7 ფრაზა, რომელიც არასოდეს უნდა უთხრა ადამიანს



ფსიქოლოგები გვთავაზობენ ფრაზებს, რომლებიც არასოდეს უნდა უთხრათ სხვა ადამიანს. არ აქვს მნიშვნელობა თუ ვინ იქნება ის - მეგობარი, მეუღლე, შვილი თუ სრულიად უცნობი ადამიანი.

1. გრცხვენოდეს!

ფსიქოლოგების განცხადებით სირცხვილი პირდაპირაა დაკავშირებული თვითშეფასებასთან და მისმა დაქვეითებამ შესაძლოა აგრესიის შემოტევები განაპირობოს.

2. გაიზარდე

ფსიქოლოგები ამ ფრაზის წინააღმდეგ რამდენიმე მოსაზრების გამო გამოდიან. პირველ რიგში, თავად ფრაზის შინაარსი გულისხმობს, რომ ახალგაზრდად დარჩენა უბრალოდ სისულელე და სირცხვილია. თუმცა, უმეტეს შემთხვევაში მსგავსი ფრაზის მთქმელს მეორე ადამიანის არაკვალიფიციურობისთვის და საკუთარი თავის აღმატებულობისთვის სურს ხაზგასმა. ფსიქოლოგების აზრით, საკუთარი უპირატესობის წარმოსაჩენად აღნიშნული ფრაზა ერთ-ერთი ყველაზე ცუდი ვარიანტია.

3. მართლა, რომგიყვარდე, მაშინ …

ფსიქოლოგები აღნიშნული ფრაზის გაგრძელებასაც კი არ ურჩევენ მის წამომწყებს და მომენტალურად გაჩუმებისკენ მოუწოდებენ. როდესაც მეორე ადამიანს ამ ფრაზით იწვევთ, თქვენ მათ სიყვარულის თქვენი წესებით დემონსტრირებას აიძულებთ. სიყვარული ერთ-ერთი ყველაზე დიდი გრძნობაა და ყველა ადამიანს მეტ-ნაკლებად თავისებურად ესმის და გამოხატავს კიდეც მას. ნუ მოუყვანთ მეორე ადამიანს სიყვარულის გამოხატვის მაგალითად საკუთარ თავს.

4. იმიტომ, რომ მე ასე ვთქვი!

ამ შემთხვევაში ფსიქოლოგებს სოცილოგებიც ეთანხმებიან: მათი გამოკვლევების თანახმად აღნიშნული ფრაზა მშობლების მიერ შვილებისთვის მრავალჯერდად აუსრულებ და განმეორებადი ფრაზების სამეულში შედის. მიუხედავად მისი ხშირი გამოყენებადობისა, ეფექტურობა ძალიან დაბალია. აღნიშნული ფრაზის მოშველების ნაცვლად ბევრად უფრო ეფექტურია კონკრეტული მიზეზის დასახელება თუ რატომ არის კონკრეტული ფაქტი თუ ამბავი სწორედ ისე როგორც თქვენ აცხადებთ. მშობლის მიერ საკუთარი თავის მბრძანებლის როლში წარმოჩენას, რომელიც ყოველგვარი ზედმეტი შეკითხვების გარეშე ითხოვს შეუზღუდავ ძალაუფლებას, ურთიერთობის მხოლოდ და მხოლოდ დაძაბვა შეუძლია.

5. რატომ არ შეგიძლია იყო უფრო…

რატომ არაბარებ უნივერსიტეტში, როგორც შენი და ? რატომ არ გაქვს ისეთივე სამსახური, როგოც შენს ძმას? რა თქმა უნდა, ბავშვისთვის და ზოგადად ნებისმიერი ადამიანისთვის მაგალითების მოყვანა ბუნებრივია, თუმცა ძალიან ფრთხილად უნდა მოეკიდოთ გამუდმებულ შედარებებს. ამით თქვენ ბავშვს შანსს უკარგავთ, რათა საკუთარი ძლიერი მხარეები თავად აღმოაჩინოს და უბიძგებთ ნაჩქარევი გადაწყვეტილებები მიიღონ საკუთარი ქმედებების შესახებ, თანაც მუდმივად სხვის მაგალითზე დაყრდნობით.

6. შენ ზედმეტად კარგი იყავი (ხარ)

აღნიშნული ფრაზა ყოველთვის მეორე მხარის დასაწყნარებლად გამოიყენება, თუმცა ყურადღება უნდა მიაქციოთ, რომ ხშირად მას საპირისპირო შედეგიც კი შეიძლება ჰქონდეს. მაგალითად თქვენ თუ ამ ფრაზით მეგობარს დაამშვიდებთ, რომელიც სულ ახლახანს დაშორდა შეყვარებულს და მალე აღმოაჩენთ, რომ ისინი შერიგებულან და კვლავ ერთად არიან, ამან შესაძლოა თქვენი ურთიერთობა საფრთხის ქვეშ დააყენოს, რადგან მეგობარს ყოველთვის ემახსოვრება, რომ მის მეორენახევარს მისთვის შეუფერბლად თვლით.

7. დაწყნარდი


ერთ-ერთი ყველაზე გავრცელებული ფრაზაა, რომელმაც შესაძლოა ნეგატიური რეაქცია გამოიწვიოს. მაქსიმალურად უნდა მოერიდოთ მსგავსი ფრაზის გამოყენებას გაბრაზებულ მშობლებთან, ნათესავებთან, მეგობრებთან ან უბრალოდ ნებისმიერ ადამიანთან. გამოკვლევების თანახმად სწორედ აღნიშნული ფრაზა დასახელდა ერთ-ერთ ყველაზე გამაღიზიანებელ და ბრაზის კიდევ უფრო მაპროვოცირებელ ფრაზად.

და ბოლოს, გახსოვდეთ, რომ ჩამოთვლილი ფრაზები ზოგიერთ კონტექსტში შესაძლოა ძალზე ბუნებრივადაც ჩაჯდეს, თუმცა კვლევებს თუ დავუჯერებთ სწორი კონტექსტის შერჩევის შანსი იმდენად მცირეა, რომ ჯობს ისინი საერთოდ ამოიღოთ საკუთარი ლექსიკონიდან. საინტერესოა, თავად რა ფრაზებს დაამატებდით აღნიშნულ ჩამონათვალს?


წყარო: etanews.ge
































ტექსტის სანახავად გაიარეთ რეგისტრაცია.