ძალიან დიდი პასუხისმგებლობით ეკიდებით საქმეს და დიდ დროს უთმობთ სამუშაოს? იქნებ თქვენ – მანიაკურად მშრომელი ხართ?
ამ კითხვაზე პასუხის მიღება შეგიძლიათ, თუ გაივლით ტესტს, რომელიც ნოთინგჰემ ტრენტისა (Nottingham Trent University) და ბერგენის უნივერსიტეტების (University of Bergen) მეცნიერებმა შეადგინეს.
პროფესორმა სესილი შუ ანდერსენმა, თავის კოლეგებთან ერთად, შეიმუშავა ტესტი, რომელიც ნებისმიერი ადამიანის შრომისმოყვარეობის დონეს განსაზღვრავს, - წერს The Telegraph. საკუთარი მეთოდიკა მეცნიერებმა წარმატებით დატესტეს 12 000 მოხალისეზე.
მაშ ასე, ტესტის არსი მარტივია – ქვემოთ მოცემულ მოსაზრებებზე უპასუხეთ: "არასოდეს", "იშვიათად", "ხანდახან", "ხშირად" ან "ყოველთვის".
- ფიქრობთ, როგორმე გამონახოთ კიდევ მეტი დრო სამუშაოსთვის;
- იმაზე მეტ დროს უთმობთ სამუშაოს, ვიდრე თავდაპირველად აპირებდით;
- თქვენ მუშაობთ იმისათვის, რომ დაძლიოთ დანაშაულის გრძნობა, შფოთვა, უსუსურობა და დეპრესია;
- გარშემომყოფები გირჩევენ, ნაკლები იმუშაოთ, მაგრამ თქვენ მათ არ უჯერებთ;
- სტრესში ვარდებით, თუ რაიმე ხელს გიშლით მუშაობაში;
- ჰობი, ვარჯიში და სხვა განტვირთვის საშუალებები თქვენს ცხოვრებაში სამუშაოს გამო მეორეხარისხოვანია;
- გადატვირთული სამუშაო გრაფიკის გამო ჯანმრთელობა შეგერყათ.
თითოეულ პასუხს შეესაბამება გარკვეული ქულების რაოდენობა – 1-დან 5-მდე. 1 ქულა იწერება პასუხზე "არასოდეს", 2 ქულა – "იშვიათად", 3 ქულა – "ხანდახან", 4 ქულა – "ხშირად”, 5 ქულა – "ყოველთვის".
თუ თქვენ 4 ან მეტ კითხვა-მოსაზრებაზე უპასუხეთ "ხშირად" ან "ყოველთვის", მანიაკურად მშრომელი ხართ. რაც უფრო ნაკლები ქულა დააგროვეთ, მით ნაკლებად დამახასიათებელია თქვენთვის ზედმეტი შრომისმოყვარეობა.
წყარო
|
|
|
|
|
|
|
|
|
|
|
|
