ასე მომზადებული სვანური მარილი ყველა კერძს უხდება და ბავშვიანი ოჯახებისთვისაც ზედგამოჭრილია



ბევრ ოჯახში კერძებს სწორედ სვანური მარილით კმაზავენ, რადგან მასში ყველაფერია – მარილიც, სუნელებიც, წიწაკაც და ცალ-ცალკე ამ ინგრედიენტების დამატებას აღარ საჭიროებს. რეცეპტი, რომელსაც ჩვენ გთავაზობთ, გამოცდილია და ასე მომზადებული სვანური მარილი ყველა კერძს უხდება. მასში ზომიერად არის სიმწარეც, უცხო სუნელებიც და მარილიც. ბავშვიანი ოჯახებისთვისაც ზედგამოჭრილია.
ვისაც სურს, შეუძლია, რომელიმე ინგრედიენტი მეტი გაუკეთოს და ასე ან მეტად მწარე გამოუვა, ან მეტად მარილიანი. ეს სურვილისამებრ შეგიძლიათ.

მაშ ასე, ვაკეთებთ ნახევარლიტრიან (0,5 მლ) ქილაზე.

ქილის ნახევარი, ან ოდნავ მეტი უნდა იყოს მარილი (ჯობს მსხვილი). შემდეგ ემატება 8-9 ჩაის კოვზი ხმელი დანაყილი ქინძი (ვისაც ქინძი უფრო უყვარს, მეტიც შეუძლია ჩაყაროს), ნახევარი ჩაის კოვზი უცხო სუნელი გემოვნებით – ახალდაფქული წითელი წიწაკა. კარგად აურევთ და ფერის მიხედვით მიხვდებით, ყოფნის თუ არა ქინძი. თუ გინდათ, სვანური მარილი მშრალი იყოს, ნივრის კბილები (4-5 პატარა კბილი) ჩაჭერით რამდენჯერმე და ისევე დააყარეთ მარილს. თუ ნივრის მეტი გემო გინდათ და შედარებით უფრო სველი მარილი, რამდენიმე ნივრის კბილი დაჭყლიტეთ და ოდნავ წყალგარეული ზედ დააწურეთ მარილს.
ზოგიერთები ამ რეცეპტს ძირასაც უმატებენ. ესეც სურვილისამებრ შეგიძლიათ გააკეთოთ. კომენტარებში შეგიძლიათ, თქვენი გამოცდილი რეცეპტებიც შემოგვთავაზოთ.

postalioni.com
































ტექსტის სანახავად გაიარეთ რეგისტრაცია.