რა უარყოფითი შედეგები მოაქვს მარილის მოხმარებას



მარილი, რომელიც ნატრიუმქლორიდისგან შედგება, არის სიცოცხლისთვის აუცილებელი მინერალი. ქლორიდისა და ნატრიუმის იონები, მარილის ძირითადი შემადგენელი ნაწილები, ყველა ცოცხალი არსების, მათ შორის ადამიანის, სიცოცხლისთვის აუცილებელია. მარილი არეგულირებს სხეულში წყლის მოცულობას. თუმცა, მარილის ჭარბად მოხმარება ზრდის ჯანმრთელობის პრობლემების ალბათობას.

რა აურყოფითი შედეგები ახლავს მარილის გადაჭარბებულ მიღებას?


კვლევებმა აჩვენა, რომ მარილის ჭარბი მოხმარება არის შარდით კალციუმის დიდი რაოდენობის დაკარგვის მიზეზი, კალციუმის დაკარგვას კი თავის მხრივ ორგანიზმი დემინერალიზაციამდე და ძვლოვანი ქსოვილის დასუსტებამდე მიყავს. ასეთი მდგომარეობის დროს კი ვითარდება ოსტეოპოროზი, რაც ძვლების ხშირ მოტეხილობას იწვევს.
ბევრი კვლევა ადასტურებს მარილის ზეგავლენას სისხლის წნევას, ინსულტსა და გულის დაავადებებს შორის. ჩატარებული ცდებით დგინდება, რომ მარილის რეკომენდირებულ ნორმაზე (დღეში 5 გრ.) მეტი რაოდენობით მიღება 23%-ით ზრდის ინსულტის, ხოლო 14%-ით ზრდის გულის დაავადებების განვითარების რისკს.
მეცნიერები ასევე საუბრობენ მარილსა და კიბოს შორის კავშირზე. კვების რაციონში ჭარბი მარილის არსებობა დაკავშირებულია ისეთი დაავადებების განვითარებასთან, როგორიცაა ოსტეოპოროზი, კუჭის კიბო, თირკმლის დაავადებები, სიმსუქნე. იწვევს ისეთი დაავადებების გამწვავებას, როგორიცაა ალციმერის დაავადება და დიაბეტი.

მარილის გადაჭარბებულმა მოხმარებამ შეიძლება გამოიწვიოს ქსოვილებში სითხის დაგუბება. სიმძიმის ძალის ზემოქმედებით კი სითხე ჩადის ფეხებში და იწვევს ცელულიტის წარმოქმნას. სწორედ ორგანიზმიდან სითხის შეფერხებული გამოყოფა უწყობს ხელს არტერიული წნევის მომატებას. ასეთი გართულებების თავიდან ასაცილებლად, აუცილებელია შეზღუდოთ მარილის მოხმარება და არ მიიღოთ მისი დღიურ ნორმაზე მეტი რაოდენობა.

წყარო: active.ge
































ტექსტის სანახავად გაიარეთ რეგისტრაცია.