გულდაწყვეტილი

იმდენ რამეზე მწყდება გული, რომ ხანდახან ვფიქრობ გულდაწყვეტილი დავიბადე.

რატომ მიმატოვე?

ისევ მთვარის შუქი ისევ ქაღალდები
ისევ მოგონება სველი წამწამები
ისევ სინანული ისევ სიმარტოვე
ისევ ერთი კითხვა რატომ მიმატოვე?

ეკლის ადგილზე ამოსვლა

ეკლის ადგილზე ამოსვლა
ეკლისა არის წესია
მოხუცი მომკის იმასვე,
რაც სიყრმით დაუთესია

ათასად კაცი დაფასდა

ათასად კაცი დაფასდა,
ათიათასად ზრდილობა.
თუ კაცი თვითონ არ არის,
რას არგებს გვარიშვილობა

სიყვარულის ახსნა - ჩანახატი

მე რომ სიყვარული გთხოვო შემოდგომა უნდა იყოს, უნდა წვიმდეს, უნდა თოვდეს, ქარი თუ ქარბორბალა უნდა ანგრევდეს ქვეყნიერებას და ... მე ... მიყვარდე! ჩემი მზერა შენ უნდა გათბობდეს, ჩემი თითები შენს ტუჩებს უნდა ეალერსებოდეს ... სხვას ვერაფერს დაგპირდები, სხვას ვერაფერს გაჩუქებ, ამიტომ მიიღე ფოთოლცვენის გიჟური დღეები ჩემგან საჩუქრად და შენ უბედნიერესი კაცი იქნები მთლ დედამიწის ზურგზე


ლამაზი ხარ ...

ლამაზი რომ ხარ იმიტომ კი არ მიყვარხარ, მე რომ მიყვარხარ იმიტომ ხარ ლამაზი.

ბარათი უმისამართოდ

დაღამება სევდას მიქსოვს,
გული რითი გავართო,
დავჯდები და დავწერ ბარათს,
ისევ უმისამართოდ.
ჩემი ლექსი თვით მოგძებნის,
ვერსად დაემალები,
მისამართად ეგულება
შენი გიშრის თვალები.
მას რად უნდა ქუჩის სწავლა,
შენი სახლის ჩვენება,
ვით მერცხალი თავის ბუდეს,
მოვა, მოგეფერება.

ცოტახნით მაინც ხომ გაგაბრაზე ...

რატო არ წერ არაფერს?
შენი თავი საერთოდ ვინ გგონია?
არ გინდა წერა?
ხოდა საერთოდ ნუ დაწერ!
შენნაირებით სავსეა ეს ქალაქი
შენი დანახვაც არ მინდა!
მძულხარ, ვერ გიტან შენი საქციელის გამო.

- უთხრა გამოცდაზე მყოფმა სტუდენტმა კალამს, რომელიც აღარ წერდა.

ცოტახნით მაინც ხომ გაგაბრაზე ...

მინდა სასმელივით დაგეცალოს

მინდა სასმელივით დაგეცალოს,
სადმე მტერი თუ გყავს, ათიოდე,
ტკივილი სიხარულში გაგეცვალოს,
ამაყი,უდარდელი დადიოდე.
მინდა სიყვარულმა დაგაჯეროს,
უკუნი გაგინათონ კელაპტრებმა,
მიზანთან არაფერმა გაგაჩეროს,
აგიხდეს,თუკი რამ გენატრება.

მინდა ბედნიერი კაცი იყო,
დარდმა არ დაგიმონოს მცირედმა,
გრძნობისგან არასოდეს დაცლილიყო,
ბოლომდე გიმეგზუროს იმედმა.

მინდა სასმელივით დაგეცალოს,
სადმე მტერი თუ გყავს ,ათიოდე,
წუხილი სიხარულში გაგეცვალოს,
ამაყი,უდარდელი დადიოდე

ქრონიკული სიყვარული

შენ ჩემი ქრონიკული სიყვარული
მე შენი ქრონიკული მონატრება,
სახადი რომელიც ჩემია და
რომელიც არასოდეს მომეხდება.
შენ- ჩემი სისუსტე და სიძლიერე,
მე-შენი შიში და შეშფოთება.


Âñ¸ íåîáõîäìîå äëÿ äâèæêà DLE