ბოლოკი ყველაზე სასარგებლო საგაზაფხულო ბოსტნეულად აღიარეს



როგორც მეცნიერებმა დაამტკიცეს, ბოლოკი ერთ-ერთი საუკეთესო საგაზაფხულო ბოსტნეულია. ბოლოკში ძალიან ცოტა კალორიაა და შესანიშნავი პროდუქტია მათთვის, ვინც ზედმეტ ცხიმებს ებრძვის. მდიდარია C ვიტამინით.

სასარგებლოა გულისა და სისხლძარღვებისთვის. ბოლოკი შეიძლება იქცეს საიმედო და აქტიურ დამხმარედ ქოლესტერინთან საბრძოლველად და გულს-სისხლძარღვთა დაავადებების პროფილაქტიკისთვის. კარგია დიაბეტისგან დასაცავად - ბოლოკში გლუკოზის დონის ნორმალიზაციისთვის საჭირო ნივთიერებებია.

ორგანიზმსაც აახალგაზრდავებს. აღმოსავლური მედიცინის სპეციალისტები მიიჩნევენ, რომ ბოლოკს გამაახალგაზრდავებელი თვისება აქვს, რადგან აქვს უნარი ორგანიზმი ''გაახუროს'' - ასტიმულირებს კუჭის წვენის გამოყოფას.

ბოლოკი ანტივირუსულ დაცვასაც უზრუნველყოფს, მასში შემავალი ბუნებრივი ანტიბიოტიკების - ფიტონციდების წყალობით, რომლებიც გაციებისა და ვირუსებისგან გვიცავენ.

მეცნიერები გვირჩევენ, ბოლოკი მთლიანად მივირთვათ და მისი ფოთლებიც გამოვიყენოთ, რადგან ბევრი სასარგებლო თვისება აქვს ფოთლებსაც. თანაც, საკმაოდ გემრიელია, შეიძლება წვნიანის და გარნირების დამზადება, ამატებენ ხორცში მოთუშვის დროს, ამზადებენ მწვანე სალათებს.

ბოლოკი უკუნაჩვენებია მხოლოდ საჭმლის მომნელებელი სისტემის დაავადებების დროს - ვისაც ამგვარი პრობლემები აქვს, მას ურჩევენ, სიფრთხილით მოეკიდონ ამ ბოსტნეულს.


წყარო: etanews.ge
































ტექსტის სანახავად გაიარეთ რეგისტრაცია.