მკვდარ ფუტკრებს მრავალი დაავადების სამკურნალოდ იყენებენ



ავტორი: ნათია ცუხიშვილი

ფუტკრის სხეულის რქოვანა შეიცავს ჰეპარინს და ჰეპაროიდებს, რომლებიც დადებითად მოქმედებენ ადამიანის სისხლძარღვოვან სისტემაზე, ახშობენ ანთებით პროცესს, გააჩნიათ ადგილობრივი ტკივილგამაყუჩებელი თვისება და ხელს უწყობენ ჭრილობის და დამწვრობის შეხორცებას.
მკვდარ ფუტკრებს, ე.წ. პოდმორს იყენებენ ახლომხედველობისას, მასტიტების დროს, ვენების ვარიკოზული გაგანიერებისას, თრომბოფლებიტის, სახსრების ტკივილის, პროსტატის ადენომის, სექსუალური დარღვევების დროს. სამედიცინო დანიშნულებისათვის მას იყენებენ დამბალს, ნახარშის, ლინიმენტის ან სპირტიანი ექსტრაქტის სახით.

*15 წუთის განმავლობაში, მარლაში გახვეული მკვდარი ფუტკრები ცხელ წყალში დაალბეთ, შემდეგ კი დაადეთ ანთების კერას.

*ლინიმენტის დასამზადებლად პოდმორი დაფქვით და აურიეთ ზეითუნის ზეთში. კუნთის ან სახსრის ტკივილის დროს შეიზილეთ მტკივან ადგილას.

*რევმატიზმით, რადიკულიტით და ა.შ. გამოწვეული ტკივილის დროს - 1 ჭიქა მკვდარ ფუტკრებს დაასხით 1 ლიტრი არაყი და 10-12 დღე ბნელ ადგილას გააჩერეთ. შემდეგ გაფილტრეთ, მტკივნეულ ადგილს წაუსვით ნებისმიერი ცხოველური ქონი და დააფინეთ ნაყენში დასველებული თეთრი დოლბანდი, შემოახვიეთ კომპრესის ქაღალდი და შალის ქსოვილი.

*სპირტიანი ექსტრაქტის დასამზადებლად 1 სუფრის კოვზ დაფქულ პოდმორს დაასხით 1 ჭიქა არაყი და გააჩერეთ 2 კვირა. არტერიული წნევის სტაბილიზაციის მიზნით 15-20 წვეთი მიიღეთ ერთი თვის განმავლობაში ჭამის შემდეგ.

*ნახარში კარგად მოქმედებს თირკმლის დაავადებების დროს. 1 სუფრის კოვზ პოდმორს დაასხით ნახევარი ლიტრი მდუღარე წყალი და ნელ ცეცხლზე 2 საათი ხარშეთ. შემდეგ ნახარში გადაწურეთ და ერთი თვის განმავლობაში 1 სუფრის კოვზი დღეში ორჯერ მიიღეთ.

წყარო: reportiori.ge
































ტექსტის სანახავად გაიარეთ რეგისტრაცია.