5 წესი ბავშვის ტელევიზორთან ყოფნისათვის



ვინ იცის ყველაფერი მხედველობასა და თვალებზე? რა თქმა უნდა, ექიმებმა. ასევე, მათ, ვინც ბავშვებისთვის მულტფილმებსა და კინოსურათებს ქმნის. ”ელვინისა და თახვების” მეორე ფილმის DVD-ვერსიის გამოსვლისას კინოკომპანია ”მეოცე საუკუნე ფოქსის” ოფთალმოლოგებმა 5 წესი შეიმუშავეს იმისთვის, რომ სახლში ფილმის ნახვამ ბავშვებს მხოლოდ სიამოვნება მოუტანოს. გთავაზობთ ამ წესებს:








წესი 1. არა უმეტეს ერთი მულტფილმისა დღეში

რაც მართალია, მართალია. ოჯახების უმრავლესობაში ტელევიზორი დღე და ღამე ჩართულია, რაც ბავშვების მხედველობაზე დამღუპველად აისახება. პატარების ცხოვრების პირველ წლებში აქტიურად ფორმირდება მხედველობითი სისტემა და ტელევიზორის გავლენა მასზე დიდია.

”ამ პერიოდში თვალების ზედმეტად დატვირთვა შეიძლება სერიოზული პრობლემების მაპროვოცირებელი გახდეს, ამიტომ სპეციალისტები 2 წლამდე ბავშვებისთვის, საერთოდ, არარეკომენდებულად თვლიან კინოჩვენებებს. შემდეგ კი ეკრანთან ბავშვის ყოფნის ხანგრძლივობის გაზრდა შეიძლება დღეში 20-30 წუთამდე.

სკოლამდელი ასაკის ბავშვებისთვის 1 საათი მაქსიმუმი უნდა იყოს. დაწყებითი კლასის მოსწავლეთათვის დროის ორჯერ გაზრდა შეიძლება, მაგრამ აუცილებელია 15-წუთიანი შესვენება.

წესი 2. შექმენით მართებული პირობები ჩვენებისთვის

არ ღირს ტელევიზორის სრულიად ბნელ ოთახში ყურება. სინათლის მკვეთრ ცვალებადობასაც არ მოაქვს სიკეთე თვლებისთვის. თუ საშუალებაა, მულტფილმები დღისით ან საღამოს კარგად განათებულ ოთახში ნახეთ.

ძალიან მნიშვნელოვანია ბავშვის ეკრანის პირისპირ დასმა. დაახლოებით 2,5-3 მეტრ მანძილზე დივანზე ან ვერტიკალურსაზურგიან სკამზე. ნუ მიაჩვევთ ბავშვს ტელევიზორთან ჭამას.

წესი 3. ყურადღება მიაქციეთ გამოსახულების ხარისხს

დოზირებული რაოდენობით ნახატი ფილმების ნახვა პატარას მხედველობას უვითარებს, მაგრამ თუ გამოსახულება დარღვეულია და ხარვეზიანია, ვიზუალური შეგრძნებების ნაკლებობისას შეიძლება ამბლიოპია დაემართოს - მხედველობითი ანალიზატორის განვითარების შეფერხება. ამიტომ გამოსახულება უნდა იყოს მკვეთრი, არ უნდა იციმციმოს, არ უნდა იყოს ბუნდოვანი და ფერმკრთალი.

წესი 4. აარჩიეთ კეთილი მულტფილმები

მულტფილმები დადებითად ზემოქმედებენ წარმოსახვის, ფანტაზიის, ემოციური სფეროს განვითარებაზე. ძალიან მნიშვნელოვანია, თვალყური ვადევნოთ, რა მულტფილმებს უყურებს ჩვენი პატარა: პერსონაჟები უნდა იყონ განსხვავებული (მხიარული, ცელქი, ხალისიანი, მშვიდი, წყნარი), არააგრესიული, დადებითი და უარყოფითი ემოციების მომტანი, ასწავლიდნენ მეგობრობას, ურთიერთდახმარებას და მართებულ მოქმედებას.

წესი 5. მულტფილმები ერთად ნახეთ

არაფერი ისე არ აერთიანებს, როგორც დროის ერთად გატარება. რადგან ბავშვებს უფრო უხარიათ მულტფილმის ნახვა, ვიდრე უფროსებს, ძალიან მნიშვნელოვანია, მათ ხალისს აჰყვეთ. ბავშვე აუცილებლად უნდა შეეძლოს შთაბეჭდილების ვინმესთვის გაზიარება, პერსონაჟებზე საუბარი. შეგიძლიათ მულტფილმის გმირების დახატვა, მათზე ახალი ისტორიების შეთხზვა შესთავაზოთ. გარდა ამისა, მულტფილმის ერთად ნახვა კარგი შესაძლებლობაა ბავშვისთვის იმის ასახსნელად, თუ ”რა არის კარგ და რა - ცუდი”.

დააკვირდით, როგორ რეაგირებს თქვენი პატარა ნახატის, მუსიკის, სასაცილო და საშიში ეპიზოდების შეცვლაზე, რომ მომდევნო ჯერზე სწორედ ის ფილმი აარჩიოთ, რომელიც ერთობლივი ჩვენებისთვის საუკეთესო იქნება.
































ტექსტის სანახავად გაიარეთ რეგისტრაცია.


კომენტარები:

  • Гости
  • აავტორი: თე
  • 7 марта, 14:03
კარგი რჩევებია, სწორად გათვლილი ;)
| |
Информация
Посетители, находящиеся в группе Гости, не могут оставлять комментарии к данной публикации.