შოკოლადის ტორტი



მოსამზადებლად დაგვჭირდება:

შავი შოკოლადი (კაკაო 40-50%) - 225 გრ.
კარაქი - 140 გრ.
შაქარი - 200 გრ.
კვერცხი - 4 ცალი
ფქვილი - 2 ს.კ.
ქოქოსის უშაქრო ფხვნილი - 4 ს.კ.
სოდა- 1 ჩ.კ.
ვანილის ექსტრაქტი - 1 ჩ.კ.
არაჟანი - 4 ს.კ.
კრემისათვის:
ნაღები - 2/3 ჭიქა
შავი შოკოლადი - 260 გრ.

მომზადება:

შოკოლადი კარაქთან ერთად ორთქლზე გავადნოთ (შეგვიძლია 3 ს. კ. რომი დავუმატოთ). ავთქვიფოთ კვერცხი და შაქარი, დავუმატოთ ფქვილი, ქოქოსის ფხვნილი, სოდა და ვანილის ექსტრაქტი. მიღებულ მასას დამდნარი კარაქი, შოკოლადი და არაჟანი შევურიოთ.

ღუმელი 180 გრადუსამდე გავაცხელოთ. გამოსაცხობ ფორმას (25 სმ. სიგანის, 8 სმ. სიმაღლის) ძირსა და გვერდებზე პერგამენტის ქაღალდი დავუფინოთ.

გამოცხობას დაახლოებით 50 წუთი დასჭირდება. ბისკვიტს გავაგრილებთ, დახეთქილ ზედაპირს მოვაშორებთ და შუაზე გავჭრით.

კრემი:

ჯამში 2/3 ჭიქა ნაღები ჩავასხათ და დაბალ ცეცხლზე გავაცხელოთ. გადმოვდგათ და 260 გრ. წვრილად დაჭრილი შოკოლადი დავამატოთ. ერთგვაროვანი მასის მიღებამდე ვურიოთ. შემდეგ გავაგრილოთ, სანამ არ გასქელდება.

გავყოთ კრემი სამ ნაწილად და ბისკვიტს შუაში, ზევიდან და გვერდებზე წავუსვათ.
ნამცხვარი მაცივარში 1-2 საათით შევდგათ კრემის გამაგრებამდე.

მიირთვით გემრიელად!


წყარო: eva.ge
































ტექსტის სანახავად გაიარეთ რეგისტრაცია.