გოგრის ორცხობილები



პატარა ორცხობილებს დიდი ბედნიერების მონიჭება შეუძლიათ! ამ მარტივი რეცეპტით თქვენ 1 საათსა და 20 წუთში 36 გოგრის ორცხობილის მომზადებას შეძლებთ. გამოაცხვეთ რბილი და უგემრიელესი გოგრის ორცხობილები, ის დიდებსაც და პატარებსაც ძალიან მოეწონებათ!

რეცეპტის ინრედიენტები:

* 2 1/2(310გრამი) ჭიქა ფქვილი
* 1 ჩაის კოვზი გამაფხვიერებელი
* 1 ჩაის კოვზი საჭმელი სოდა
* 2 ჩაის კოვზი დაფქული დარიჩინი
* 1/2 ჩაის კოვზი დაფქული ჯავზი/მუსკატის კაკალი
* 1/2 ჩაის კოვზი დაფქული მიხაკი
* 1/2 ჩაის კოვზი მარილი
* 1/2(115გრამი) ჭიქა დარბილებული კარაქი
* 1 1/2 ჭიქა შაქარი
* 1 ჭიქა გოგრის პიურე
* 1 ცალი კვერცხი
* 1 ჩაის კოვზი ვანილის ექსტრაქტი
* 2 ჭიქა დაფქული შაქარი
* 3 სუფრის კოვზი რძე
* 1 სუფრის კოვზი გამდნარი კარაქი
* 1 ჩაის კოვზი ვანილის ექსტრაქტი

~ მომზადების წესი ~


1. გააცხელეთ ღუმელი 175C გრადუსამდე. საშუალო ზომის თასში ერთმანეთს შეურიეთ ფქვილი, საცხობი ფხვნილი/გამაფხვიერებელი, სოდა, დარიჩინი, მიხაკი, ჯავზი/მუსკატის კაკალი და მარილი.

2. დიდი ზომის თასში გათქვიფეთ ოთახის ტემპერატურის კარაქი შაქართან ერთად. ჩაუმატეთ გოგრის პიურე, კვერცხი, ვანილის ექსტრაქტი და კარგად გათქვიფეთ. შემდეგ ჩაუმატეთ ფქვილის მშრალი მასა და გათქვიფეთ. ამოიღეთ ცომი სუფრის კოვზით და დაალაგეთ საცხობ ლანგარზე, ოდნავ გააბრტყელეთ.

3. აცხვეთ 15-20 წუთის განმავლობაში. გამომცხვარი ორცხობილები ცოტახნით ლანგარზევე დატოვეთ და შემდეგ გადაიტანეთ ცხაურზე კარგად გასაცივებლად. ამასობაში, საშუალო ზომის თასში ერთმანეთს შეურიეთ დაფქული შაქარი, გამდნარი კარაქი და ვანილის ექსტრაქტი. ჩაუმატეთ 1 სუფრის კოვზი რძე და შეურიეთ. გაიმეორეთ ეს პროცედურა კიდევ ორჯერ, სანამ არ მიიღებთ თხელ კრემისებრ მასას. მოასხით გოგრის ორცხობილებს და გემრიელად მიირთვით!


წყარო


































ტექსტის სანახავად გაიარეთ რეგისტრაცია.