სექსუალური პატარძლების გარეგნული მახასიათებლები და მათ უკან მდგომი დიზაინერები



ხმელთაშუა ზღვის დიზაინერებს ტრენდი სამი ისრაელელი დიზაინერის მეთაურობით უჭირავთ , სწორედ ამიტომ ,საქორწილო კაბების მზარდ რაოდენობას მკაფიოდ ხმელთაშუაზღვისპირეთის ელფერი აქვს: დაბალი ზურგი, რომელიც მთლიანად აშიშვლებს უკანა ნაწილს, ღრმად ამოჭრილი ყელი და შოკისმომგვრელი რაოდენობის ქსოვილი სექსუალური პატარძალი ნორმა გახდა, განაცხადა მარკ ინგრემმა, გავლენიანი საქორწილო ატელიეს მფლობელმა მანჰეტენზე, რომელმაც თავის ხაზს ისრაელელი დიზაინერები – ინბალ დრორი, ალონ ლივნე და მირა ზვილინგერი დაუმატა. ბოლო დროს სელებრითების საღამოს ჩაცმულობა იმაზე მიუთითებს, რომ „პატარძლის კაბები წითელი ხალიჩის განუყრელი ელემენტი გახდა“. სექსუალურ საქორწილო ესთეტიკას მხლოდ ისრაელი კი არ იზიარებს, არამედ მთელი ხმელთაშუაზღვისპირეთი, აცხადებს ქრისტოს კოსტარელოსი, ათენში მოღვაწე დიზაინერი.

რობერტო კავალის მოსწავლის, ინბალ დრორის დიზაინი


სექსუალური პატარძლების გარეგნული მახასიათებლები და მათ უკან მდგომი დიზაინერები


ამავე ტრენდს იზიარებენ ლიბანელი საღამოს სამოსის დიზაინერები, ზუჰაირ მურადი და ელი სააბი, რომლებიც ცნობილნი არიან წითელი ხალიჩის საქორწილო სტილის დიზაინით. რეგიონში სხვა უამრავი ახალი აღმოჩენაა, როგორიცაა სანდრა მასური, ლიბანელი დიზაინერი. მოდის მსახურებმა Moda Operandi-დან მოდის კვირეულები ჩაატარეს დუბაიში, თბილისში, საქართველოში და უკრაინაში. ისეთი დიზაინერები, რომლებიც სტილის ერთგულნი არიან, ამერიკელი კაროლინა ჰერერა და ოსკარ დე ლა რენტა, ნელა ერგებიან შიშველ გარეგნობას.


გალია ლაჰავის დიზაინით Ivory Tower Collection-იდან


სექსუალური პატარძლების გარეგნული მახასიათებლები და მათ უკან მდგომი დიზაინერები


ბევრი ისრაელის ბრენდის ფასი $ 7,500-დან იწყება და დღითიდღე იმდენად მატულობს, რომ იარლიყზე დამაგრებული ფასით შეიძლება შოკი მიიღოთ. მაგრამ როგორც ბერტა ბალილტია აღნიშნავს, რომელიც საქორწილო ხაზის დიზაინს 2004 წლიდან ქმნის, ისრაელში ღირებულება გამართლებულია, ადგილობრივი ტრადიციების გამო. „ქორწილები აქ ძალიან დიდია. საშუალო ქორწილი ალბათ არანაკლებ 400 სტუმარს ითვლის. ზოგჯერ კი 600- 700 ადამიანს. საქორწინო კაბები აქ ძალიან ძვირად ფასობს“. რაც შეეხება ძალიან ამოჭრილ კაბებს, ქალბტონი ბალილტი ამაზე თავს არ იმართლებს. “შესაძლოა ზოგიერთი ადამიანი ისრაელს რელიგიურ ქვეყნად აღიქვამს, მაგრამ ის იმავდროულად ძალიან სექსუალური და ძალიან ღიად მოაზროვნე ქვეყანა,” აცხადებს ის.


ბერტა ბალილტის კაბა, მისივე სახელწოდების საქორწინო ხაზიდან


სექსუალური პატარძლების გარეგნული მახასიათებლები და მათ უკან მდგომი დიზაინერები


ქალბატონი დრორი, რომელიც რობერტო კავალისთან სწავლობდა, ეხმიანება კანის სიშიშვლის განწყობას. “ქალები დღეს ძალიან ზრუნავენ გარეგნობაზე და ფიზიკურ ფორმაზე და არ ცხვენიათ იყვნენ თავდაჯერებულნი და ქალურნი“, აცხადებს იგი და დასძენს, რომ ეს გლობალური ტენდენციაა. მოთხოვნა მის კაბებზე, რომელთა ფასიც $ 9 000-დან იწყება, ასევე მოდის ჩინეთიდან, რუსეთიდან და ავსტრალიიდან.


ქრისტოს კოსტარელოს, ბერძენი დიზაინერი, პოპულარული ხმელთაშუაზღვისპირეთის საქორწინო კაბების შემქმნელი


სექსუალური პატარძლების გარეგნული მახასიათებლები და მათ უკან მდგომი დიზაინერები


როდესაც საქმე ქალის ფორმებს ეხება, ისრაელელი დიზაინერები თავიანთ შემოქმედებას ძალზე სერიოზულად უდგებიან. გარდა კომპლექსური ღონისძიებებისა, დიზაინერი გალია ლაჰავი, რომლის კაბების ფასიც $ 8,000-დან იწყება, აცხადებს, რომ იგი სპეციალიზდება “სხეულის კონტურირებაში” ინოვაციური ქსოვილების შერევის გამოყენებით. ბატონი ინგრემის თქმით, მიუხედავად ქალის თეთრეულის მსგავსი ამოჭრილი სტილისა, დიზაინერები ხშირად იყენებენ ფარულ კორსეტებს და სხვადასხვა მასალებს პატარძლის კაბებისთვის. „ასე რომ, არ აქვს მნიშვნელობა, თუ რა ტიპის ფიგურა გაქვთ, ისინი ხელს შეუწყობენ მის ლამაზად წარმოჩენას“, ამბობს იგი.

ბატონი კოსტარელოსი, ბერძენი დიზაინერი სხვა ესთეტიკას გვთავაზობს, რომელსაც იგი აღწერს, როგორც უფრო სექსუალურს (მაგრამ არა ასე აგრესიულს), ვიდრე სტანდარტული ამერიკული გარეგნობაა. დღევანდელი პატარძლები რაღაც უნიკალურს ეძებენ და ამისთვის ხშირად დიზაინერებს მიმართავენ. როგორც ინგრემი აღნიშნავს, „ადრე ყველა იარლიყს ეძებდა, ახლა კი ყველაფერი ტრენდზეა ორიენტირებული. დიზაინერებმა ძალიან დაბალი ბრენდული აღიარებით შეიძლება კარიერა გაიკეთონ სწორედ კაბის სწორი ტიპის შერჩევით“. მაგრამ საქორწილო სტილთან დაკავშირებით, რომელიც ყოველ წელს იცვლება, ბატონი ინგრემი ასევე ხედავს რისკს, ვინაიდან ის ესთეტიკა, რომელიც დღეს მისაღებია, შეიძლება ხვალ შეიცვალოს და მისი თქმით, „თქვენ უნდა იცოდეთ, თუ როდის უნდა უშველოთ თავს“.

მთავარ ფოტოზე: კაბა Les Reves Bohemians-ის კოლექციიდან, დიზაინერი გალია ლაჰავი

postalioni.com
































ტექსტის სანახავად გაიარეთ რეგისტრაცია.