გესმით მამაკაცის ენა?



ადვილი შესაძლებელია, ბევრ ენას ფლობდეთ, მაგრამ მამაკაცს ვერაფერი გაუგოთ. ამიტომ ქვემოთ მოცემულ შეკითხვებს დაკვირვებით უპასუხეთ. ამით საკუთარ თავს შეამოწმებთ - შეძლებთ თუ არა მშვიდად იცხოვროთ საყვარელ მამაკაცთან და მისი კაპრიზები აიტანოთ.

1. თქვენი პარტნიორი მამაკაცი თავისი დაბადების დღისთვის ეგზოტიკური კერძის მომზადებას გთხოვთ:

ა) მოძებნით კულინარიულ წიგნს და შედევრის შექმნას შეეცდებით - 3 ქულა;
ბ) მაინცდამაინც არ გესიამოვნებათ, აიღებთ ფეხსაცმლისთვის გადანახულ ფულს და კერძს რესტორანში შეუკვეთთ - 1 ქულა;
გ) იმ კერძს მოამზადებთ, რაც იცით - 2 ქულა;
დ) არაფერსაც არ მოამზადებთ - 0 ქულა.

2 თქვენი დაბადების დღე ახლოვდება. საყვარელი მამაკაცი გეუბნებათ, რომ გიყიდით იმას, რასაც მოისურვებთ:

ა) ძვირად ღირებულ სამკაულს ითხოვთ - 0 ქულა.
ბ) სუნამოზე შეუთანხმდებით - 2 ქულა;
გ) უბრალო საჩუქრითაც კმაყოფილი იქნებით - 3 ქულა;
დ) ხმას არ იღებთ, - გიყიდოთ ის, რაც თავად უნდა - 1 ქულა.

3 ბოლოს და ბოლოს, სასურველი კაბა იყიდეთ, ის კი გეუბნებათ, რომ არ გიხდებათ:

ა) იბუტებით და სახლიდან მიდიხართ - 3 ქულა;
ბ) ეუბნებით, რომ უკეთესი თავად გიყიდოთ - 0 ქულა;
გ) ჰპირდებით, რომ წონაში დაიკლებთ - 1 ქულა;
დ) მის ნათქვამს არანაირ ყურადღებას არ აქცევთ - 2 ქულა.

4 მაღაზიაში ერთად შეხვედით. კოსტიუმი მოგეწონათ, მაგრამ ფული გაკლდებათ:

ა) მაღაზიას გულდაწყვეტილი ტოვებთ - 0 ქულა;
ბ) სთხოვთ, ფული დაგიმატოთ - 1 ქულა;
გ) გამყიდველს უთანხმდებით, რომ მეორე დღემდე შეგინახონ - 2 ქულა;
დ) არ შეიმჩნევთ, რომ მაინცდამაინც ის კოსტიუმი მოგეწონათ და არჩევანს იაფფასიან პროდუქტზე შეაჩერებთ - 3 ქულა.

5 მთელი დღის დაღლილს ერთი სული გაქვთ, როდის დაიძინებთ, მეუღლე კი სწორედ ახლაა ალერსის ხასიათზე:

ა) სთხოვთ, რომ თავი დაგანებოთ - 2 ქულა;
ბ) ხმამაღალი სიტყვებით გადიხართ მეორე ოთახში - 0 ქულა;
გ) ალერსისთვის განეწყობით - 1 ქულა;
დ) წყნარად სთხოვთ, რომ დილამდე მოიცადოს - 3 ქულა.

შედეგები:
14-15 ქულა: შეგიძლიათ, ჭკუა სხვებსაც დაარიგოთ. მშვენივრად ახერხებთ, საკუთარი სურვილები პარტნიორის მოთხოვნებს შეუთავსოთ. კომპრომისზე ადვილად მიდიხართ. გილოცავთ! პირად ცხოვრებაში პრობლემები არასოდეს გექნებათ, მეუღლე კი, უბრალოდ, გიჟდება თქვენზე.

6-13 ქულა: მაინცდამაინც ცუდი ხასიათი არ გაქვთ, მაგრამ ზოგჯერ უაზროდ იცით გაჯიუტება. მართალია, საკუთარი პრინციპების დაცვა ცუდი არ არის, მაგრამ ჯანმრთელობა გაცილებით მნიშვნელოვანია. ცოტაოდენი ქალური სიბრძნე გამოიჩინეთ და ყველაფერი კარგად იქნება.

2-5 ქულა: ზედმეტად სერიოზული და საშინლად პრეტენზიული ხართ. უფრო მომთმენი და კეთილი იყავით, თორემ ყველაზე თვინიერ მამაკაცსაც კი დააფრთხობთ.
2 ქულაზე ნაკლები: გირჩევთ, სახლში იჯდეთ და გათხოვებაზე საერთოდ არ იფიქროთ.

ჟურნალი ''რეიტინგი''

წყარო
































ტექსტის სანახავად გაიარეთ რეგისტრაცია.