ოთახის 10 მცენარე, რომელიც ჰაერს წმენდს



არსებობს არაერთი მცენარე, თვისებით - გაასუფთავოს ჰაერი, მავნე მინარევებისგან, რომელიც დამღუპველ გავლენას ახდენს, ადამიანის ჯანმრთელობაზე.

სახლში, ჰაერის ხარისხის გასაუმჯობესებლად, დაგეხმარებათ შემდეგი მცენარეები:

1. ალოე

გარდა იმისა, რომ ალოე ჰაერს ასუფთავებს, მას, სხვა ბევრი დადებითი და სამკურნალო თვისებაც გააჩნია.

მართალია არ ჩატარებულა ბევრი კვლევა ამ საკითხთან დაკავშირებით, მაგრამ მეცნიერებს, რამოდენიმე ექსპერიმენტიდან გამომდინარე სჯერათ, რომ ალოე ვერა, აღწევს სისხლში, ამარაგებს მას ჟანგბადით და ასევე, ხელს უწყობს სისხლის წითელი უჯრედების წარმოქმნას. ასევე, ერთ-ერთი ბრიტანული ჟურნალი წერდა, რომ ალოე ვერას მიღება, გულის დაავადებებს აგვაცილებს თავიდან.

ამ მცენარის მოთავსება, სამზარეულოში, მზიან ადგილასაა სასურველი.

2. ქლოროფიტუმი

სპეციალისტები გვირჩევენ, რომ აუცილებლად ვიყოლიოთ სახლში ქლოროფიტუმი, რადგან ის, ოთახში, საგრძნობლად წმენდს ჰაერს ბაქტერიებისგან. მას, შეუძლია გაწმინდოს ჰაერი - ფორმალდეჰიდისა და გაზის ნამწვისგან, ანეიტრალებს, საცხოვრებელ ფართში, შხამიან ნივთიერებებს, რომელსაც სხვადასხვა საყოფაცხოვრებო ქიმია და ელექტროხელსაწყოები გამოყოფს.

თუ ქლოროფიტუმს დადგამთ სამზარეულოში, ის გაწმენდს ჰაერს და შეისრუტავს სუნს.

ფოთლების სიხასხასის შესანარჩუნებლად, მცენარე, დადგით ნათელ ადგილას, მაგრამ, მწველ მზეს მოარიდეთ! მიწის ზედაპირზე, ფესვების გამოჩენა, მცენარის გადარგვის აუცილებლობის ნიშანია. იმისათვის, რომ მცენარეს ფოთლის ბოლოები არ გაუყავისფრდეს, ტენი სჭირდება. ზაფხულში, როცა ძალიან ცხელა, ფოთლები დღეში რამდენჯერმე დაუნამეთ.

3. გერბერა

თუ თქვენ არ იცით, როგორ გააუმჯობესოთ სახლში ჰაერი, მაშინ, შეიძინეთ რამდენიმე გერბერა, ქოთნით. გარდა იმისა, რომ იგი ყვავილობის და ზრდის პერიოდში ლამაზია, ასევე, სასარგებლოცაა.

მისი კაშკაშა ყვავილები, ტრიქლორეთილენის მოშორებაში ეხმარება ჰაერს. ასეთი თვისების გამო, მცენარე, შეგვიძლია საძინებელში ან სააბაზანოში მოვათავსოთ. თუმცა, გახსოვდეთ, რომ გერბერასაც ესაჭიროება მზის სხივები.

4. სანსევერია

სანსევერია, ძალიან მარტივად მოსავლელი მცენარეა და იდეალურია მათთვის, ვინც პირველად იწყებს მცენარესთან ურთიერთობას. მცენარე, იზიდავს მავნე ნივთიერებებს ოთახიდან და წმენდს ჰაერს.

სანსევერია, მოითხოვს გაფილტრულ ან არაპირდაპირ სინათლეს. შეგიძლიათ მოათავსოთ, როგორც ოთახის განათებულ, ისე, შედარებით ჩრდილოვან კუთხეში. ნუ მორწყავთ ინტენსიურად, ბევრი წყალი მას გააფუჭებს. მორწყვებს შორის, ნიადაგი გამოუშრეთ.

5. ეპიპრემნუმი

ეპიპრემნუმი, ასუფთავებს ჰაერს ბენზოლისგან. მისი მოვლა მარტივია. იზრდება სწრაფად და იშვიათად სჭირდება მორწყვა.

შეგიძლიათ, რომ სამუშაო მაგიდაზე, კომპიუტერის გვერდით მოათავსოთ. მცენარე, სწრაფად იზრდება და ხშირად მორწყვასაც არ საჭიროებს. გახსოვდეთ, რომ ეპიპრემნუმი, ტოქსიკურია შინაური ცხოველებისათვის.

6. ქრიზანთემა

ჩინელებმა, ქრიზანთემა, ჯერ კიდევ 2500 წლის წინ გაახარეს და მას სამკურნალოდაც იყენებდნენ. მას სამეფო ყვავილი უწოდეს. იაპონელები კი ამ ყვავილს, საიმპერატორო იარაღზე ხატავდნენ.

ეს ელეგანტური მცენარე, გარდა იმისა, რომ დაგიმშვენებთ ოთახს, უკეთესად სუნთქვაშიც დაგეხმარებათ. ქრიზანთემა, სხვადასხვა ფერისაა, იოლი მოსავლელი მცენარეა და ლამაზად ყვავის.

კოკრების გასაშლელად, კაშკაშა სინათლე სჭირდება, მაგრამ მწველ მზეს მოარიდეთ.

7. დრაცენა

დრაცენა, საკმაოდ საინტერესო ტროპიკული მცენარეა. ზოგ ქვეყანაში, ხშირად, იმ მიზნით ზრდიან ამ მცენარეს, რომ შობის დღეს, ოჯახს, ბედნიერება მოუტანოს. მისი სახელწოდება – „დრაცენა“, ნიშნავს - „კარგ მომავალს“. ამიტომ, ფიქრობენ, რომ თუ შობას დრაცენასთან ერთად შეხვდებიან, ის ბედნიერ მომავალს დაუბედებს ოჯახს.

გარდა იმისა, რომ მცენარე ორიგინალურია, ასევე შეიცავს სასარგებლო თვისებებსაც და უხდება ნებისმიერ ინტერიერს.

8. ფიკუს ბენჯამენი

მარადმწვანე ფიკუსის, შვიდასამდე სახეობა არსებობს. მის სამშობლოდ ინდონეზია ითვლება. ჩვენში, ამ მცენარის, რამდენიმე სახეობაა გავრცელებული.

ფიკუს ბენჯამენი, ხშირად, სილამაზის გამო იმსახურებს მოწონებას, მაგრამ ცოტამ თუ იცის მისი სასარგებლო თვისებების შესახებ. ისიც, დანარჩენი მცენარეების მსგავსად, ეხმარება ჰაერს, მავნე მინარევებისგან გათავისუფლებაში.

ფიკუსის მოთავსება, ნებისმიერ ოთახშია შესაძლებელი. იგი, არ იწვევს ალერგიულ რეაქციას.

ამ მცენარეს, არ უყვარს პირდაპირი მზის სხივები. ოთახში, ტემპერატურა, 16 გრადუსზე დაბლა არ უნდა ჩამოვიდეს. ხშირად უჩნდება მწერი, საჭიროა შეწამვლაც და სტიმულატორების მიცემა.

9. აზალია

ამ მცენარის, 2000-მდესახეობა არსებობს. იგი, ხარობს როგორც ბაღში, ასევე ქოთანში.

აზალიას უპირატესობა, იმაში მდგომარეობს, რომ შეუძლია ფორმალდეჰიდისა და ამიაკის ნაწილაკებისგან გაწმინდოს ჰაერი. ამიტომ, კარგია თუ მოათავსებთ სამზარეულოში ან სააბაზანოში, სადაც ყველაზე ხშირად იყენებთ გამწმენდ და სარეცხ საშუალებებს.

აზალია, სინათლის მოყვარული ყვავილია, მაგრამ ვერც მზის მწველ სხივებს იტანს. წყლისა და შუქის უკმარისობის გამო კი, შესაძლოა, რომ ფოთლები დასცვივდეს.

10. ინგლისური სურო

ინგლისური სურო, იმ მცენარეთა რიცხვს მიეკუთვნება, რომელთა გაზრდა და მოვლა, ძალიან მარტივია. რაც მთავარია, მცენარეს, შეუძლია გაფილტროს ჰაერი, ეფექტურად გაუმკლავდეს საყოფაცხოვრებო ქიმიკატებსა და ბენზოლის ნაწილაკებს.

შეგიძლიათ მოათავსოთ სამზარეულოში ან დერეფანში.

წყარო: presa.ge
































ტექსტის სანახავად გაიარეთ რეგისტრაცია.