84 წლის მოდელის რჩევები



ამბობენ, რომ მოდელები, 30 წლის მერე, პენსიაზე გადიან, თუმცა, 84 წლის მოდელი - კარმენ დელ ორეფაისი, რომელიც დღემდე იღებს ჩვენებებში მონაწილეობას და ჟურნალების გარეკანებზეა, სულაც არ თვლის ასე.

მოდელს, უკვე 70 წლიანი სამოდელო კარიერა აქვს, რაც ყველა ქალს არ შეუძლია და მათ ძალებს აღემატება.

კარმენი, არ არის უბრალოდ მოდელი, ის ხელოვანების მუზაცაა. ოდესღაც, სალვადორ დალისთვის პოზიორობდა, ასევე, მარტინ სკორსეზმა და ვუდი ალენმა, თავიანთ ფილმებში გადაიღეს. იმის დათვლა კი შეუძლებელია, რამდენმა დიზაინერმა და ფოტოხელოვანმა ჩათვალა პატივად, მასთან მუშაობა.

"Vogue", "Marie Claire", "Harper’s Bazaar", "Vanity Fair", "Elle" - რომელ ჟურნალთან აღარ თანამშრომლობა კარმენი. მოდელმა, ორი რეკორდი დაამყარა, როგორც ყველაზე ხანგრძლივი კარიერის პატრონმა სამოდელო სფეროში და როგორც ყველაზე ახალგაზრდამ, "Vogue"-ის გარეკანზე, რომელზეც 14 წლის ასაკში მოხვდა. ის, ყველაზე ასაკოვანი მოდელის სტატუსით, მესამე რეკორდსაც უახლოვდება.

ესეც დაპირებული ცხოვრების წესები, კარმენისგან:

84 წლის მოდელის რჩევები


მუდმივად უნდა იყოთ ქალურები.

ნაკლებად მოუსმინეთ ექიმების აკრძალვებს.

"იმისთვის, რომ ლამაზად გამოვიყურებოდეთ, აუცილებელია, ბედნიერები ვიყოთ და გვიხაროდეს ცხოვრება".

ერთ-ერთ ინტერვიუში, კარმენი აღიარებს, რომ დღემდე აქვს სქესობრივი ურთიერთობა და ჰყავს მეგობარი ბიჭი.

"ბარემ გეკითხათ, ვსუნთქავ თუ არა" - განუცხადა მოდელმა, უტაქტო ჟურნალისტებს.

უნდა მივილტვოდეთ არა სექსუალურობის, არამედ დახვეწილობისკენ.

84 წლის მოდელის რჩევები


კარმენი, არაერთხელ აღშფოთებულა, იმის გამო, რომ თანამედროვე სტანდარტების მიხედვით, მოდელი, მთავარია სექსუალურად გამოიყურებოდეს, დანარჩენს კი, არანაირი მნიშვნელობა არ ენიჭება.

"ახალგაზრდა გოგოებს, სულ სხვანაირად ასწავლიან სიარულს, მათთვის მთავარია - სექსუალური გამოწვევა.

დახვეწილობა, მაღალი დონეა, მაგრამ როგორც ჩანს, აღარავის აინტერესებს. არანაირი რომანტიზმი, მხოლოდ მყარი, ვულგარული პოზიცია."

ჩამოაყალიბეთ საკუთარი წესები და არ გაიმეოროთ სხვისი.

84 წლის მოდელის რჩევები


მოდელი, არასდროს მოგცემთ რჩევებს დიეტებისა და სწორი კვების შესახებ. თვითონ, ჭამს ყველაფერს, რაც უნდა. განსაკუთრებით უყვარს ყველანაირი ნაყინი.

" ფიქრი - ცხოვრების აუცილებლობაა. არ აკეთო ის, რასაც სხვა აკეთებს, გაუაზრებელია" - ამბობს კარმენი.

სიკვდილის კი არ უნდა გეშინოდეთ, სიცოცხლით უნდა ხარობდეთ.

"ადამიანთა უმეტესობამ, არ იცის, როგორ იცხოვროს. სიკვდილი, აშინებს და თრგუნავს, მაგრამ ის, ჩვენი ცხოვრების ნაწილია" -აღნიშნავს კარმენი და იმასაც ამბობს, რომ მხოლოდ ართრიტი აწუხებს.

ამ მშვენიერ ქალბატონს, არაერთხელ უთქვამს ჟურნალისტებისთვის, რომ მისი ოცნებაა, სიკვდილს, მაღალქუსლიანი ფეხსაცმლით შეხვდეს. ასევე, აპირებს, რომ სულ ცოტა, 100 წლამდე იცხოვროს.

წყარო: presa.ge
































ტექსტის სანახავად გაიარეთ რეგისტრაცია.