2015 წლის გაზაფხული-ზაფხულის ყველაზე მოდური ფერები



მოდის სამყაროში ფერების ექსპერტად აღიარებული Pantone-ს ინსტიტუტის წარმომადგენლები 2015 წლის გაზაფხული-ზაფხულის კოლექციებში ყველაზე მოდურ ფერებს ასახელებენ. წელს მოდური ფერების პალიტრა ყველაზე პრეტენზიულ მოდის მოყვარულებსაც კი გაახარებს.

ცისფერი ბროლი

აქვამარისის, ღია ცისფრისა და მომწვანო ტონების ერთობლიობა ძვირფასი ბროლის ასოციაციას ქმნის. ეს დახვეწილი ფერი გაცილებით ელეგანტურად წარმოაჩენს რომანტიულ საღამოს კაბებს. იმისათვის, რომ აღნიშნული ფერი გამოცოცხლდეს უმჯობესი იქნება თუკი არჩევანს სხვადასხვა სტილის გაფორმებაზე შეაჩერებთ, იქნება ეს არშიები, პლისე, თუ დიზაინერის ექსტრავაგანდული გადაწყვეტილება. ბროლის ფერი განსაკუთრებით ქერა მანდილოსნებს დაამშვენებს.

2015 წლის გაზაფხული-ზაფხულის კოლექციებში თანაბრად პოპულარულია ლურჯი, ფირუზისფერი, მომწვანო ტონები. აღნიშნულ ფერებს ადამიანის განწყობაზე ზემოქმედების უნარიც გააჩნია, ამშვიდებს ნერვულ სისტემას, ხსნის სტრესსა და დაძაბულობას.

ნარინჯისფერი

მკვეთრი ნარინჯისფერი უკვე თავისთავად საინტერესო და მიმზიდველია. მხიარული და ენერგიული ტონი გამორიცხავს უგუნებობას. ის თავდაჯერებული და ძლიერი ქალებისთვისაა. ეს ფერი აქტიურად უწევს კონკურენციას სამკაულებსა და არანაკლებ მყვირალა აქსესუარებს. შედეგი გაცილებით თვალისმომჭრელი იქნება, თუკი ნარინჯისფერს სხვა, უფრო მკვერთ ფერებთან დააკავშირებთ. ის შესანიშნავად ეხამება ყავისფერსა და თეთრს, ასევე ნაცრისფერსა და დელიკატურ ყვითელს, რომელიც თავის მხრივ ტონების ათეულში მოხვდა.

მალინისფერი

ვარდისფერის ინტერპრეტაცია, რომელიც გაყინული მალინის ფერს წააგავს. ის აღიარებულია როგორც ერთ-ერთი ყველაზე ქალური პალიტრა ამ სეზონზე. ტკბილი და მიმზიდველი მალინისფერი სამოსი ახალგაზრდა გოგონების გარდერობს დაამშვენებს. შუა ხნის მანდილოსნებს კი ვურჩევთ, იმიჯის სრულყოფისთვის ამავე ფერის გაცილებით უფრო მუქი ტონების გამოყენონ.

ღვინისფერი

მუქი წითელი, ღვინისფერი ტონი როგორც გემრიელი სიცილიური ღვინო, ქვეცნობიერად ხაზს უსვამს მფლობელის გემოვნებას. მკვეთრი მოწითალო- მოყავისფრო ფერი აცოცხლებს ამ სეზონის მოდურ პალიტრას და მას თავდაჯერებულობასა და სენსიტიურობას ანიჭებს. ღვინის ფერი ხაზს უსვამს ხასიათის ძლიერ თვისებებსა და მოდის მიმართ კეთილგონიერ დამოკიდებულებას.

კლასიკური ლურჯი

მრავლისმეტყველი ფერი, რომელიც ხაზს უსვამს მფლობელის ხასიათის თვისებებს. ლურჯი ტონი შინაგანი სიმშვიდისა და ძლიერი ნებისყოფის უპირობო გამომხატველია. კლასიკური ლურჯი ფერის სამოსი შეგიძლიათ გამოიყენოთ როგორც ოფიციალურ მიღებებზე, ისე მეგობრულ წვეულებებზე. ლურჯი ტონი შესანიშნავად ეხამება ვარდისფერს, იასამნისფერს, წითელ, ოქროსფერსა და ყავისფერ ტონებს.

ყინულოვანი ნაცრისფერი

ერთ-ერთი უნივერსალური ტონი. ნაცრისფერი ტონებისგან შექმნილი სამოსი უხდება ყველას და ყველა სიტუაციაში. ნაცრისფერი სამოსი უამრავი ექსპერიმენტის საშუალებას იძლევა, განსაკუთრების თვალისმომჭრელად ეხამება ღვინისფერსა და ფირუზისფერს.

კრემისფერი

უნივერსალური, მრავალმხრივი, თბილი და მშვიდი ფერი, რომელიც იდეალურია ნებისმიერი ტიპის ქალისთვის. ის წარმატებით შეგიძლიათ გამოიყენოთ როგორც ბიზნეს, ასევე არაოფიციალურ ღონისძიებებზე. არსებობს კრემისფერის უამრავი ტონი, რომელიც თანაბრად საინტერესოა სხვადასხვა ასაკისა და სხეულის აგებულების მანდილოსნებისთვის. ეს ტონი განსაკუთრებით უხდება მუქი კანის ფერს, ამიტომ თუ არჩევანს კრემისფერ სამოსზე შეაჩერებთ, უმჯობესი იქნება მსუბუქად გაირუჯოთ. აღნიშნული ფერი იდეალურად ერწყმის ლავანდისფერ, ნაცრისფერ და ცისფერ ტონებს.

წყარო: Presa.ge
































ტექსტის სანახავად გაიარეთ რეგისტრაცია.