Pandora jewelry-ს უჩვეულო ძვირფასეულობები



ზევსის ბრძანებით, ჰეფესტომ შექმნა ქალი - პანდორა, რომელმაც გახსნა ყუთი და იქიდან მთელ სამყაროს მოედო უბედურება და ბოროტება. ყუთში კი მხოლოდ იმედი და შესაძლებლობა დარჩა.

სწორედ იმედი და შესაძლებლობა იქცა Pandora jewelry-ს ოსტატების შთაგონების წყაროდ, შეექმნათ უჩვეულო ძვირფასეულობები. ნებისმიერმა ქალმა, ვინც სამკაულებში ერკვევა, კარგად იცის Pandora-ს სამკაულების დევიზი - "დაუვიწყარი მომენტები". Pandora-ს სამკაულები არა მარტო ლამაზია, არამედ ისინი სათუთად ინახავენ ცხოვრების იმ მომენტებს, რომლის დავიწყებაც არ სურთ.

დღესდღეობით Pandora საიუველირო ნაწარმისა და ბიჟუტერიის მსოფლიოში ცნობილი კომპანიაა. Pandora საკმაოდ ახალგაზრდა კომპანიაა, იგი 1982 წელს დანიის დედაქალაქ კოპენჰაგენში დაიბადა, როდესაც ცოლ-ქმარმა ვინი და პერლ ენევოლდსენებმა პატარა მაღაზია გახსნეს.

ძალიან მალე Pandora-ს სამკაულებმა - სამაჯურებმა, ბეჭდებმა, საყურეებმა უამრავი ქალის გული მოიგო და მაღაზიებთან ერთად წარმოებაც გაფართოვდა. ამჟამად ამ კომპანიის ნაწარმი 50 ქვეყანაში იყიდება.

1984 წელს Pandora-ს საიუველირო ქარხანა ტაილანდშიც გაიხსნა. ამავე პერიოდში კომპანიამ სამუშაოდ მიიწვია ნიჭიერი დიზაინერი ლონა ფრანდსენი. სწორედ მან შექმნა ახალი ქარხნისთვის სამკაულების ახალი ხაზები.

1986 წელს Pandora-ში კიდევ ერთმა ახალმა დიზაინერმა, ლიზაბეტ ლარსენმა დაიწყო მუშაობა. ლონამ და ლიზაბეტმა გააერთიანეს იდეები და მსოფლიომ იხილა სიახლე, Pandora-ს უჩვეულო სამაჯურები - მყიდველს თავად შეეძლო აერჩია, თუ რა დეტალებისგან შექმნილი სამაჯური სურდა.

ამგვარად, ამ უნიკალური სამაჯურის მფლობელი, დიზაინერის "თანაავტორიც" ხდებოდა.
Pandora style - მსოფლიოში ცნობილი, დახვეწილი ბრენდი, გემოვნებიანი და დახვეწილი ქალბატონებისთვის
































ტექსტის სანახავად გაიარეთ რეგისტრაცია.