კონტაქტური ლინზები: გამოყენება და მოვლა



რბილი კონტაქტური ლინზები

რბილი კონტაქტური ლინზები ყველაზე პოპულარული და ფართოდ გამოყენებადი ლინზებია. რბილი კონტაქტური ლინზების საშუალებელით შესაძლებელია მხედველობის კორექცია შემდეგი პათოლოგიების დროს:

• ახლომხედველობა (მიოპია)
• შორსმხედველობა (ჰიპეროპია)
• გაორება (ასტიგმატიზმი)
• ასაკობრივი ცვლილებები (პრესბიოპია)

არსებობს კონტაქტური ლინზების რამდენიმე ნაირსახეობა:

დღისით გამოსაყენებელი.

ამ ტიპის ლინზები შეგიძლიათ ატაროთ მთელი დღის განმავლობაში, ღამით კი უნდა მოიხსნათ. ამ ლინზების გამოყენების ვადა სხვადასხვანაირია.

ხანგრძლივი მოხმარების.

შეგიძლიათ არ მოიხნათ ძილის დროსაც. მაგრამ აუცილებელია ლინზების მოხსნა და სადეზინფექციო ხსნარით დამუშავება კვირაში ერთხელ მაინც.

ერთჯერადი.

ერთჯერადი ლინზები შეგიძლიათ ატაროთ დღის განმავლობაში, ღამით კი მოიხსენით და გადააგდეთ. ერთჯერადი ლინზა შექმნილია მათთვის ვინც იშვიათად იყენებს ლინზებს, ან ვერ იტანს სადეზინფექციო საშუალებებს.

მყარი კონტაქტური ლინზები

მყარი ლინზები უზრუნველყოფენ მკაფიო და სუფთა მხედველობას. ასევე მყარი ლინზების გამოყენებისას ნაკლებია ინფექციის განვითარების რისკი. მიუხედავად ამისა, მყარი ლინზების უმრავლესობა საჭიროებს ღამით მოხსნას და დეზინფექციას. მყარი ლინზების უარყოფითი მხარეა ის, რომ რბილ ლინზებთან შედარებით, ნაკლებად კომფორტულია. პაციენტებს, საშუალოდ, 1 კვირა სჭირდებათ მისაჩვევად. მყარი ლინზების უმრავლესობა შეგიძლიათ თითქმის 3 წელი გამოიყენოთ.

სპეციალური კონტქტური ლინზები

•ჰიბრიდული ლინზები.
შუაში მყარია, გვერდები კი რბილი აქვს. ამ ტიპის ლინზები გამოიყენება კერატოკონუსის დროს, ან იმ შემთხვევაში თუ ვერ იტანთ მყარ ლინზებს.
• ბიფოკალური ან მულტიფოკალური ლინზები.
ენიშნებათ პაციენტებს ასაკობრივი ცვლილებებით გამოწვეული მხედველობის დაქვეითების დროს (პრესბიოპია).
• კოსმეტიკური და ფერადი ლინზები.
მოერიდეთ ამ ტიპის ლინზების გამოყენებას, რადგან მათ შესაძლებელია სერიოზული ინფექცია ან მხედველობის პრობლემა გამოიწვიონ.
როგორ ავიცილოთ თავიდან თვალის ინფექცია
• ჰიგიენის წესების დაცვა.
დაიბანეთ და კარგად გაიმშრალეთ ხელები სანამ ლინზებს შეეხებით.
• მოიხსენით ლინზები ძილის წინ.
ეს რეკომენდაცია ვრცელდება ხანგრძლივი მოხმარების ლინზებზეც. მიუხედავად იმისა, რომ ხანგრძლივი მოხმარების ლინზების ტარება შესაძლებელია 1 კვირა მოუხსნელად, ინფექციის განვითარების რისკის შესამცირებლად, უმჯობესია მათი მოხსნა ძილის წინ.
• მოარიდეთ ლინზები წყალს.
მოიხსენით ლინზები ბანაობის ან ცურვის წინ.
• არ დაასველოთ ლინზები ნერწყვით.
ამით შესაძლებელია დააინფიციროთ ლინზები.
• დეზინფექციისთვის გამოიყენეთ მხოლოდ სპეციალური სხნარები.
არ გამოიყენათ ფიზიოლოგიური ხსნარი ან გადადუღებული წყალი. შეამოწმეთ გამწმენდი სითხის ვარგისიანობის ვადა.
• გაწმინდეთ ლინზები სანამ ჩადებთ სადეზინფექციო ხსნარში.

უმჯობესია სუფთა ხელით, ნაზად გაწმინდოთ ლინზა სადეზინფექციო სხნარში, სანამ მოათავსებთ მათ კონტეინერში.

არ გამოიყენოთ კონტაქტური ლინზები და სადეზინფექციო სითზე ვადის გასვლის შემდეგ. გამოცვალეთ ლინზები ვადის გასვლის შემდეგ და ლინზის ჩასადები კონტეინერი კი 3-6 თვეში ერთხელ. მიუხედავად ყველა ამ წესის დაცვისა, კონტაქტური ლინზების გამოყენებისას, შესაძლებელია შეგაწუხოთ თვალების სიმშრალემ, რაც გამოიხატება თვალების ქავილით და დისკომფორტით. ამ შემთხვევაში, მოიხსენით ლინზები და ჩაიწვეთეთ რქოვანის დამატენიანებელი წვეთები. თუ შეგაწუხებთ თვალების ტკივილი, სინათლისადმი მომატებული მგრძნობელობა ან სხვა პრობლემა, მოიხსენით ლინზები და დაუყოვნებლივ მიმართეთ ექიმს.


წყარო: life.mediamall.ge
































ტექსტის სანახავად გაიარეთ რეგისტრაცია.