან უზარმაზარი შრომისუნარიანობით, უშუალობით, ადვილად პოულობენ საერთო ენას ძალიან განსხვავებულ ადამიანებთან. დაუმარცხებელი ოპტიმიზმი ერთ-ერთი ყველაზე ძლიერი თვისებაა მათში.

ნაკლს შეიძლება მივაკუთვნოთ: ქედმაღლობა, უზომო ეჭვიანობა და საკუთარი თავის გადამეტებული სიყვარული. ამ ჯგუფის წარმომადგენლებში ყველაზე მეტი დღეგრძელი ადამიანია. იშვიათად იტანჯებიან ნერვული სტრესებით, მათი სუსტი წერტილი – კუჭ-ნაწლავის ტრაქტია.

II ჯგუფის სისხლი - როგორ წესი, კეთილისმსურველ, შრომისმოყვარე და მომთმენ მამაკაცებს აქვთ. ძალიან ორგანიზებული და მოწესრიგებული. აფასებს კიდეც წესრიგს. არ უყვარს “საქმის გარჩევები” და ცდილობს, კონფლიქტს განერიდოს. მგრძნობიარეა, მძიმედ გადააქვს წყენა და წარუმატებლობა. მისი ნაკლოვანებების ნუსხაში, შესაძლოა, ნახოთ სიჯიუტე, გაღიზიანება, მიდრეკილება სპირტიანი სასმელებისა და ნაყროვანებისკენ.

დეპრესიაში არც ისე იშვიათად ნახავთ, გულ-სისხლძარღვთა (შესაძლოა იმიტომაც, რომ ნაკლებადმოძრავი ცხოვრების წესი აქვთ), ასევე თირკმლებისა და შარდის ბუშტის დაავადებები აწუხებთ.

III ჯგუფის სისხლი: მეტწილად მკვეთრად გამოხატული ინდივიდუალობის ადამიანებს შეხვდებით, საკმაოდ მგრძნობიარე შემოქმედებით ნატურას, მდიდარი წარმოსახვითა და ფანტაზიით, ორიგინალური გონებით. ყველაზე მეტად თავისუფლებას აფასებენ. ურთიერთობისთვის ადამიანებს არჩევენ, ამიტომ მათი მეგობრების წრეში მოხვედრა არც ისე ადვილია. მიუხედავად იმისა, რომ სხვისი აზრის პატივისცემის უნარი აქვთ, არც ისე იშვიათად გამოხატავენ აგრესიას იმათ მიმართ, ვინც რატომღაც არ ესიმპათიურებათ. ამით გარშემომყოფების გაოცებასაც კი იწვევენ, რადგან გარეგნულად ხორცშესხმულ სიმშვიდეს ჰგვანან.

უფრო ხშირად პნევმონიით, ოპერაციისშემდგომი ინფექციებით, ოსტეოქონდროზით, რადიკულიტითა და სახსრების დაავადებით ავადდებიან.

IV ჯგუფის სისხლი: გამოარჩევთ სამართლიანობა, პატიოსნება, ტაქტი. როგორც წესი, რბილი, გაწონასწორებული ხასიათით, არ არის გულღვარძლიანი, მასთან ადვილია ურთიერთობა. უმრავლესობა ერთგული და საიმედო მეუღლე ხდება. ”სისუსტედ” შეიძლება დაბალი თვითშეფასება ჩავთვალოთ.

ყველაზე საშიში მათთვის ვირუსული დაავადებებია. გრიპი, ჰაიმორიტი, ანგინა, გვხვდება გულის დაავადებებიც.

მასალა მოამზადა ს. გულიაშვილმა


წყარო
































ტექსტის სანახავად გაიარეთ რეგისტრაცია.