რა ვუპასუხოთ ბავშვს სიკვდილთან დაკავშირებულ შეკითხვებზე?



თქვენი ბავშვის ზრდასთან ერთად იზრდება მისი ცნობისმოყვარეობაც. ბავშვები ხშირად თავიანთი შეკითხვებით მშობლებს კუთხეში იმწყვდევენ. მაგალითად შეკითხვები სიკვდილზე. თითქოს ადვილია ამ კითხვებზე პასუხის გაცემა, თუმცა ყველა მშობელს როდი შეუძლია შეარჩიოს სწორი სიტყვები, იმისათვის, რომ ბავშვმა გაიგოს მთელი ამ პროცესის არსი. ბავშვებს აინტერესებთ: რატომ მოდის სიკვდილი? მოდის თუ არა ის ყველასთან? შეიძლება თუ არა გარდაიცვალოს ახალგაზრდა? რა მოსდის ადამიანს სიკვდილის შემდეგ?.. ასეთი კითხვები ბავშვს უჩნდება მაშინ, როცა აკვირდება გარემოს და ხვდება, რომ სიცოცხლე არაა მარადიული.

6 წლის ბავშვმა უნდა იცოდეს, რომ ბავშვები იზრდებიან, ხდებიან ზრდასრულები, შემდეგ მათ ჰყავთ თავიანთი შვილები, შემდეგ მოდის სიბერე, ბოლოს კი სიკვდილი. აუცილებელია იმის დაზუსტება, რომ სიკვდილი შეიძლება მოვიდეს ადრეულ ასაკში დაავადების ან ტრაგედიის შემთხვევაში. რა თქმა უნდა, ამის ახსნა ბავშვისთვის რთულია, თუმცა ძალიან მნიშვნელოვანი. შეგვიძლია პარალელი გავავლოთ ბუნებასთან, როცა ხმება მცენარე ან ცვივა ფოთლები, შეგვიძლია მოვიყვანოთ ცხოველების მაგალითიც. ზოგიერთი მშობელი სიკვდილს ადარებს ძილს_ადამიანი კვდება, მიეცემა სამუდამო ძილს. მთავარია, რომ ასეთმა ახსნამ არ მიგვიყვანოს იქამდე, რომ ბავშვს ეშინოდეს ღამით დაძინების. მას შემდეგ რაც ბავშვი მიიღებს საჭირო ინფორმაციას, აქცენტი გააკეთეთ იმაზე, რომ სიკვდილი ნებისმიერ შემთხვევაში მოვა ყველასთან. თუმცა აუცილებელია, რომ გავუფრთხილდეთ სიცოცხლეს, რათა სიკვდილი არ მოვიდეს დროზე ადრე.

რა ვუპასუხოთ ბავშვს სიკვდილთან დაკავშირებულ შეკითხვებზე?


სიკვდილთან დაკავშირებით ბავშვის შეკითხვების უყურადღებოდ დატოვება არ შეიძლება, რადგან ბავშვს არ გაუჩნდეს არასწორი შეხედულება, რამაც შეიძლება მიგვიყვანოს ტრაგედიამდე. საჭიროა ვიპოვოთ შესაფერისი სიტყვები, რათა არ შევაშინოთ ბავშვი, არ გამოვიწვიოთ მისი უნდობლობა. აი რამდენიმე რეკომენდაცია, რომელიც უნდა გაითვალისწინოს მშობელმა, რათა თავიდან აიცილოს არასწორი განმარტება:

- თუ ბავშვი ამ შეკითხვით მოვიდა მაშინ, როცა თქვენ დაკავებული ხართ, უთხარით, რომ აუცილებლად უპასუხებთ ოღონდ მოგვიანებით. არ მოიშოროთ ბავშვი, ან არ შემოიფარგლოთ ორიოდე სიტყვით. მონახეთ დრო და ყველაფერი დაწვრილებით აუხსენით.

რა ვუპასუხოთ ბავშვს სიკვდილთან დაკავშირებულ შეკითხვებზე?


- თუ ბავშვი გეკითხებათ სიკვდილზე თქვენ, ეს ნიშნავს, რომ პასუხის გაცემაც სწორედ თქვენგან სურს. არ ღირს ბავშვის გაგზავნა ბებიასთან ან მამასთან, თორემ სხვა დროს ის აღარ მოვა თქვენთან და უბრალოდ სხვას კითხავს.

- სანამ ბავშვს უპასუხებთ კითხვაზე, ყურადღებით მოუსმინეთ მას და დააზუსტეთ რა აინტერესებს ყველაზე მეტად. ეს დაგეხმარებათ სწორად შეარჩიოთ პასუხი, რომელიც დააკმაყოფილებს თქვენს შვილს.

- თქვენი პასუხი უნდა იყოს მაქსიმალურად მართალი. არ ღირს ზღაპრების მოფიქრება. თქვენი შვილი ადრე თუ გვიან მაინც გაიგებს სიმართლეს, მიხვდება, რომ მოატყუეთ და დაკარგავს თქვენ მიმართ.

რა ვუპასუხოთ ბავშვს სიკვდილთან დაკავშირებულ შეკითხვებზე?


- შეარჩიეთ პასუხი ბავშვის ასაკის გათვალისწინებით. თუ ის ჯერ კიდევ ძალიან პატარაა, იმისთვის რომ იცოდეს ზოგიერთი დეტალი ნუ დაკონკრეტდებით, რათა არ შეაშინოთ ბავშვი.

- თუ ბავშვი არ გეკითხებათ სიკვდილზე არ ღირს სპეციალურად ამ თემაზე საუბარი, როცა დრო მოვა ის თავად გკითხავთ.

- პასუხამდე, კითხეთ ბავშვს რა იცის თვითონ სიკვდილზე და რას ფიქრობს ამის შესახებ. ეს ინფორმაცია დაგეხმარებათ ამომწურავი პასუხის გაცემაში, რათა არ გაიმეორეთ ის რაც უკვე გაუგია ან წაუკითხავს ბავშვს.

რა ვუპასუხოთ ბავშვს სიკვდილთან დაკავშირებულ შეკითხვებზე?


- პასუხი ასეთ კითხვაზე უნდა იყოს სერიოზული, არ იცინოთ ან არ იღიმოთ, რათა ბავშვმა სწორად გაიგოს, რომ სიკვდილი ასოცირდება მწუხარებასთან.

- ამ კითხვის გაგონებისას არ ღირს პანიკაში ჩავარდნა. თქვენ უნდა იყოთ მშვიდი და გაწონასწორებული, იმ შემთხვევაშიც კი თუ არ იცით რა უპასუხოთ.

- აუცილებლად გაითვალისწინეთ შვილის ხასიათი. თუ ის მგრძნობიარეა მაშინ შეარჩიეთ უფრო რბილი და ნაკლებად საშიში სიტყვები, სიკვდილის ასაღწერად.

რა ვუპასუხოთ ბავშვს სიკვდილთან დაკავშირებულ შეკითხვებზე?


- შეიძლება ამ საკითხს მივუდგეთ რელიგიურად და ავუხსნათ ბავშვს, რომ კვდება მხოლოდ სხეული, სული კი გადადის არსებობის სხვა საფეხურზე.

ამ რეკომენდაციების გათვალისწინებით თქვენ შეძლებთ მოამზადოთ შვილი იმისთვის, რომ სიკვდილი გარდაუვალია და ის სათანადოდ უნდა მივიღოთ.


თაკო ცილიკიშვილი

წყარო: www.Lady.Mcvane.Ge

მასალის გამოყენების პირობები: აუცილებელია წყაროს მითითება!!!
































ტექსტის სანახავად გაიარეთ რეგისტრაცია.