ვინ ხართ თქვენ და ვინ შეიძლება იყოს თქვენი საუკეთესო პარტნიორი - მოკლე ფსიქოლოგიური ტესტი



მოუსმინეთ შინაგან ხმას და შეარჩიეთ შემოთავაზებული ბოსტნეულის და ხილის ა და ბ კატეგორიიდან თითო ვარიანტი.

ა) კიტრი ან პომიდორი

ბ) გოგრა ან საზამთრო

დააწყვილეთ შერჩეული პასუხები და გაიგეთ თქვენი ძირითადი თვისებები და პიროვნული შტრიხები

კიტრი და გოგრა

ასეთ არჩევანს ძირითადად მამაკაცები აკეთებენ, თუმცა მათ რიცხვში სუსტი სქესის წარმომადგენლებიც შეიძლება ვიხილოთ. ამ ტიპის ძლიერი სქესის წარმომადგენლები ძალიან მამაკაცურები და სერიოზულები არიან. ისინი იშვიათად ექცევიან ვინმეს გავლენის ქვეშ და არასდროს ხდებიან დამოკიდებულები ალკოჰოლზე. მათ შორის ბევრი სპორტსმენი და მოგზაურობის მოყვარულია. ქალი ასეთი მამაკაცის გვერდით თავს დაცულად გრძნობს - მისი პასუხისმგებლობა ოჯახურ ურთიერთობებზეც ვრცელდება. „კიტრი და გოგრა“ -ს ტიპის მამაკაცები მიზანსწრაფულები არიან და დასახული მიზნის მიღწევაც არასდროს უჭირთ. მაგრამ ასეთი კატეგორიის მამაკაცებს აკლიათ რომანტიზმი. ამიტომ თუ ქალი მათგან ყვავილებს ელოდება, დიდი ალბათობით, იმედგაცრუებას მიიღებს. ასეთ დროს ქალმა მამაკაცს უნდა მიანიშნოს, რომ მისგან ყვავილების თაიგულის მიღება სურს.

„კიტრი და გოგრა“-ს ტიპის ქალები ხშირ შემთხვევაში ხელმძღვანელ პირებად გვევლინებიან, მაგრამ ოჯახურ ცხოვრებაში ისეთივე უსუსურები არიან, როგორც ბავშვები: ცუდი მზარეულები არიან, არ შეუძლიათ ბიუჯეტის სწორად განაწილება, არ უყვართ ჭურჭლის რეცხვა და ზოგადად, დიასახლისის ფუნქციის შეთავსება. თუმცა ასეთი ტიპის ქალში მამაკაცი ერთგულ და კარგ მეგობარს იპოვის.

პომიდორი და საზამთრო

ამ ტიპის ადამიანები მხიარულები და აქტიურები არიან. განსაკუთრებული კომუნიკაბელურობით გამოირჩევიან, თუმცა ურთიერთობებში ყოველთვის გაწონასწორებულები არ არიან - მათი ფეთქებადი ხასიათი ხშირად ხდება სკანდალების მიზეზი. ამ ტიპის მამაკაცებში ბევრი გურმანია, სიზარმაცე მათი თვისებაა - ზურგჩანთასა და საძილე ტომარას ე.წ. „ჩუსტებს“ და ხალათს ამჯობინებენ.

ქალები ემოციურები არიან, უყვართ ცხოველები და ოჯახური გარემო. მათთან ყოველთვის იგრძნობა სითბო და სიმყუდროვე. არ შეუძლიათ ინტრიგების ხლართვა, მაგრამ ხშირად უტაქტობით გამოირჩევიან - ისინი ყოველთვის ამბობენ იმას, რასაც ფიქრობენ. გულწრფელობა და სიალალე - ეს მათი მთავარი ფსიქოლოგიური თვისებაა.

კიტრი და საზამთრო

ამ ტიპის ადამიანები მუდმივად გრძნობენ მოუსვენრობას. მათი გარეგნული სიმშვიდის და თავშეკავებულობის უკან შინაგანი დაძაბულობა იმალება. ასეთი ტიპის ადამიანთან ისე ცხოვრობ, როგორც ვულკანზე - არასდროს იცი, რა იქნება ხვალ და რა იდეა მოუვა თავში დღეს .

ამ ტიპის ქალები არასდროს აწყობენ სკანდალებს უბრალო მიზეზით - ისინი აგროვებენ წყენას და ერთ მშვენიერ დღეს, შესაძლოა, სახლში მთელი ჭურჭელი დალეწონ...

„კიტრი-საზამთრო“-ს კატეგორიის ადამიანები ყველაზე შემოქმედებითები არიან, კარგი ანალიზის უნარით გამოირჩევიან. მათ შორის არიან მეცნიერები და გამომგონებლები.

პომიდორი და გოგრა

თუ თქვენთან ახლოს სწორედ ეს ორი ნაყოფია - თქვენ გაწონასწორებული, ტაქტიანი და მშვიდი პოროვნება ხართ. გაქვთ შინაგანი კულტურა და ძალიან მგრძნობიარე ხართ. გიყვართ ლამაზი ნივთები და კარგი გემოვნებითაც გამოირჩევით.

ამ ტიპის მამაკაცები ცოტა ქალურები არიან, თუმცა ხშირად ხდებიან მხატვრები, მუსიკოსები... ზოგადად, შემოქმედება ძალიან ახლოა ამ ადამიანებთან.

ამ ტიპის ქალები მოსიყვარულეები, შთამბეჭდავები, სიყვარულში ვნებიანებიც და მუდმივები არიან. მათგან ერთგული, ნაზი და მზრუნველი მეუღლეები ხდებიან. აი, ამ კატეგორიის მამაკაცები კი, შესაძლოა, საკუთარ თავზე შეყვარებული ეგოისტები აღმოჩდნენ.

საუკეთესო წყვილი:


მამაკაცი „კიტრი-გოგრა“ და ქალი „კიტრი-საზამთრო“

მამაკაცი „პომიდორი-გოგრა“ და ქალი „კიტრი-გოგრა“

მამაკაცი „კიტრი-საზამთრო“ და ქალი „პომიდორი-საზამთრო“

მამაკაცი „პომიდორი-საზამთრო“ და ქალი „პომიდორი-გოგრა“

sazogadoeba.ge
































ტექსტის სანახავად გაიარეთ რეგისტრაცია.