როგორ გავიყუჩოთ ექიმთან მისვლამდე კბილის ტკივილი



კბილის ტკივილი ერთ–ერთი ყველაზე ძლიერია უსიამოვნებებს შორის. ტკივილისგან სრულად გასათავისუფლებლად აუცილებლად მიმართეთ სტომატოლოგს, მაგრამ არსებობს რამდენიმე ხალხური საშუალება, რომლებიც ტკივილის შემსუბუქებაში დაგეხმარებათ.

გაჭედილი საკვები. პირში თბილი წყალი ჩაიგუბეთ და როგორც საჭიროა გამოივლეთ. თუ დისკომფორტის მიზეზი საკვების ნარჩენი იყო, კარგად გამოვლება ტკივილს გააქრობს. თუ ეს საშუალება არ დაგეხმარათ, ამ შემთხვევაში გამოიყენეთ ძაფი. კბილებს შორის არე აკურატულად გაასუფთავეთ.

ღრძილების ანთება. ეხმარება გვირილისა და თაფლის ნაყენი. 3 სუფრის კოვზ გვირილას 400–500 მლ მდუღარე დაასხით. 15–20 წუთი წყლის აბაზანაზე დადგით. გაგრილებისა და გაწურვის შემდეგ ხსნარში 2 სუფრის კოვზი ნატურალური თაფლი დაუმატეთ და დღეში 5–7–ჯერ გამოივლეთ.

4 წილი კრაზანის ბალახი და 1 წილი ფიჭვის წიწვი აურიეთ. 4 სუფრის კოვზ ნარევს 1 ჭიქა მდუღარე დაასხით და დაბალ ცეცხლზე 2–3 წუთი ადუღეთ. ნაყენი 1–2 საათი დადგით. შემდეგ გაწურეთ და დაბალ ცეცხლზე ისევ ადუღეთ, სანამ ნარევი სანახევროდ არ აორთქლდება. გაგრილების შემდეგ მარლის ტამპონი დაასველეთ და ანთებით ადგილას დაიდეთ.

ღრძლებიდან სისხლდენის დროს გამოიყენეთ შემდეგი გამოსავლები. 50–60 გრამი მუხის ქერქი და 4–5 გრამი ცაცხვის ყვავილი აურიეთ. 1 ჩაის კოვზ ნარევს 1 ჭიქა მდუღარე დაასხით და 15–20 წუთი დადგით. გაწურეთ. ოთახის ტემპერატურამდე გააცივეთ და დღის განმავლობაში პირში რამდენჯერმე გამოივლეთ.
მტკივნეული კბილის მხარეს არაყი ან კონიაკი დაიგუბეთ. კბილის ირგვლივ ღრძილი სპირტს შეიწოვს, რაც ტკივილს შეამცირებს.
კბილთან ან ლოყასთან, დღეში 4–5–ჯერ ყინულის ნატეხი 10–15 წუთით დაიდეთ – ტკივილს ხსნის.
იმ მხარეს, სადაც კბილი გტკივათ, ყურის ზედა ბოლო ცერა და საჩვენებელი თითებით რამდენიმე წუთი დაისრისეთ.


წყარო: presa.ge
































ტექსტის სანახავად გაიარეთ რეგისტრაცია.