სუპერ რეცეპტი ბლინის ბაფთების დასამზადებლად



იმისთვის, რომ თქვენი დილა შესანიშნავად დაიწყოთ დღეს ფუმფულა ბლინების ძალიან მაგარ რეცეპტს გთავაზობთ. თანაც ჩვენთან სიახლეა, ჩვენი რჩევების დახმარებით შეგიძლიათ ბლინის ბაფთები დაამზადოთ. დღეს უგემრიელესი ბლინების ორ რეცეპტს გაგიმხელთ- საფუარით და მის გარეშე:

1- საფუარიანი:

1 ჭიქა თბილ რძეში გახსენით 1 სუფრის კოვზი მშრალი საფუარი. ცალკე 4 კვერცხი ათქვიფეთ ( ჯერ ცილა, შემდეგ გული) ,დაუმატეთ 1–2 სუფრის კოვზი შაქარი (რაოდენობა გემოვნების მიხედვით განსაზღვრეთ) ,დაუმატეთ მწიკვი მარილი,ვანილი, საფუარიანი რძე და 2 ჭიქა ფქვილი. თუ გასქელდა დაუმატეთ რძე. როდესაც ერთმანეთში ყველა ინგრედიენტი კარგად აირევა დაამატეთ 2 ს.კ. ზეთი.

2- უსაფუარო:


3 კვერცხი ათქვიფეთ დაუმატეთ 1 ჭიქა შაქარი, 2 კოვზი თაფლი, 1 ლიტრი რძე ან წყალი, სოდა+ძმრით, მწიკვი მარილი და დანის წვერით ვანილი. ფქვილი დაუმატეთ იმდენი, რომ თქვენთვის სასურველი სისქის ცომი მიიღოთ.

ახლა კი გასწავლით როგორ დაამზადოთ ბაფთები უგემრიელესი ბლინებისგან:

აიღეთ ერთი გამომცხვარი ბლინი, ზედა და ქვედა ნაწილები შუაგულისკენ მოკეცეთ. გვერდები ფართოდ გაუშალეთ. ახლა კიდევ ერთი ბლინი აიღეთ და მისგან რამდენიმე გრძივი ”ლენტი” ჩამოჭერით. მიღებული ”ლენტით” დაამაგრეთ ბაფთის შუა ნაწილი.

შეგიძლიათ მიირთვათ ხილის ჯემთან, შოკოლადის კარაქთან შესქელებულ რძესთან ან თქვენთვის სასურველ ნებისმიერ პროდუქტთან ერთად.


წყარო: Lollipop.ge
































ტექსტის სანახავად გაიარეთ რეგისტრაცია.