სამახსოვრო რჩევები დიასახლისებს – თევზეული



თევზს ძალიან უხდება ძმარი ან ლიმონის წვენი. დაჭრილ, შესაწვავად გამზადებულ თევზს მოასხურეთ ლიმონის წვენი ან ძმარი, მოათავსეთ თავდახურულ ჭურჭელში და დაახლოებით 20 წუთი გააჩერეთ. შედეგად თევზის ხორცი უფრო მაგარი, თეთრი და გემრიელია, მისი სპეციფიკური სუნიც იკლებს.

* თუ თევზს ქერცლი ძალიან ძნელად შორდება, მცირე ხნით ცხელ წყალში ჩადეთ და ამოღებისთანავე გაფხიკეთ.

* თევზი შეწვისას ტაფას რომ არ მიეკროს, ცხიმზე ცოტაოდენი მარილი დააყარეთ.

* ახალი თევზის ყიდვა სასურველია უშუალოდ მომზადების წინ. თუმცა თუ ფაიფურის ან მინის ჭურჭელში მოათავსებთ, მაცივარში ორი დღე ინახება.

* ოკეანის თევზი ძირითადად გაყინული იყიდება. გამდნარი პროდუქტი დაუყოვნებლივ უნდა გამოიყენოთ და ხელახლა არ გაყინოთ!

* ბევრ წყალში ხარშვისას თევზი დაგეშლებათ. მოხარშეთ იგი რაც შეიძლება ცოტა წყალში, თანაც აუცილებლად ნელ ცეცხლზე!

* დამარილებულ თევზს ხარშვისას მარილი აღარ დაამატოთ.

* თევზის ნარჩენებისგან (ფხა, თავი) მშვენიერი ნახარში მზადდება. მოათავსეთ ისინი სანელებლებთან ერთად ქვაბში, ნელ ცეცხლზე ადუღეთ, გადაწურეთ და ნახარშიც მზადაა.

* თევზი უშუალოდ შეწვის წინ დაამარილეთ.

* თევზის შეწვისას მძაფრი სუნის გასაქრობად ცხიმში კარტოფილის რამდენიმე თხელი ნაჭერი ჩააგდეთ.

* მჟავე კიტრი წვენში მოხარშული ოკეანის თევზი განსაკუთრებით გემრიელია.

* თევზის სუნის მოსაცილებლად ხელები ჯერ ძმრიან წყალში დაისველეთ, ან ლიმონის წვენით გაიწმინდეთ, შემდეგ კი საპნით დაიბანეთ.

წყარო: feme.ge
































ტექსტის სანახავად გაიარეთ რეგისტრაცია.