მოდა საქმიანი ქალებისთვის



მამაკაცების უმრავლესობას მიაჩნია, რომ საქმიანი ქალის სამოსი სექსუალური და გამომწვევი არ უნდა იყოს, მაგრამ არის კი ეს ასე?!

* უმრავლეს შემთხვევაში, საქმიანი ქალის წარმატების საწინდარი ხომ სწორედ მისი მიმზიდველი ჩაცმულობაა.

* საქმიან სფეროში, უპირატესობას მაღალი ინტელექტისა და მყარი პოზიციის მქონე ქალბატონებს ანიჭებენ.

* ყურადღებას აქცევენ ხმას, გამოხედვას, საუბარს, გადაწყვეტილების მიღების სისხარტესა და დახვეწილ მანერებს. ყველა ეს კრიტერიუმი ნებისმიერი ჩვენგანის წარმატების საწინდარია.

* ზოგ დაწესებულებაში ოფიციალური ჩაცმულობა აუცილებელია. თქვენს სერიოზულ იმიჯს ხაზს საქმიანი პიჯაკი, პერანგი და დახვეწილი ქვედაბოლოც გაუსვამს.

* შეარჩიეთ ოფიციალური, მაგრამ კომფორტული პიჯაკი.

* პერანგის მასალა სასურველია, იყოს ნატურალური და მსუბუქი, შანელის სტილში _ შავ-თეთრი ტონალობისა და გამოყვანილი სილუეტის.

* აქსესუარად შეგიძლიათ შესაბამისი ქამარი, ეფექტური ყელსაბამი ან ფერადი შარფიც გამოიყენოთ.

* საქმიანი შეხვედრებისას მოერიდეთ მკვეთრ ფერებსა და ასიმეტრიულად შერჩეულ სამოსს.

* თუ პიჯაკის ჟაკეტით ჩანაცვლებას გადაწყვეტთ, შეუხამეთ ბუნებრივი მასალისგან დამზადებული შესაბამისი ფერის პერანგი ან მაისური.

* რაც შეეხება ფეხსაცმელს, დამეთანხმებით, სასურველი დიზაინისა და მაღალი ხარისხის ფეხსაცმლის ყიდვა არც ისე იოლია. თუმცა, თუ მაინც გაგიმართლათ, გახსოვდეთ, რომ საქმიანი ქალბატონის იმიჯი დღემდე მაღალ ქუსლებთან და თავდაჯერებულ სიარულის მანერასთან ასოცირდება.

*ცუდ ტონად ითვლება შიშველი ფეხების გამოჩენა, ხმამაღალი, ემოციური საუბარი, უხეში მანერები... დაბალი ხარისხის, პლასტმასის, მყვირალა ფერის ბიჟუტერიის ტარება.

*მნიშვნელოვანია სათვალის, ჩანთისა და საათის დიზაინიც.

* ნებისმიერი აქსესუარის შერჩევისას, შეეცადეთ გაითვალისწინოთ, რომ ქალის გარეგნობის შემადგენელი თითოეული დეტალი ბევრს ამბობს მისი პიროვნების, მისწრაფებებისა და შესაძლებლობების შესახებ.

* მოკლედ, შეიძლება ვთქვათ, რომ საქმიანი ქალის წარმატებისთვის მთავარია: სტაბილური, მტკიცე ხასიათი, ეფექტური, კლასიკური სამოსი, მიზანდასახულობა და თავდაჯერებულობა.

* ნუ გამოგრჩებათ ვარცხნილობა. ლამაზი და მოვლილი თმა საქმის მხოლოდ ნახევარია, სალონის სტუმრობა ნებისმიერ ქალს, შეძლებისდაგვარად, თვეში ერთხელ მაინც სჭირდება.

ასე რომ, იყავით ლამაზები, ელეგანტურები და წარმატებულები!

ეკა გუნთაიშვილი
































ტექსტის სანახავად გაიარეთ რეგისტრაცია.