,,აგვისტოში სასიყვარულო საკითხებში წარმატება გელით,”- მიხეილ ცაგარელი ზოდიაქოს ნიშნებსა და თვეებზე



თითქოს არ გვჯერა ჰოროსკოპის და ირონიულად ვიცინით ფრაზაზე: ,,ვარსკვლავები ამბობენ“ … მაგრამ ვარსკვლავები მართლა ამბობენ და ხშირად იმაზე უფრო ზუსტად წინასწარმეტყველებენ, ვიდრე რომელიმე ქალს საკუთარი ქალური ინტუიციის ,,წყალობა“ ჰგონია.

ამჯერად შვებულებების სეზონი იწყება და კითხვა – ,,სად გავემგზვაროთ“ თითქმის ყველა ადამიანს უჩნდება. პასუხის გაცემაში საკუთარი ზოდიაქოს ნიშნის მიხედვითა და ზოგადი 2014 წლის ზაფხულის ასტროლოგიური მახასიათებლების საფუძველზე მიხეილ ცაგარელი დაგეხმარებათ.

გვითხრათ, ზოგადად, როგორ სჯობს ამ წლის ზაფხულის გატარება? უფრო კონკრეტულად კი, რას იტყვით ზოდიაქოს ნიშნებზე?

ამ საკითხში კონკრეტიკა მეტად ინდივიდუალურია. ზოგი უპირატესობას მთას ანიჭებს, სხვებს კი – ზღვა და წყალი უყვართ. ნებისმიერ შემთხვევაში, დატვირთული წლის შემდეგ ყველა ადამიანისთვის არის აუცილებელი მთის სიმშვიდე, ანუ ნამდვილი დასვენება და სანაპიროს გართობა, ამიტომ პირადად მე რეკომენდაციას ორივე მათგანს ვუწევ. 4 სტიქია: მიწა, წყალი, ჰაერი და ცეცხლი ადამიანს ასუფთავებს, რადგან მას ჰაერისა და წყლის სტიქიებთან შვებულების დროს უშუალო კონტაქტი აქვს.

გარდა ამისა, სიმპათიების მხრივ დაყოფაც კი ხდება. მაგალითად, ცეცხლისა და ჰაერის ნიშნის ადამიანებს მთა ხიბლავთ, ხოლო წყლის და მიწის სტიქიისთვის უკეთესი წყლის ზონაა.

როგორც ვიცი, უპირატესობას უმეტესად ზღვას ანიჭებენ. როგორ მოქმედებს ის ზოდიაქოს სხვადასხვა ნიშანზე?

ამ პერიოდში შავი მთვარეა აქტიური, სწორედ ამიტომ მიიწევს ყველა სანაპიროსკენ. კირჩხიბს, თევზებს და მორიელს სიღრმეში შესვლა ეკრძალებათ. ზოდიაქოს ამ ნიშნების ქვეშ დაბადებული ადამიანისთვის მხოლოდ ნაპირზე ბანაობაა დასაშვები. ცეცხლის სტიქიაში დაბადებულ ვეძსა და ლომს კი კანის დამწვრობის სერიოზული რისკი აქვთ. სასწორმა მზეს კისრის მიდამოები უნდა მოარიდოს, რადგან მას სუსტი ფარისებრი ჯირკვალი აქვს.

,,აგვისტოში სასიყვარულო საკითხებში წარმატება გელით,”- მიხეილ ცაგარელი ზოდიაქოს ნიშნებსა და თვეებზე


რა უნდა გავითვალისწინოთ ზაფხულის პერიოდში აუცილებლად?

აუცილებელია გავითვალისწინოთ, რომელი პერიოდია რეკომენდებული მოგზაურობისთვის. მაგალითად, ივლისი ტრავმული სიტუაციებითაა სავსე და ამას ბოლო 7 აგვისტოსთვის მოეღება. საქართველოდან გაფრენის მსურველთათვის კი მგზავრობა სავსე მთვარის დროს არის საშიში. ამ დროს იმატებს მოულოდნელი პრობლემების რისკი. ჩნდება რეისის დაგვიანების, ქაოსისა და სხვა შემთხვევები. ბოლოს კი, გასათვალისწინებელია ისიც, რომ წნევიან ადამიანების ასტროლოგები ზღვაზე წასვლას უწევენ რეკომენდაციას.

და როგორ უნდა მოვახერხოთ პრობლემების თავიდან აცილება, თუ სხვა პერიოდი, უბრალოდ, არ გვაწყობს.

ამ შემთხვევაში სჯობს, გამოვრიცხოთ ყოველგვარი დეპრესია, აგრესია… შევინარჩუნოთ სიმშვიდე და მოთმინება. მთავარია, სერიოზული შეცდომებისგან დავიცვათ თავი და მაქსიმალურად გავერიდოთ კონფლიქტებს.

როდის ველოდოთ სიტუაციის გამოსწორებას?

დედამიწა ნელ-ნელა შედის დადებით ენერგოველში და სიტუაციაც დამშვიდება, თუმცა პოზიტიური პერიოდი მხოლოდ სექტემბრის ბოლომდე გასტანს.

21- 22 ოქტომბრიდან შედარებით სტაბილური პერიოდი იწყება. შემდგომ მზის დაბნელება გველოდება. ნოემბრის ზონა კი ერთ-ერთი ყველაზე რთული იქნება წლის განმავლობაში. მოსალოდნელია ჯანმრთელობის, ბიზნეს-საქმიანობის, სამსახურეობრივი და პირადი პრობლემები. რაც შეეხება დეკემბერს, ამ პერიოდში სიმშვიდეა მოსალოდნელი.

ამერიკელი ასტოლოგები ამბობდნენ, რომ ივლისის თვე სასიყვარულო ურთიერთობაში თითქმის ყველა ნიშნისთვის დაძაბული იქნებობდა და როგორც ჩვენი გამოკითხვით ჩანს, პროგნოზმა გაამართლა. განიხილეთ აგვისტო სასიყვარულო და კარიერული კუთხით.

მართალია, ზოგადი შეფასებით ივლისი ნეგატიური თვე იყო, თუმცა მისი პერიოდებად დაყოფა აუცილებელია. ამ კვირის ბოლომდე ყველას საკმაოდ რთული პერიოდი ელის. შემდეგი კვირიდან მზე ლომის ზოდიაქოში გადადის, რომელიც სასიყვარულო სფეროს მართავს. შესაბამისად, სიტუაცია გაუმჯობესდება. აგვისტო კარიერული წინსვლისთვისაც კარგი თვეა.

გვირჩიეთ, როგორ მივუდგეთ ახალი სეზონის დასაწყისს ისე, რომ ყველაფერი დადებითად წარიმართოს სამსახურეობრივ საკითხში. ვგულისხმობ სექტემბერს.

პირველ რიგში, აუცილებელია, ყველა თანამშრომელი სექტემბერს დასვენებული შეხვდეს. დაღლა ხომ ფსიქიკაზე მოქმედებს. ზაფხული, სიცხე, უჰაერობა ადამიანზე ძალიან ნეგატიურად აისახება. საჭიროა დასვენება, გამოძინება, განტვირთვა… ამის შემდეგ გონებაც უკეთესად იმუშავებს და სექტემბერის სამუშაო პროცესს გაცილებით ენერგიულად შეხვდებით. დაუწერელი კანონია ის, რომ წელიწადში ორჯერ დასვენება ყველასთვის აუცილებელია. ამას ხელმძღვანელმაც უნდა შეუწყოს ხელი. რაც მეტად მისცემ თანამშრომელს განტვირთვის საშუალებას, მით უფრო უკეთესი მუშაკი იქნება ის.

როგორ ფიქრობთ, ვისთვის იქნება განსაკუთრებით წარმატებული ახალი სეზონი?

ქალწული, კურო, თხის რქა, მორიელი და კირჩხიბი გაცილებით კარგად იგრძნობენ თავს სექტემბერში, მაგრამ ოქტომბრიდან ახალი ფავორიტები აქტიურდებიან. მაგალითად, სასწორი, ტყუპები, მერწყული და ლომი. ნოემბერი მორიელის, თევზების, თხის რქის და კვლავ კირჩხიბის პერიოდია.

და რას იტვყით პრობლემებზე? ზოდიაქოს რომელი ნიშანი ,,ვერ ამოისუნთქებს“ 2014 წლის ბოლომდე?

ყველაზე მეტად პრობლემური მაინც მორიელია, რადგან სატურნის პლანეტა თითქმის წლის ბოლომდე მორიელის ზოდიაქოშია. დეკემბერი დაძაბული თხის რქისთვის იქნება. ამ ნიშნებს წლის ბოლომდე სიფრთხილე ჰმართებთ.

,,აგვისტოში სასიყვარულო საკითხებში წარმატება გელით,”- მიხეილ ცაგარელი ზოდიაქოს ნიშნებსა და თვეებზე


ავტორი: თამარ შველიძე

წყარო: lollipop.ge
































ტექსტის სანახავად გაიარეთ რეგისტრაცია.