აუცილებელი რჩევები ახალბედა მამიკოებს



როდესაც ოჯახში იბადება ბავშვი, დედები თავიანთ დროს მთლიანად მათ უძღვნიან. ეს გასაკვირი არცაა, 9 თვის მანძილზე მათ შორის უკვე მყარი კონტაქტი დამყარდა. დედებს დედობრივი ინსტინქტი ბავშვის მუცლადყოფნის პერიოდშივე უყალიბდება, მამობრივმა ინსტინქტმა კი შეიძლება გვიან გამოიღვიძოს. ბავშვის გაჩენის მერე ქალებს საკუთარი მეუღლეებისთვის აღარ რჩებათ საკმარისი დრო და მამაკაცი თავს გარიყულად გრძნობს. მდგომარეობას ამძიმებს ის ფაქტი, რომ დედები ბავშვის მოვლას მამებს არ ანდობენ და ყველაფერს თუნდაც ელემენტარულს თვითონ აკეთებენ. ძვირფასო დედიკოებო დაასაქმეთ მამები, ნუ გგონიათ , რომ ისინი ბავშვის მოვლას თავს ვერ გაართმევენ. პირიქით მიიხმარეთ თქვენი მეუღლეები ბავშვის მოვლასა თუ აღზრდაში , ამით უფრო მალე განუვითარდებათ მამობრივი ინსტინქტი და მომავალში ბავშვთან ახლო და თბილი ურთიერთობა ექნებათ. შეიძლება თავდაპირველად გამოუცდელმა მამამ ისე კარკად ვერ გაართვას თავი ბავშვის მოვლას, მაგარმ დრო მიეცით და მიენდეთ მას. თანაც, თქვენ, ქალბატონებს თავისუფალი 1-2 საათი გამოგიჩნდებათ და შეძლებთ დასვენებას ან საკუთარი თავის მოწესრიგებას.

რჩევები მამიკოებს:

ხშირად აიყვანეთ ბავშვი ხელში, ესაუბრეთ მას. ჩვილს დაამახსოვრდებით შეხებით, ხმით, სუნით. პატარა ისწავლის თქვენს ნდობას. ნუ გეშინიათ იმის , რომ პატარას რამეს ატკენთ, დაძლიეთ ეს შიში და მოესიყვარულეთ თქვენს პატარას.
ხშირად დაიტოვეთ პატარა როცა თქვენი მეუღლე გასასვლელია, ეს უფრო მეტ გამოცდილებას შეგძენთ და ბავშთან დაგაახლოვებთ.
სასურველია თუ ბავშვს პედიატრთან მეუღლესთან ერთად წაიყვანთ
ხშირად წაუკითხეთ წიგნები ან მოუყევით ზღაპრები
უმღერეთ და სიმღერის დროს დაარწიეთ ან ბავშთან ერთად იცეკვეთ
ასეირნეთ პატარა ეს ბავშთან დაახლოებაში შეგიწყობთ ხელს ასევე დაასვენებთ თქვენს მეუღლესაც.
თუ პატარა ხელოვნურ კვებაზე გყავთ შეგიძლიათ ბოთლიდანაც აჭამოთ.
მამისა და ვაჟის დამოკიდებულება

მამები ყოველთვის ცდილობენ ვაჟებისგან ნამდვილი ვაჟკაცების გაზრდას. ხანდახან ამის სურვილი მამებს ზედმეტ სიმკაცრესა და დისტანციურობაშიც გამოიხატება. მათი აზრით ბიჭებისთვის ზედმეტი სითბო და ალერსი მავნებელია. მათი აზრით ისინი ამდაგვარი აღზრდით „ქალაჩუნები“ გაიზრდებიან. სინამდვილეში კი პირიქით ხდება, ზედმეტი სიმკაცრე ბავშვს აშინებს და მამასთან სიახლოვესა და ნდობის წარმოშობაში ხელს უშლის. მამა არ უნდა იყოს მხოლოდ მკაცრი მშობელი , ის ამავდროულად უნდა იყოს მეგობარიც. იცოდეს ვაჟის მოსმენა, საჭიროებისამებრ რჩევის მიცემაც. უმჯობესია თუ თქვენ ვაჟს მიუდგებით როგორც ლოგიკურად მოაზროვნე ზრდასრულ ადამიანს, რომელთანაც შეგიძლიათ ისაუბროთ სხვადასხვა საკითხებზე. რაიმეს აკრძალვის შემთხვევაში აუხსენით ბავშვს თუ რატომ უკრძალავთ მას რაიმეს გაკეთებას, უთხარით თუ რა მოყვება მის ასეთ ქცევას და ნუ შემოიფარგლებით უბრალოდ ბრძანებით და მუქარით. ბავშვმა უნდა გაიაზროს ის , რომ მამა მართალია და სწორ რჩევას აძლევს და არა ის რომ მას მისი დასჯა შეუძლია და ამიტომ უნდა მოიქცეს სწორად. ვაჟთან ავტორიტეტის მოსაპოვებლად მოეპყარით მას როგორც თანასწორს რომელსაც მოლაპარაკებების და შედეგად სწორ გზაზე დააყენებთ.

მამისა და ქალიშვილის დამოკიდებულება

მამებისა და ქალიშვილების ურთიერთდამოკიდებულება გოგონას ცხოვრებაზე უდიდეს გავლენას ახდენს. მამის როლზეა დამოკიდებული თუ როგორი პარტნიორი და პირადი ცხოვრება ექნება მას. გოგონებისთვის ძალიან მნიშვნელოვანია მამის ალერსი, სითბო და მოფერება. ამიტომ მამებმა უნდა ისწავლონ სითბოსა და მზრუნველობის გამოხატა. ფსიქოლოგების თქმით ნამდვილი ქალის აღზრდა მხოლოდ მამებს შეუძლიათ. ოჯახში მამისგან მიღებული სითბო, აღიარება და დაცულობა გოგონაში აყალიბებს ნამდვილ ქალს. ცნობილი ფაქტია რომ გოგონებს მამები უფრო უყვართ, შესაბამისად მათი კრიტიკისადმი თუ შექებისადმი უფრო მგრძობიარენი არიან. მამებმა არამარტო უნდა გაათამამონ „პატარა პრინცესები“არამედ უნდა შეეცადნონ გამოუმუშავონ მოთბინება, სიბრძნე.

ის თუ როგორი დამოკიდებულებაა დედასა და მამას შორის აისახება გოგონას მომავალ პირად ცხოვრებაზე. გოგონებისთვის მამები ხდებიან მამაკაცის იდეალები და ამის მიხედვით ირჩევენ მომავალ მეუღლეებს.გოგონებს ჭირდებათ ზრუნვა და სითბო, თუმცა ეცადეთ არ შეუზღუდოთ მას თავისუფლება და მიეცით საშუალება ისწავლოს დამოუკიდებლობა.

რაც მთავარია გახსოვდეთ, რომ ბავშვის მოვლა და აღზრდა ეს ერთგვარი სიამოვნებაცაა ნუ გააკეთებთ ამას იძულებით ბავშვები ამას გრძნობენ. მიიღეთ ამ პროცესისგან მაქსიმალური სიამოვნება.



წყარო
































ტექსტის სანახავად გაიარეთ რეგისტრაცია.