ნესვის სასარგებლო თვისებები - nesvis sasargeblo tvisebebi



ნესვი, საზამთროს მსგავსად ზაფხულის განუყოფელი ნაწილია. მას ძალიან ბევრი დადებითი თვისება ახასიათებს, რადგან ადამიანის ორგანიზმისათვის საჭირო სხვადასხვა ნივთიერებებს შეიცავს.

ყვითელი ჯიშის ნესვი მდიდარია ბეტა-კაროტინით, რომელიც ადამიანის ორგანიზმის შიგნით A ვიტამინად გარდაიქმნება და მხედველობის ორგანოებისთვისაა განსაკუთრებით სასარგებლო.

ნესვი 12%-მდე ნახშირწყლებს შეიცავს. მასში საქაროზა სჭარბობს, რომელიც კარგად კვებავს ღვიძლის უჯრედებს. ამიტომ ნესვი სასარგებლოა ჰეპატიტის დროს. დიაბეტით დაავადებულებმა ამ ნაყოფის მიღება უნდა შეზღუდონ.
ნესვი, გარდა იმისა, რომ არომატული და გემრიელია, ვიტამინებისა და მიკროელემენტების ნაკრებსაც შეიცავს. მისი რბილობის 95% წყალია, დანარჩენი – შაქარი, კალციუმი, რკინა, თუთია, ცხიმი, A, B, C და P ვიტამინები,კაჟი. კაჟი აუმჯობესებს ნივთიერებათა ცვლას, თავის ტვინის ქერქის, ნერვებისა და შინაგანი ორგანოების მუშაობას. რკინის უხვი შემცველობის გამო ნესვი სასარგებლოა მათთვის, ვისაც ანემია აქვს. ნესვზე უარი უნდა თქვან დიაბეტით დაავადებულებმა და მსუქნებმა, რადგან მასში დიდი რაოდენობით არის “მძიმე” შაქარი. სამ ნაჭერზე მეტის ჭამას კი არც დანარჩენებს ვურჩევთ – ნაწლავებს ავნებს. ნესვში არის ოქროც. ნესვის შემადგენლობაში შედის ნიკოტინის მჟავაც. მისი და ვიტამინების კომპლექსური მოქმედება ამაგრებს ორგანიზმს, აუმჯობესებს კანის, თმისა და ფრჩხილების სტრუქტურას. ნესვის შემადგენლობაში არსებული კალციუმი აუმჯობესებს ტვინის მუშაობას და ნივთიერებათა ცვლას. ფოლიუმის მჟავა და რკინა მაღლა სწევენ ჰემოგლობინის დონეს. C და U ვიტამინები ახდენენ ანტიოქსიდანტურ ეფექტს ანუ ხელს უშლიან ორგანიზმში თავისუფალი რადიკალების წარმოქმნას, რომლებიც უჯრედების კვდომას იწვევენ. ასე რომ, ნესვი ახალგაზრდობასა და ჯანმრთელობას გაგიხანგრძლივებთ. ნესვი შესანიშნავად წმენდს ნაწლავებს, რაც მაშინვე აისახება კანის ფერსა და მდგომარეობაზე.

ნესვის რბილობის საფენი უხდება ხველებას. თუ ასეთ საფენს ჭრილობაზე დაიდებთ, მალე მოგიშუშდებათ. ნესვი თავისებური “სილამაზის ელექსირია”. ის კანს არბილებს, აგრილებს, ტუჩებს სიქორფეს ანიჭებს, თვალებსა და თმას – სასიამოვნო ჯანმრთელ ბზინვარებას. ნესვის რბილობისგან ამზადებენ მკვებავ და მატონიზებელ ნიღბებს კანისა და თმისთვის.

გარდა ამისა, “კრევეტები სოკოთი” მისი რბილობი შეიცავს ნივთიერებას, რომელსაც შეუძლია გამოიმუშაოს სეროტონინი – “ბედნიერების ჰორმონი”. ასე რომ, თუ მოწყენილი ხართ, მიირთვით ნესვი, შეისუნთქეთ მისი არომატი და გუნება მაშინვე გამოგიკეთდებათ.
































ტექსტის სანახავად გაიარეთ რეგისტრაცია.