ქალებს თავიანთი სექსუალური პრობლემები ნაკლებად აღელვებთ



სექსუალურ ცხოვრებას ქალისთვის ნაკლები მნიშვნელობა როდი აქვს, ვიდრე მამაკაცისთვის. ეს დღეს უკვე ყველასთვის ცნობილია.

როცა ძლიერი სქესის წარმომადგენლებს ინტიმური ხასიათის პრობლემები უჩნდებათ, ორივე პარტნიორი “ზარალდება”.

საინტერესოა, როგორი დამოკიდებულება აქვთ თავად ქალებს საკუთარი დისფუნქციების მიმართ?

გამოკვლევა, რომლის შედეგებსაც ამ მასალით გაცნობთ, საქართველოში არ ჩატარებულა, მაგრამ ვფიქრობთ, ადვილად წარმოგვადგენინებს იმას, თუ როგორი სიტუაცია იქნება ამ საკითხში, ათასგვარი პრობლემით "განებივრებულ" ჩვენს ქვეყანაში.

გამოჰკითხეს 18 წელს ზევით ასაკის 32 000 ქალი.

მეცნიერებს ამ გამოკითხვის შედეგებმა საშუალება მისცა, გაერკვიათ, რამდენად ხშირია ქალებში ინტიმური ხასიათის პრობლემები და როგორი დამოკიდებულება აქვთ თავად ქალებს ამ პრობლემების მიმართ.

აღმოჩნდა, რომ ამა თუ იმ ხასიათის სექსუალური პრობლემა გამოკითხული ქალების 40%-ს აქვს. მაგრამ ამ ქალების მხოლოდ 12% ღელავს პრობლემის არსებობის გამო. დანარჩენები კი სულაც არ ნერვიულობენ.

ყველაზე გავრცელებულ დისფუნქციებად დასახელდა: სურვილის არარსებობა (პაციენტების 39%), პრობლემები აღგზნებასთან (26 %) და ორგაზმის არარსებობა (21%). თანაც, რაც უფრო დიდია ასაკით ქალი, მით ხშირია ინტიმური ხასიათის პრობლემა და მით ნაკლებია ყურადღება, რომელიც ამ პრობლემას ექცევა.

წყარო: eva.ge
































ტექსტის სანახავად გაიარეთ რეგისტრაცია.